Marriott Bonvoy - 萬豪紛享會員日2021年3月份優惠預告

 

今個月嘅萬豪會員日將會推出以下三項優惠：

● 每次住宿可享高達5,000額外積分獎勵
● 入住享用雙人房內下午茶套餐、雙人房內雞尾酒套餐或單人水療服務
● 提早預訂可獲贈每日HK$250餐飲消費額

香港JW萬豪酒店 - 三月限時浪漫放閃住宿優惠；及JW Stay Well Dine Well 2021「零」房價優惠【預訂日期：即日至2021年3月10日】

JW Marriott Hong Kong為三月份白色情人節期間限定推出咗一個浪漫放閃住宿優惠，價錢$1,681+10%，收費包含一晚豪華客房住宿、雙人自助早餐及$800餐飲消費額，消費額可使用於酒店內共8間餐廳或客房用餐，當中包括剛獲得米芝蓮一星中菜廳萬豪金殿，不過呢個Package比較適合Marriott Bonvoy非白金會員，因為同時間有另一個較早前已推出嘅JW Stay Well Dine Well 2021「零」房價優惠，房價全數回贈餐飲消費額、白金以上會員兼且本身有免費早餐待遇。

香港康得思酒店 - 貴賓客房住宿快閃$999起+10%包含早餐、下午茶及Happy Hour；住宿套餐連早、午自助餐$1,180起+10%，迪迪family預訂尊享紅酒一支【預訂日期：即日至2021年3月8日】

 

Cordis Hong Kong今個星期嘅兩個快閃，一個啱飲得之人，貴賓客房只係$999起+10%包入Lounge，早餐、下午茶及Happy Hour食足三餐，Cocktails時段仲可以無限暢飲各款美酒！復活節都只係貴$200，呢類優惠最適合用來低成本衝1865 Privilege會員計劃，年內只需入住5次就能獲得第二高階嘅Voyager會籍，將來保級每年只需入住兩次！另一個優惠適合buffet控，住宿連兩位自助早餐及自助午餐都只係$1,180起+10%！

奕居 - 最新餐飲消費額回贈優惠！升級Studio 80豪華房每晚$2,899(包服務費)，包$1,500房內用餐消費額、免費客房內Maxi-Bar及客房無限點播電影及爆谷【入住日期：2021年3月6日至5月31日】

 

嘩！重返TripAdvisor本港第一位嘅The Upper House剛推出咗一個無法抗拒嘅快閃促銷！價錢$2,899起，已經包含咗服務費，套票包咗$1,500房內用餐消費額回贈、免費客房內Maxi-Bar、客房無限點播高清電影及爆谷及兼享泊車半價優惠！今次真係好抵！

九龍海逸君綽酒店 - 貴賓樓層住宿禮遇每晚$1,528起(包服務費)包入Lounge連兩位海雲天中菜鮑魚花膠八道饗宴【預訂日期：2021年3月3日至3月7日】

 

位於紅磡嘅Harbour Grand Kowloon推出新裝修嘅貴賓樓層客房優惠！住宿每晚$1,528起(包服務費)，除咗包咗本身貴賓樓層享用下午茶、Happy Hour無限量供應紅白酒及小食、位於酒店地下The Promenade享用雙人半自餐早餐外，仲包埋响「海雲天」中菜廳享用鮑魚花膠八道菜晚餐，晚餐菜式包含帶子皇、花膠鮑魚燉湯、六頭鮑魚伴玉掌及脆皮乳鴿等！今次優惠無論周末及復活節都劃一價錢，若果星期一至四(公眾假期除外)仲可以免費升級貴賓海景及提早上午12點入住，慶生送蛋糕、結婚週年送餐酒等多項額外禮遇！

American Express - 全新美國運通Explorer™信用卡，指定旅遊及日常消費網站/航空公司簽賬5倍積分 (相等於HK$3=1飛行里數、HK$1.8=1萬豪積分、HK$1.28=1希爾頓積分)，成功申請可享免首年年費及高達HK$4,200迎新奬賞！

 

阿迪哥平常比較少介紹信用卡，但全新嘅美國運通Explorer信用卡真係不得不講一吓，先講卡面有黑卡概念，真心型！最強當然係實際用途，絕對喺玩酒店會員計劃及飛行里數嘅朋友必備儲酒店積分/里數卡，全年本地簽賬可享無上限3倍積分，相等於HK$3=1萬豪積分、HK$2.13=1希爾頓積分、HK$5=1飛行里數！即使只喺一般簽賬，累積兩大酒店集團積分比率比美卡更優勝，對於酒店常客計劃玩家真心屈機！而且指定日常消費網站/指定旅遊消費網站/航空公司官網三大類別消費可以賺取5倍積分，相等於HK$1.8=1萬豪積分、HK$1.28=1希爾頓積分、HK$3=1飛行里數，比率更佳！

累積咗嘅美國運通積分除咗可以用來兌換兩大國際酒店集團積分外，仲可以選擇免行政費兌換10間航空公司夥伴之飛行里數例如：亞洲萬里通、英航Avios、新加坡航空Krisflyer及阿聯酋Skywards等，積分無限期兼且極富彈性。另外，呢張卡無論主卡或附屬卡都可以進入環亞機場貴賓候機室，每年合共10次！成功申請可享免首年年費及高達HK$4,200迎新奬賞，包括HK$800現金券+1,020,000美國運通積分(可兌換高達HK$3,400 Pay with Points)！

World Of Hyatt - 凱悅集團無需入住於酒店餐廳用餐可賺取3倍獎勵積分【活動延至：2021年6月15日】

 

Hyatt非入住期間用餐3倍積分呢個優惠活動真係超正，而家活動仲延期至2021年6月15日，由於World Of Hyatt積分含金量十足，所以計吓條數回血率都有成25.5%！Elite members仲有積分加乘真係好鬼正！因為目前Bonus Journeys活動已經踏入咗Q2，因此情況跟之前唔同，內文再詳細解釋。