Marriott Bonvoy - 萬豪紛享會員日2021年3月份優惠預告

 

今個月嘅萬豪會員日將會推出以下三項優惠：

● 每次住宿可享高達5,000額外積分獎勵
● 入住享用雙人房內下午茶套餐、雙人房內雞尾酒套餐或單人水療服務
● 提早預訂可獲贈每日HK$250餐飲消費額

優惠詳情

● 預訂日期：2021年3月8日至3月10日
● 入住日期：2021年3月8日至4月7日

可能仲有好多朋友仍未了解變種後新型會員日嘅方式，與其話佢係會員優惠、倒不如表述為今個月會員日將會推出以下三大類「住宿套餐」，相信會更容易去理解：

優惠一：每次住宿可享高達5,000額外積分獎勵

銀卡或以上會員：

- 入住奢華品牌酒店，每次入住可獲5,000額外積分套餐
- 入住其他品牌，每次入住可獲2,000額外積分套餐

* 萬豪奢華品牌：Ritz-Carlton、St Regis、W Hotels、EDITION、Luxury Collection及JW Marriott

過去幾個月呢款額外積分住宿套票時不時會出現，即使奢華品牌獎勵積分提升到5,000分都唔見得會好抵，因為本身奢華品牌酒店房價高，回贈5,000分比率不足以彌補不去訂其他住宿套票所包含嘅價值，比較廉價嘅酒店例如沙田萬怡、香港萬怡或者澳門喜來登送2,000分就要視乎優惠推出時嘅定價後再作考慮。

優惠二：入住享用雙人房內下午茶套餐、雙人房內雞尾酒套餐或單人水療服務

- 預訂參與活動酒店的套房或行政房可在房內享用雙人下午茶套餐
- 預訂參與活動酒店的套房可在房內享用雙人雞尾酒套餐
- 預訂參與活動酒店的房晚可享受一次單人60分鐘水療服務

萬豪會員日首次推出水療服務住宿優惠 (留意喺單人💁)，至於香港嘅酒店就只有天際萬豪、海洋公園萬豪、香港W、香港麗思卡爾頓及香港瑞吉酒店有提供水療服務設施，到時睇下有邊間酒店會參與及最重要係定價如何。

優惠三：提早預訂可獲贈每日餐飲消費額

至少提前5日預訂可享HK$250餐飲消費額回贈住宿套票，這個優惠是預付價，預訂後不能取消及更改。

餐飲消費額呢家嘢呢...回贈$250，若果又係講沙田萬怡有參與的話，假設定價$550+10%、回贈返$250都還可以考慮，而其他房價較高嘅酒店回得$250就實在太小家喇，況且而家香港萬麗海景酒店👉(按此)及香港JW萬豪酒店👉(按此)分別都有推出優惠力度更強嘅「零」房價、房價全數回贈餐飲消費額優惠啦！

👉 按此進入萬豪紛享會員日優惠活動頁面

始終都係嗰句，大家對萬豪會員日真係唔好抱咁大期望，如果到時搵到著數嘢就當係bonus。

👉 按此進入萬豪官網及預訂住宿

======================================================

【同時間進行嘅萬豪集團優惠活動】

● 香港JW萬豪酒店 - 三月限時浪漫放閃住宿優惠；及JW Stay Well Dine Well 2021「零」房價優惠【預訂日期：即日至2021年3月10日】(按此)

● 香港萬麗海景酒店 - Weekend Culinary Adventure住宿套票，每晚$1,400起+10%，包含住宿一晚、兩大一小早餐、$1,200餐飲消費額及兩套兒童電動車快捷通行證【入住日期：2021年2月19日至2021年4月25日】(按此) 

● Marriott Bonvoy - 萬豪旅享家購買積分促銷 (40%獎勵+全年購買上限加倍)【優惠期由即日至2021年3月22日】(按此)   

● 香港W酒店 - Dine Whatever/Whenever住宿套票$2,097起+10%，包兩位早餐、$500 bliss spa消費額、客房包$1,500餐飲消費額、套房包$2,000餐飲消費額【入住日期：即日至2021年3月31日】(按此)     

● Marriott Bonvoy - 萬豪會員於亞太區酒店用餐高達7折、水療禮遇及兒童禮遇【即日至2021年12月31日】(按此)   

● Marriott Bonvoy - 推薦親友加入萬豪旅享家會員計劃可賺取高達50,000積分，被推薦新會員則可賺取高達10,000分 (按此) 

● Marriott Bonvoy - 萬豪2021年Q1全球積分活動：雙倍積分+雙倍晚數【活動日期：2021年2月16日至4月27日】(按此)   

● 香港萬麗海景酒店 - 「零」房價快閃，$1,260+10%升級海景客房及回贈$1,260餐飲消費額、「1 – 2 – 3」三重驚喜禮遇，房價加$1、$2、$3加購自助早餐、自助午餐及房内雙人晚餐；與及新春期間推出「迎春度歲住宿套餐」包含兩位自助早餐及撈起盤菜晚餐【入住日期：即日至2021年3月31日】(按此) 

● Marriott Bonvoy - 萬豪新會員首次付費入住可獲2,500奬勵積分 (按此)    

● 香港JW萬豪酒店 - JW Stay Well Dine Well 2021「零」房價住宿套票，每晚$2,021起+10%，房價全數回贈餐飲消費！【入住日期：2021年1月1日至6月30日】(按此)

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)