酒店宅男 - 阿迪哥 - 酒店及航空常客交流

2023年8月31日星期四

WM酒店 - 買一送一住宿連早餐快閃，價錢連服務費HK$2,500起，需連續入住兩晚住宿連雙人早餐【預訂日期：2023年8月31日至9月4日】

位於西貢嘅WM酒店買一送一快閃！只需一晚價錢由HK$2,500起，就可以連續入住兩晚及包雙人早餐，佢哋個無邊際泳池打卡一流架！今次優惠除咗基本房型高級客房外，連豪華露台客房、豪華私人花園客房及尊貴海景露台客房都一樣有買一送一！

2023年8月30日星期三

Cathay Pacific - 國泰特選會員完成指定賺取目標即可享受額外亞洲萬里通里數【活動日期：2023年8月30日至10月31日】

國泰又有會員特選賺取里數活動，今次玩法就好似以前咁會有指定賺取里數目標提供畀個別特選會員，每個會員分別有4個目標，完成賺取目標就可以有額外里數，以較高者為準，以阿迪哥嘅帳號為例，如果想食盡最高目標為活動期間賺取30,000里，就可以額外獲得3,000里，若果賺取嘅里數係來自任何兩個不同類別消費就可以獲得額外300里，最簡單即係信用卡轉分另加一項例如百佳易賞錢就可以完成兩個任務。

另外由於今個月初有另外一個透過信用卡積分轉換亞洲萬里通里數有額外10%嘅特選會員優惠將會响8月31日到期，如果兩個特選都中哂嘅會員响8月31日前轉分理論上可以雙食，另外匯豐獎賞錢轉亞洲萬里通亦都做緊額外10%，即係話可以3食！

香港君悅酒店 - 餐飲快閃：預訂部分餐飲折扣優惠加送茶園外賣下午茶禮盒或港灣壹號月餅禮盒【預訂日期：2023年8月30日至9月5日】

香港君悅酒店Grand Hyatt Hong Kong推出一系列餐飲快閃優惠，包括Tiffin茶園自助午餐85折，兼且再送茶園精緻外賣下午茶禮盒或港灣壹號月餅禮盒，折扣後連加一每位HK$492；而Tiffin及Grand Café自助晚餐都有9折，兩個優惠都會送出港灣壹號月餅禮盒！另外The Grill露天池畔餐廳燒烤自助晚餐更有買2送2半價，平均價連加一每位只需HK$359起！

2023年8月29日星期二

Marriott Bonvoy - 萬豪集團曼谷新酒店Courtyard Bangkok Sukhumvit 20，會員開業優惠價THB2,944起(連稅THB3,465起，約HK$771)，每晚額外獲贈2,000萬豪旅享家積分【預訂日期：即日起至2023年8月31日】

萬豪Q4全球積分推廣活動9月12日開始，大家不妨考慮下萬豪响曼谷呢一家响早前經已開業嘅新酒店Courtyard Bangkok Sukhumvit 20嘅會員開業獎勵積分優惠價，只要响8月31日前預訂指定房價即可每晚額外獲贈2,000萬豪旅享家積分，再可以疊加Q4嘅每次入住1,500分！

Marriott Bonvoy - 萬豪旅享家2023年Q4全球積分推廣活動【活動日期：2023年9月12日至12月6日】

萬豪今年最後一次全球積分推廣活動，每次付費入住可賺取額外1,500積分、活動期間入住滿3個酒店品牌可額外賺取3,000積分，不過臨到年尾應該冇乜人會硬衝。

2023年8月28日星期一

九龍海逸君綽酒店 - 海雲天點心套餐買一送一快閃，折扣後平均每位HK$99，另收加一及茶芥【預訂日期：2023年8月28日至9月3日】

求其去一間市區嘅酒樓都唔止咁嘅價錢！仲要話哂都係五星級酒店九龍海逸君綽酒店 Harbour Grand Kowloon嘅中菜廳！海雲天至尊8大點心套餐包括：皇牌杏汁灌湯餃、鮑魚燒賣皇、筍尖蝦餃皇、黑金流沙包、湖箔金魚餃、陳皮叉燒酥、櫻花蝦潮州粉果、創新番石榴甘露，買一送一快閃折扣後平均每位HK$99，若果買一送一賣哂另外仲會有65折優惠，每位貴少少都係只需HK$128。