Hotel Review【更新版】：Courtyard by Marriott Hong Kong Shatin (香港沙田萬怡酒店)

2019年4月8日星期一

Hotel Review【更新版】：Courtyard by Marriott Hong Kong Shatin (香港沙田萬怡酒店)

阿迪哥上星期剛由人間天堂馬爾代夫返來人間，心情頹到不得了，所以乜嘢地方都唔願去，即使刷房都係留返响香港猶如屋企嘅沙田萬怡酒店 (Courtyard by Marriott Hong Kong Sha Tin)就算，而且房價平平地要來激活Q1雙倍積分活動(按此)就最啱數。

一如以住，阿迪哥入住前都响App隨便問下有冇機會升套房，但當然都係獲得公式化嘅回覆....

今次前檯辦理入住嘅女職員樣子非常陌生，而且只同阿迪哥講國語、但阿迪哥就不斷回覆粵語，最後發現原來係一位新任職嘅韓國人，所以最後大家就用英文溝通，辦理手續用咗頗長時間、兼且佢又問身邊資深同事一啲問題，最後原來將阿迪哥免費升等為Studio Suite，心情即時由低落變爲十分澎湃，住咗咁多次呢家酒店終於升套房！

前檯已經加入好多Bonvoy嘅元素

因為之前已經寫過呢間酒店嘅review (按此)，所以今次唔再重覆其他部份，只寫有關兩種套房嘅細節與及些少更新。

【Studio Suite, 1 King, River view, Corner room】

呢間酒店有兩種套房，包括初階嘅Studio Suite, 1 King, River view, Corner room、同埋1 Bedroom Executive Suite, 1 King, River view，阿迪哥就兩種都未住過，由於Studio Suite係屬於Corner房，有兩邊窗戶、景觀開揚，所以有網友分享過比較喜歡Studio Suite。

Studio Suite 因為係Corner room所以係尾房

Studio Suite位置圖

Studio Suite入門口就係衣櫃及浴室，經過玄關進入寢室，寢室沒有分隔空間，亮點絕對係房間內兩面一系列嘅窗戶，雖然阿迪哥今次只安排响11樓，但景觀感覺仍非常開揚，轉角位窗戶旁邊分別放有一張單人梳打及一張貴妃椅，坐响窗邊欣賞外面景色非常寫意，其他硬件方面比之前住過嘅一般Premier Room多咗Blu ray DVD機、暖爐同埋床頭嘅JBL擴音器連鬧鐘。

經過玄關進入寢室

衣櫃

Studio Suite

房間雖然只安排在11樓，但景觀都幾開揚

房間外景觀

房間外景觀 - 酒店泳池

Studio Suite - Blu Ray機

Studio Suite - 暖爐

Studio Suite

歡迎水果及寫錯名嘅歡迎卡

新款嘅Marriott Bonvoy匙卡套

房間有萬能插蘇借用

至於浴室就比普通房間空間大出至少一倍，而且有個靠窗浴缸、單洗手盆、馬桶旁邊放有一張木櫈，應該係方便用於坐低吹頭，沐浴備品就係跟普通房相同嘅22ml裝Nirvae。

Studio Suite - 浴室

整體嚟講阿迪哥對呢間Studio Suite好滿意，試過一次都已經滿足啦。

【1 Bedroom Executive Suite】

隔咗一星期入住竟然再一次升套房，今次仲係1 Bedroom Executive Suite，上文嘅Studio Suite可以講話係Junior Suite型式，而1 Bedroom Executive Suite就係屬於正式客廳、睡房有兩度門分隔嘅真套房，Executive Suite面積比較大，但由於只有一面窗戶，因此感覺冇Studio Suite咁開揚嘅感覺，亦可能大部份網友較喜歡Studio Suite嘅原因。

1 Bedroom Executive Suite

1 Bedroom Executive Suite衣櫃都有兩組、分別响入門口嘅客廳及睡房；客廳及睡房各有一部電視機、但Blu ray機就只有客廳有，床頭一鬧鐘反而係普通客房嘅黑色連充電嗰種。

入門口有一組衣櫃

另一組衣櫃

電視機+Blu ray機

床頭一鬧鐘反而係普通客房嘅黑色連充電嗰種

1 Bedroom Executive Suite - mini bar

浴室係長型設計，位於客廳及睡房之間，由於浴室沒有窗戶、所以Studio Suite又戰勝一杖，但唯獨是馬桶前嘅洗手盆加上浴室空間內嘅雙洗手盆，在狹小空間之內竟然形成三洗手盆局面，阿迪哥覺得非常壯觀！Executive Suite嘅備品仍然係屬於Nirvae，其實呢間酒店套房數目唔多，如果响備品呢方面可以花㸃心思就更好。