++++++++ 更新18/3/2020 ++++++++
收到有好幾位網友通知响2020年申請呢一晚生日保級房晚失敗，Marriott Insiders回覆話今年已經暫緩送出，並正在重新評估如何識別2020年的會員生日。
 |
| 資料由網友提供 |
其實呢一個生日保級房晚(1 Elite night) 响正常情況下，萬豪會發一個電郵祝您生日快樂，並且响電郵內含有連結去領取呢一晚保級房晚，但係首先您要查清楚自己Marriott戶口嘅一啲設定，咁先至“有機會”收到呢封電子生日卡。
【設定步驟一】
首先去萬豪官網(按此)、並登入帳戶口，點擊右上角頭像，彈出下拉框後選擇「Profile」進入個人資料頁面。
【設定步驟二】
滾動頁面至「PREFERENCES」欄目，點擊「Communication Preferences」進入後，將「Email」項下的三個鈎都打上，因為您需要接受促銷訊息Marriott先有權寄免費生日房晚嘅電郵畀您。
【設定步驟三】
關閉彈出的對話頁面後進入「Personal Info」介面。
在「Date of birth」位置填好你的生日(月/日)，因為要提供生日訊息萬豪先會知道您幾時生日。
完成以上三個簡單步驟後就靜待自己生日來臨，然後期望萬豪寄電子生日賀禮畀您，但係....絶大部份機會都係唔會收到電郵嘅，例如阿迪哥就從來都未收過，原來搞咁多嘢都係得個桔，係唔係想打我一身呢？
OK...OK...先控制住自己情緒先，而家就教您點樣claim番您份「生日禮物」。
【補發生日房晚步驟一】
首先進入萬豪官網首頁(按此)，下拉到頁面底部，進入「Marriott Insiders」界面。
【補發生日房晚步驟二】
點擊右上角「登陸」進行註冊，但係「使用者名稱」系統會默認咗係您嘅電郵地址，咁樣係註冊唔倒嘅，您需要自設一個使用者名稱，注意「條款和條件」需要點開閱讀方能勾選，打開一下再關掉就可以了。
【補發生日房晚步驟三】
註冊完成後登陸，點擊「Support」下拉嘅「Customer Support」進入Support Form填表。
【補發生日房晚步驟四】
填寫Insiders的註冊用戶名、萬豪賬戶姓名、會員號號以及電郵地址，「Request Type」欄目選擇「Other」，跟住會彈出下面的「Brief Summary of Issue」界面，在大空格內用英文寫上需要協助嘅事情、當時就係要求補發生日保級晚數啦！如果您懶到唔想作文，咁就跟住下圖阿迪哥咁填吧！
成功提交協助後...
【補發生日房晚步驟五】
基本在24小時之內，萬豪會通過insiders的站內信以及郵件聯繫你，確認幫你申請補發生日保級房晚。
【補發生日房晚步驟六】
一般房晚3-4個工作日之內到賬，如果沒到賬的話再去insiders聯繫客服。呢個房晚係可以計入該曆年嘅保級/升級、以及永久會籍資格晚數，而並非真實嘅免費酒店住宿來的，至於白金挑戰(按此)亦不會計算呢一晚，因為白挑係必須付費真實住宿先計。
祝大家生日快樂！
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
特價租車網站推介：Rentalcars.com
沒有留言:
張貼留言