Accor Plus - 使用年度電子免費住宿券(Stay Plus)訂房操作教學

Accor Plus係屬於雅高集團嘅付費會籍，每年續會都需要收取年費，而每年會籍都會附送免費住宿，與及憑會員證到參與計劃嘅亞太區酒店用餐享用折扣，最高折扣為二人用餐買一送一半價。
阿迪哥之前寫咗一篇有關Accor Plus會籍簡介及新會員設立網上帳戶教學，如果大家想先了解更多，👉 (按此)可以重溫上一篇。

而呢一篇延續篇就教大家如何使用年度電子免費住宿券訂免費酒店住宿。

Accor Plus嘅電子免費住宿券稱之為“Stay Plus”，會員只要付年費及設立好網上帳戶幾個工作天後、Stay Plus免費住宿券就會自動入載落會員帳號入面。

Stay Plus免費住宿適用於以下國家/地區有參與Stay Plus嘅Accor集團旗下酒店：

澳洲、柬埔寨、中國、斐濟、法屬玻里尼西亞、香港、印度、印尼、日本、老撾、澳門、馬來西亞、馬爾代夫、蒙古、緬甸、紐西蘭、菲律賓、新加坡、南韓、台灣、泰國、越南

訂房操作其實非常簡單，跟平時响Accor官網訂房無異，會員首先進入Accor官網並且登入自己帳號。

👉 按此進入Accor官網及使用Stay Plus訂免費住宿

【如何使用免費住宿券訂房】

● 登入帳戶後如常搜尋想要查的城市，建議先搜尋一晚，因為每位會員使用Stay Plus是不能連續兩晚都使用免費房券：

● 搜尋結果出現後，系統會問您呢次查價是否需要使用Stay Plus，選擇使用“Stay Plus”後、結果只會顯示可以使用免費房券嘅酒店：

● 但有時搜尋某些酒店結果係需要補附加費，原因可能係基本房已經full咗、需要補錢住較高等級房間；又或者跟本呢間酒店使用Stay Plus係需要補附加費：

● 選擇好酒店後就可以如常訂房咁操作，Accor 呢個系統係好蠱惑的，你可以睇吓下圖，响選擇房型時通常King Size Bed嘅基本房佢會出現房價、雙床房2 Single Beds就會出現免費(complimentary)、令你有錯覺以為雙床房先至係免費：

● 但當您按“Select”選擇King Size Bed就會出現免費房嘅選項：

● 其實除咗可以用Stay Plus免費訂基本房外，亦可以補差額訂其他較高等次嘅房種，例如：Executive或Suite等，如果訂Executive Room通常會包埋早餐同埋行政酒廊待遇：

● 選擇好房型後就可以繼續下一步訂房程序，呢一步會問您需唔需要加早餐及其他附加服務，例如保證延遲退房：

溫馨提示：選擇預訂埋早餐前需要考慮一點，因為您係Accor Plus會員身份，所以响酒店餐廳用餐係有折扣、例如2人用餐半價，因此可能到步時先使用Accor Plus折扣優惠食早餐更便宜都唔定，但畢竟每間酒店折扣條款都唔同，詳情建議訂房前聯絡酒店先作比較。


● 最後一步就係輸入住客資料，跟一般訂房程序無異，絕大部分情況下使用Stay Plus訂房都可以响指定日期前免費取消，取消後嘅Stay Plus會自動存入返帳號內，強烈建議來到呢一步按“Details”(上圖)睇清楚Cancellation Policy先至完成訂房：

溫馨提示：若果您一次過連續訂兩晚或以上，而當中一晚使用Stay Plus、其餘晚數付費，若然付費部份係預付價、不能取消、不能更改，咁嘅情況下就會連累埋Stay Plus部份都不能取消！！因此建議分開訂，若然有意外的話損失都冇咁大。

【常見問題】

Mercure Maldives Kooddoo Resort (Over Water Pool Villa)

其中一家網友經常問、使用Stay Plus性價比很高、目前唯一一家馬爾代夫可以使用Stay Plus嘅酒店Mercure Maldives Kooddoo Resort，呢間酒店响訂房時只能使用Stay Plus訂Beach Villa，但大部份朋友去馬代都希望住水上屋(Water Villa)，其實可以訂咗Beach Villa先，然後再電郵去酒店詢問補差價入住Over Water Villa或者其他房型，例如Over Water Pool Villa...等：

但係要注意去馬爾代夫必需額外付國內交通費用，由首都馬里去Mercure需要坐大約1小時內陸機，來回費用：成人US$360、小童US$290，呢個費用係走唔甩嘅，內陸機由酒店安排、費用係去到酒店付：

 【重要事項】

● 因為每位會員使用Stay Plus時是不能連續兩晚都使用免費房券，若果必需連續入住兩晚的話，建議申請入會時將會員副卡申請給同行旅伴，然後叫客服將Stay Plus房券入落雙方戶口各一晚，訂房時使用兩個戶口各訂一晚。

● 未使用嘅Stay Plus可以轉移到副卡帳號，詳情請聯絡客服。

● 若果是連續入住3晚或以上，同一會員帳號可以用Stay Plus訂第一及第三晚，而第二晚可訂付費房。

● 切勿嘗試用同一會員帳號分開兩次使用Stay Plus訂連續入住兩晚同一家酒店的免費房，因為這是違反條款，入住時前台職員有機會收取其中一晚的正價房費。

● 某些酒店需要連續入住3晚，當中的兩晚需要付費、其中1晚先可以使用Stay Plus房券(例如Bora Bora嘅兩間Sofitel)，响呢個情況下搜尋價錢時，必需搜尋連續住3晚先可以使用Stay Plus。

● Stay Plus訂免費住宿必需會員親身辦理入住、並需要出示會員卡。

● 並非上列國家/地區嘅所有Accor集團旗下酒店都可以使用Stay Plus訂免費住宿，所以唔好諗住可以用來訂澳門Banyan Tree或者新加坡Raffles之類嘅頂級奢華酒店，但仍然有好多酒店選擇、亦有好多CP值高嘅酒店，但因為酒店數量繁多、而且又沒有詳盡名單，所以未能一一盡錄，但如果你有特定地點及特定酒店，你可以嘗試聯絡阿迪哥會儘量幫你查。

若果有興趣了解多啲有關Accor Plus會籍資料及年費，可以响Facebook inbox (按此)或電郵至：enjoyheahotel@gmail.com 聯絡阿迪哥 。

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com