Hotel Review：JW Marriott Hotel Hong Kong (香港JW萬豪酒店)

香港JW萬豪酒店係美國以外全球第一家JW萬豪，酒店於1989年開業，已經屹立金鐘太古廣場超過30年，與旁邊嘅兩家酒店香港港麗酒店及港島香港格里拉被稱之為金鐘三寶。

【預訂、房費及積分】

阿迪哥今次預訂Wellness Staycation嘅package，包含：

● Premier Harbour View客房一晚
● JW Café自助早餐
● Fish Bar兩位三道菜晚餐或$1,000餐飲消費額 (二選一)
● 歡迎飲品
● 雙倍Marriott Bonvoy積分

有關Wellness Staycation詳細請👉(按此)

酒店屬於Marriott Bonvoy嘅Category 6，若以積分預訂標準客房、每晚所需積分如下：
● 標準：50,000分
● 淡季：40,000分
● 旺季：60,000分

👉 按此進入酒店官網查詢房價及訂房

【酒店位置】

酒店位於金鐘太古廣場內，毗鄰港鐵金鐘站，酒店地址：香港金鐘道88號。

酒店位於金鐘太古廣場，金鐘港鐵F出口

太古廣場

由太古廣場直接進入酒店

【辦理入住】

酒店大堂

酒店前台

酒店前台週末下午現人龍

JW Marriott品牌係Bill Marriott為紀念父親而創立，酒店前台嘅父子相片係指定動作。

Griffin神獸係JW Marriott標誌

阿迪哥直接前往5樓行政酒廊辦理入住，因疫情關係都需要填寫健康申報表，辦理手續過程很快、不過職員就無問阿迪哥入住歡迎禮係選擇1,000分還是禮品，由於呢位男職員非常斯文、說話好細聲、而大當現場彈奏綱琴聲很大，所以對話間聆聽方面阿迪哥感覺好困難。

行政酒廊前台

健康申報表

完成入住手續後職員給與一張Wellness Staycation所包含的歡迎飲品券、行政酒廊禮遇信及一張佢話訂呢個package特別送出嘅Clé de Peau面部護理用品試用裝領取信件、之後職員就直接帶阿迪哥上房。

歡迎飲品券

Clé de Peau面部護理用品試用裝領取信件

Clé de Peau面部護理用品試用裝須於太古廣場領取

電梯門非常舊式

【房間】

阿迪哥今次係入住1 Bedroom Suite, Water View，進入大廳先會經過mini bar及四人餐檯，阿迪哥一般會用起居室來形容、今次卻用上大廳來形容因為起居室空間好大，而且餐檯與兩張梳化之間嘅空間亦有距離。

1 Bedroom Suite, Water View - 起居室

1 Bedroom Suite, Water View - mini bar

Mini bar配有微波爐都幾好喎

阿迪哥第一次見酒店Mini bar内沒有可樂！

1 Bedroom Suite, Water View - mini bar櫃內保險箱

入住進房後不久有職員按門鐘送中國茶服務，感覺咁St Regis嘅😏

放茶壺嘅保溫籃

大廳兩張白色布梳化非常舒適，茶几上放咗一碟好豐盛嘅歡迎水果、朱古力、汽酒及一封由市場部董事嘅歡迎信，梳化背住轉角型嘅兩邊窗戶，雖然沒有好開揚嘅海景、但仍然可遠眺維港及尖沙咀，其實本身起居室有足夠空間，但就沒有客廁，呢方面有些缺點。

1 Bedroom Suite, Water View - 起居室

1 Bedroom Suite, Water View - 起居室電視機

1 Bedroom Suite, Water View - 起居室DVD機

歡迎禮

房間外景觀

卧室設計跟起居室同樣簡單，當中亮點打卡位就應該响轉角型兩邊窗旁嘅一張貴妃椅，而缺點應該係床邊嘅衣櫃，因為走道狹窄，所以打開櫃門後出入很不方便。

1 Bedroom Suite, Water View - 卧室

書檯上有放置兩個口罩和一支酒精搓手液

書檯旁電源，包含USB

1 Bedroom Suite, Water View - 卧室DVD機

1 Bedroom Suite, Water View - 卧室衣櫃

衣櫃和睡床走道狹窄

衣櫃

睡拖質素還可

JW睡床當然十分舒適，其中一邊床頭上有一個酒店好常見嘅JBL擴音器及鬧鐘、酒店供應咗一條手機充電線，呢方面很讚。

JBL擴音器及鬧鐘、酒店供應咗一條手機充電線

另一邊床頭就冇咁幸運了

枕頭選單

浴室只有單洗手盆，一邊有一個有按摩功能幾闊嘅方型浴缸，另一邊係馬桶及乾濕分離花灑。

1 Bedroom Suite, Water View - 浴室

套房内呢個正方型按摩浴缸相信好多朋友都會喜歡

阿迪哥一早就知道呢間酒店嘅所有套房供應嘅沐浴備品係我最愛嘅品牌Bvlgari，因此亦非常期待，而佢哋所供應嘅係au thé blanc白茶系列。

1 Bedroom Suite, Water View - 浴室備品

房間設計有點過時、尤其是浴室嘅深啡色感覺非常老派、大廳沒有客廁、整個套房連行李櫃都沒有、只提供一個摺合式行李架，其實起居室有足夠空間可以做到呢兩項設施，現在只覺得大而不實用。

房間電制係古董年代

【會員待遇】

阿迪哥以Marriott Bonvoy嘅Titanium Elite身份入住，獲得以下待遇：

● 免費升級至1 Bedroom Suite, Water View
● 行政酒廊待遇
● 1,000歡迎積分 (職員沒有提供其他選擇)
● 延遲退房至下午四時

【行政酒廊】

行政酒廊位於5樓，呢個行政酒廊係餐廳加酒廊兩用，响星期一至五嘅午餐及晚餐時段部分位置就會化身成為Flint餐廳供應行政午餐及晚餐。

行政酒廊

行政酒廊用餐時段以外供應水果

行政酒廊 - 咖啡機

行政酒廊 - 飲品

行政酒廊 - 果汁

酒廊面積算得上很大，座位亦很舒適，當中亦有卡座，不過略嫌景觀不夠開揚，以下係行政酒廊供應免費餐飲嘅用膳時間：

● 早餐：07:00-11:00，行政酒廊只會星期六及星期日供應早餐，星期一至五客人將於JW Café用餐
● 下午茶：14:30-16:30
● 酒精飲品：16:30-20:30
● 歡樂時光熱食：17:30-20:30
● 晚間小食：21:00-23:30

行政酒廊免費餐飲用膳時間

下午茶有幾款西式甜點及糕點，阿迪哥喜歡食英式鬆餅、但味道及口感不算精湛，好最食係紐約芝士蛋糕，非常香濃及creamy。

行政酒廊提供信封作為口罩套

行政酒廊 - 下午茶

歡樂時光時段客人很多，即使正值新冠肺炎疫情爆發第三波，但座位仍然爆滿。

歡樂時光時段客人很多

歡樂時光熱食款式很多，絕對可以當晚餐食，當中最好食係家鄉炒腸粉及雞肉蝦仁燒賣，燒賣尤其美味，内有大大隻鮮蝦、真係酒樓質素，阿迪哥跟其中一位女職員了解一下燒買是否萬豪金殿出品、但佢回答其實係JW Café嘅點心師父精製的。

行政酒廊 - Happy Hour

過咗不久佢另外拿來兩個外面無嘅雪山叉燒包畀阿迪哥享用，原來佢覺得阿迪哥好欣賞JW Café出品嘅燒賣、因此特別過去JW Café拿來給阿迪哥試食，响繁忙嘅星期六能提供這樣服務、阿迪哥感到特別窩心。

JW Café出品嘅雪山叉燒

免費酒精飲品時段為16:30-20:30，期間有調酒師即製雞尾酒，非常好嘅安排！

行政酒廊 - Happy Hour

阿迪哥早餐於JW Café享用，來到行政酒廊嘅早餐只係拍個照，提供嘅食物JW Café全部都有、但沒有JW Café咁精彩。

行政酒廊 - 早餐

【餐廳及酒吧】

以下是酒店內的餐廳及酒吧：

● 萬豪金殿 - 中菜廳，供應自製點心、海鮮及粤菜
● JW Café - 每日提供自助早餐、午餐及晚餐
● Flint - 星期一至五供應行政午餐及晚餐之西餐廳
● The Lounge - 大堂酒吧供應下午茶套餐、下午茶自助餐及週日早午餐等
● Bar Q88 - 酒吧可品嘗世界知名威士忌、雞尾酒及頂級香檳
● Fish Bar - 提供鮮魚菜式，整間餐廳以碼頭為設計概念
● Dolce 88 - 咖啡室，供應咖啡及輕食

Bar Q88

早餐於JW Café享用，呢度嘅自助餐一直都深受港人歡迎，但阿迪哥之前食過幾次自助晚餐嘅感覺都只係不外如事，但今次食早餐嘅感覺就截然不同，說實話、一般酒店嘅自助形式早餐係好難會令阿迪哥滿意的，因為早餐食來食去咪又係嗰啲食物，煙肉、香腸、雞蛋、麵檔咁，作為一名中佬，阿迪哥獨愛港式早餐，JW Café就滿足到了，因為菠蘿包、雞尾包、多款港式點心賣相都非常吸引。

JW Café

JW Café供應紙袋作為口罩套

JW Café - 早餐

早餐最正莫過於港式點心，山竹牛肉、雞肉鮮蝦燒賣、素菜腸粉、珍珠雞全部酒家級數，但因為阿迪哥食第一轉點心拍攝相片並未合符理想、因此又要食多一碟再重拍一次，最終點心已令到阿迪哥飽到無能力試其他食物，可能又好快要重返、試埋早餐其他款式食物😨。

JW Café港式點心好味

阿迪哥亦試咗The Lounge嘅下午茶自助餐，食物全部都好好食，最特別有內含榴槤肉嘅馬來西亞萬層榚(不過阿迪哥唔食榴槤😅)，而蝦多士、生滾粥都好食(大推雞粥，唔係只有雞胸肉嗰種)，响呢個下午茶自助餐都可以試到行政酒廊都供應嘅紐約芝士蛋糕、英式鬆餅、同埋雞肉蝦仁燒賣架！而雪糕就提供三款基本味道嘅Mõvenpick(雲呢拿、士多啤梨及朱古力)，其他口味就要另外畀錢。

The Lounge

The Lounge - 下午茶自助餐

【酒店設施及Wi-Fi】

酒店露天泳池位於7樓，旁邊係Fish Bar，泳池座椅唔算多，因此遇上週末黃金時段想搵個位置宅吓泳池都唔係咁容易。

酒店露天泳池

阿迪哥第一天大約中午一點幾到達泳池座椅全滿、第二天早上約10:30再失敗，職員話可以將隨身物品先放在Fish Bar嘅吧檯上，然後阿迪哥行咗一圈發現有很多外國人及國語人，疫情正值高峰期、又沒有座椅根本就不能relax，安全起見還是反回客房宅。

酒店露天泳池

將隨身物品先放在Fish Bar嘅吧檯上

泳池職員提供非常基本嘅一般服務，阿迪哥剛好體驗過萬豪集團全港均屬於奢華系列嘅四家酒店：St Regis、Ritz-Carlton、W及JW Marriott，單講响泳池嘅服務體驗阿迪哥就深深體會到價錢=服務質素(排名絕對分先後🤗)。

若果有空不妨可以重溫上述其餘三家酒店嘅入住報告

● The St. Regis Hong Kong (review 👉按此)

● The Ritz-Carlton, Hong Kong (review 👉按此)

● W Hong Kong (review 👉按此)

阿迪哥好重視酒店泳池，如果您曾經响沙田萬怡遇上過Frank哥，您就會明白呢家酒店服務對比起以上四大天皇絕對唔輸蝕。

健身中心位於LG層，對於非住客嘅健身中心會員相對上非常方便，因為由太古廣場直接進入便是，完全無需經過酒店其他樓層，健身室器械齊備，雖然面積不大、但亦沒有感到侷促。

健身中心

健身中心更衣室內設有按摩浴池、桑拿及蒸氣浴室，但目前因疫情關係後兩者暫時關閉，這個健身中心設備可謂相當齊備。

健身中心

入住期間桑拿及蒸氣浴室暫時關閉

健身中心

健身中心使用沐浴備品味道似曾相識，非常香，但阿迪哥忘記什麼牌子，可能係Fairfield by Marriott用嗰種

免費Wi-Fi無需密碼、直接登入便可，在酒店任何角落接收都很好。

【整體觀感】

雖然阿迪哥視酒店服務質素為最重要事項，但對於一間擁有600間客房、每日都非常忙碌嘅市區商務酒店、其實都沒有預期會有什麼可歌可泣嘅星級服務，不過行政酒廊和The Lounge的服務還是滿意的，而且酒店行政酒廊所供應嘅食物豐富、亦算得上可口，目前又有包含早餐嘅房價可於JW Café享用，性價比實在不錯，但是若然沒有以上權益禮遇、齋住的話就無謂了，因此阿迪哥覺得持有酒店集團高階會籍實在十分重要。

香港JW萬豪酒店

👉 按此進入酒店官網查詢房價及訂房

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

酒店宅男 - 阿迪哥 - 酒店及航空常客交流

2020年7月17日星期五