重量級消息！Marriott Bonvoy有史以來首次開放Status Match！持有其他競爭對手酒店集團中、高階會籍可以直接匹配金卡或白金卡為期90日！完成指定入住晚數就可以維持會籍身份至2022年2月，所以將來應該會全民萬豪白金，除咗藥箱都變首飾箱之外、應該Club Lounge都變環亞Lounge😰！如果您係酒店會籍新手，手上全無中、高階酒店會籍响手唔好氣餒，咁應該如何入手呢？
本身今次嘅Status Match(會籍匹配)跟之前一直都可以申請嘅Platinum Challenge (白金會籍挑戰，簡稱白挑👉按此)有乜嘢分別呢？金卡冇乜用所以阿迪哥直接以獲取白金會籍為目標作為比較：
● Platinum Challenge：會員可隨時申請，挑戰期間只享有現有會籍待遇，付費住16晚升白金
● Status Match：必須持有其他集團高階匹配，最大亮點係挑戰期間即時可以享有白金會員福利及只需付費住15晚保持白金會員身份
活動詳情
● 活動日期：即日開始，但未有結束日期，可能會有申請上限，建議盡快申請
● 可參與會員：金卡、銀卡或基本會員可以申請匹配白金；銀卡或基本會員可以申請匹配金卡 (建議不要申請匹配金卡)
● 申請需時：申請需時10個工作日內、申請獲批後會員帳號將於24至48小時內提升為Platinum Elite
● 若果申請白金Status Match會員在為期90日內付費入住15晚可以維持白金會籍至2022年2月(申請金卡則只需入住5晚、但不建議申請金卡)
● 以積分預訂、積分+現金或非官網預訂均不符合資格
申請人必需目前持有以下酒店集團相應會籍身份及提供12個月內的一次入住紀錄方合資格申請：
● Accor Live Limitless
- Gold → Marriott Bonvoy Gold
- Platinum/Diamond → Marriott Bonvoy Platinum
● Hilton Honors
- Gold/Diamond → Marriott Bonvoy Platinum
● World Of Hyatt
- Explorist → Marriott Bonvoy Gold
- Globalist → Marriott Bonvoy Platinum
● IHG Rewards Club
- Platinum/Spire → Marriott Bonvoy Platinum
申請程序
👉 按此進入Status Match主頁申請會籍匹配 (必需首先係Marriott Bonvoy會員)
1. 先選擇現有其他酒店會員身份
2. 上載其會員身份網上截圖及12個月內1次入住紀錄
若果您係酒店新手，目前未持有任何以上酒店集團高階會籍，最簡單獲得高階會籍方法如下：
● Hilton Honors Gold：申請AE白金charge卡/或附屬卡後可以免費匹配希爾頓金卡，年費$7,800港幣
● IHG Rewards Club Platinum：可以付年費$200美元申請成為InterContinental Ambassador會員，會附帶埋IHG Platinum會籍，詳情請👉(按此)
當然新手獲得以上高階會籍之後必需要有一次入住紀錄先至可以申請Marriott Bonvoy會籍匹配啦，但呢兩個集團响香港都有平價之選嘅酒店，所以成本有限啫。
購買洲際大使(InterContinental Ambassador)獲得IHG Rewards Club - Platinum
酒店新手如果手上並未持四大酒店集團中、高階會籍(Hilton、IHG、Hyatt及Accor)，最便宜及快速獲得方法必選IHG Rewards Club Platinum，因為只要付$200美元年費加入洲際大使就會即時附送IHG Rewards Club嘅Platinum Elite，持有Platinum Elite就會符合咗其中一項Status Match萬豪白金嘅條件。
另外亦要符合另外一項條件，就係申請時必須提供12個月內於該集團入住一次紀錄，因為响2020年11月15日前申請入會洲際大使、並且於2021年1月31日完成一次合資格住宿就會獲贈多一晚免費住宿，咁嗰$200美元其實翻本不難，因為合資格住宿必須入住InterContinental、Kimpton及Regent品牌，因此各地讀者可以選擇以下酒店：
● 香港 - 海景嘉福洲際酒店 (👉官網) (阿迪哥入住報告👉按此)
● 台灣 - 晶華酒店 (👉官網)、 金普頓大安酒店 (👉官網)
● 馬來西亞 - InterContinental Kuala Lumpur (👉官網)
新手一定唔可以懶、 所以首先阿迪哥建議大家要先閱讀以下呢篇有關洲際大使嘅文章先👉(按此)
如何在香港以最低成本入住15晚萬豪
最低成本嘅方法一定唔會係最舒適嘅方法，最低成本必定係利用目前至2020年10月18日正在進行緊嘅全港其中10家萬豪集團酒店用餐滿$500後、所獲得嘅住宿連早餐半價券，而每張住宿半價券最多可以連續入住3晚，咁每次食1餐+連續住3晚，如此類推做5次，咁就剛好15晚完成任務。
而有參加贈送半價住宿券、房價成本最低嘅三家本港酒店大家可以考慮：
● 香港沙田萬怡酒店 (👉官網) (阿迪哥入住報告👉按此)
● 香港喜來登酒店 (👉官網) (阿迪哥入住報告👉按此)
● 數碼港艾美酒店 (👉官網) (阿迪哥入住報告👉按此)
究竟一共有邊10間酒店參與呢個活動？ 實際預訂點樣操作？ 每張半價住宿券有效期幾耐？建議大家先閱讀呢個活動嘅文章👉(按此)
💁阿迪哥提提您：
1. 如果您仲未係Marriott Bonvoy會員，咁就可以享受埋住兩次送一晚嘅活動，記得要透過指定連結入會呀！詳情👉(按此)
2. 唔好忘記註冊埋萬豪Q3全球積分活動，2020年10月18日前每次付費入住有2,500分、第3次入住仲有額外5,000分！詳情👉(按此)
👉 按此進入萬豪酒店官網及訂房
【同時間進行嘅萬豪集團優惠活動】
● 香港W酒店 - Dine Whatever/Whenever住宿套票包兩位早餐，客房$2,200起+10%(包$1,000餐飲消費額)、套房$3,100起+10%(包$2,000餐飲消費額)【入住日期：即日至2020年12月30日】(按此)
● 香港瑞吉酒店 - 9月份跌價！會員優惠價$2,655起+10%、Stay for Breakfast價$2,951起+10%【入住日期：即日至2020年10月7日】(按此)
● 香港JW萬豪酒店 - Eatcation Offer包兩餐$2,180起+10%、包三餐$2,980起+10%【入住日期：即日至2020年9月30日】(按此)
● 香港沙田萬怡酒店 - Stay and Dine Retreat住宿套票$1,000起+10%，包含$600餐飲消費額及下午3時延遲退房【入住日期：即日至2020年9月30日】(按此)
● 香港瑞吉酒店 - The Drawing Room購買外賣下午茶滿$500可獲半價住宿優惠券 (按此)
● Marriott Bonvoy - 萬豪2020年Q3全球積分活動【入住日期：2020年8月13日至2020年10月18日】(按此)
● 優惠延期：Marriott Bonvoy - 萬豪酒店集團旗下香港10家酒店餐廳用餐滿$500可獲酒店住宿連早餐半價優惠券一張【即日至2020年10月18日】(按此)
● 香港海洋公園萬豪酒店 - Stay and Dine Retreat套票每晚$1,490起+10%包含$1,000餐飲消費額【入住日期：即日至2020年9月30日】(按此)
● 活動延長：Marriott Bonvoy - 新會員住兩次送一晚【活動日期至2020年11月28日】(按此)
● 數碼港艾美酒店 - Prompt Bistro饗遇住宿套票$1,200起+10%，包含客房一晚及兩位三道菜晚餐【入住日期：即日起至2020年8月31日】 (按此)
● 香港JW萬豪酒店 - Wellness Staycation每晚$2,300起+10%【入住日期：即日至2020年9月8日】 (按此)
● 香港喜來登酒店 - Relish & Relax Staycation每晚$1,488起+10%，包含$800餐飲消費額、早餐、房間升級、提早入住及延遲退房【入住日期：即日至2020年8月31日】(按此)
● Marriott Bonvoy - 會員於亞太區酒店用餐高達8折，大中華區酒店高達7折【即日至2020年12月31日】(按此)
● Marriott白金會籍挑戰【2018年9月1日至2021年12月31日】(按此)
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言