喜來登(Sheraton)這個酒店品牌雖然係萬豪體系裡面其中一個較為人所共知嘅品牌，但其實喜來登一直有一個問題係您對佢嘅品牌形象摸不著頭腦、而且入住每家喜來登都沒有一致性的設計及理念，您會好容易聯想起St Regis品牌嘅管家或者旋轉樓梯、Ritz-Carlton嘅ladies and gentlemen、W酒店嘅大膽WOW設計、Le Méridien嘅法式簡約風、甚至Courtyard嘅MoMo Cafe、Aloft嘅夜店風XYZ Bar，但係Sheraton呢？腦海就只有一個名字、但好似當中缺乏靈魂，最近萬豪新聞中心就發佈咗未來喜來登品牌嘅新遠景及重塑品牌一致性型像當中一些設計概念。
 |
| Sheraton Phoenix Downtown |
其實重塑喜來登品牌工程早在2018年已經開始，當時由酒店標誌設計開始，新嘅酒店標誌更富時代感，令人不再聯想喜來登就是一種好老派嘅感覺。
 |
| 喜來登舊標誌(左)及新標誌(右) |
萬豪新聞中心提供了有關喜來登品牌更新嘅最新信息，並指出2022年之前將有40多家喜來登酒店進行更新工程，鳳凰城、丹佛、特拉維夫、杜拜、廣州及綿陽的喜來登已經有新的遠景。
 |
| Sheraton Denver Downtown Hotel (圖片來自萬豪官網) |
全新、而且富現代化的喜來登品牌新體驗核心是酒店大堂，新的意念是想像酒店大堂是一個公共廣場，開放式公共空間是一個整體，讓人們聚在一起，營造一種活力和歸屬感。
 |
| Sheraton Grand Dubai (圖片來自萬豪官網) |
新設計中內置標誌性的元素，例如一張Community Table，這是一張長型工作枱，工作空間將固定在每家酒店嘅大堂，並允許客人在此工作、用餐及喝酒，亦是讓住客們輕鬆暢聚嘅地方。
 |
| Sheraton Guangzhou Hotel (圖片來自萬豪官網) |
 |
| Sheraton Grand Dubai (圖片來自萬豪官網) |
在未來咖啡酒吧將會是喜來登大堂的一部份，亦是品牌新遠景嘅核心支柱之一，將供應一些優質咖啡及本地採購的食品。
 |
| 圖片來自萬豪官網 |
 |
| 圖片來自萬豪官網 |
在新客房中，房間必然是明亮及光線充足空間，並具溫暖色溫嘅顏色，但亦會保留喜來登一些經典嘅特色設施，例如豪華喜來登舒適平台床。浴室亦會經過完全重新設計，配備美國著名酒店備品供應品牌Gilchrist & Soames嘅全新和時尚嘅淋浴間及沐浴設施。
 |
| 圖片來自萬豪官網 |
 |
| 圖片來自萬豪官網 |
至於尊貴會員最重視嘅行政酒廊也是品牌轉型嘅其中一部分，新的設計確保了溫馨感，住客會享受到更新的餐飲服務及享受高級設施，更會全天候24/7開放！(真的嗎？？？)
 |
| 圖片來自萬豪官網 |
距離全球喜來登品牌設計一致性還有一段長路，畢竟品牌已經有80多年歷史，酒店分佈在70多個國家，共有450多家酒店，酒店不是屬於萬豪集團擁有的、而是屬於個别投資者的物業，要完全要令450多家酒店一下子就改成一致性設計是無可能，而且以目前疫情環境下投資者亦未必能夠付出改善工程的所需費用。
大家期待香港喜來登將來嘅全新面貌嗎？
======================================================
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言