World Of Hyatt - 購買凱悅積分75折促銷【銷售日期：即日至2020年12月31日】

凱悅積分絶對係酒店界最強嘅貨幣單位之一，過往賣分促銷都係介乎30%-40%額外積分，今次就跟其他集團咁轉玩吓折扣，透過今次買分若然目前正身處响馬來西亞、越南、大陸、美加或者德國嘅朋友入住Category 1酒店，再配合另一個積訂房15%回贈優惠，成本可以低至每晚$595港幣响2021年一月及二月期間15晚平跑Globalist。

【優惠詳情】

● 銷售日期：即日至2020年12月31日

World Of Hyatt每1,000積分原價為$24美元(約港幣$187)，透過今次促銷最少購買5,000分或以上均可獲得75折優惠，每位會員每曆年最高可以購買55,000分即係共$1,320美元、75折後價錢$990美元(約$7,675港幣)，計番即係每1,000分折扣後為$140港幣。

對比起過往賣分促銷一般會係30%或40%額外奬勵，如果當做緊30%奬勵、每1,000分售價約為$144港幣；當做緊40%奬勵的話、每1,000分售價約為$133港幣，因此今次75折優惠成本價係介乎兩者之間。

👉 按此進入購買積分頁面

買分抵唔抵呢？

由於World Of Hyatt於2021年尊貴會籍所需要求減半👉(按此)、加上配合Bonus Journey全球推廣活動雙倍晚數👉(按此)，兼且再配合埋使用積分預訂酒店活動期間有15%積分回贈活動👉(按此)，因此只要响2021年1月及2月份以積分兌換每晚5,000分嘅Category 1酒店，透過買分成本可低至$595港幣刷房。

條數係咁計嘅，因為透過今次促銷優惠，購買5,000分價錢約$700港幣、配合埋15%積分回贈活動，因此入住Category 1成本每晚約$595港幣。

但可惜看繁體中文嘅地方香港、澳門、台灣均沒有Category 1酒店，如果地標香港嘅朋友，目前最低成本方法當然係把握機會响12月12日中午12時前預訂本港四家凱悅酒店快閃促銷👉(按此)。

若然目前正身處响馬來西亞、越南、大陸、美加或者德國嘅朋友就可以考慮入住Category 1酒店去衝Globalist喇，當然下決定之前仍要比較埋酒店若以現金入住係幾多錢啦！

阿迪哥舉幾個Category 1嘅例子，而呢幾個亦有可能有讀者現正身處地方，阿迪哥隨機搜尋一晚1月份嘅日子，呢三家酒店嘅房價都比起5,000分成本都高嘅(即$595港幣)。

越南河內Hyatt Regency West Hanoi
● 每晚連稅2,499,010VND (約$837港幣)

Hyatt Regency West Hanoi

德國法蘭克福Hyatt House Frankfurt Eschborn
● 每晚€129.20 (約$1,218港幣)

Hyatt House Frankfurt Eschborn

加拿大卡加利Hyatt Place Calgary Airport
● 每晚連稅CAD95.45 (約$900港幣)

Hyatt Place Calgary Airport

 👉 按此進入凱悅官網搜尋Category 1酒店列表

Hyatt積分如果用換一啲奢華酒店係好抵架，當中最佳例子係馬爾代夫Park Hyatt Maldives Hadahaa (屬於Category 7)每晚30,000分，透過今次嘅成本即係$554美元，呢家酒店房價好多時候都過$1,000美金架。

另一個例子係加咗Hyatt大家庭不久嘅Alila品牌，當中好多明星响嗰度結婚嘅網紅酒店峇里Alila Villas Uluwatu向屬Category 7，每晚亦係30,000分，呢間酒店部係全villa架！

其實若果積分用來換Category 1酒店亦會好抵(每晚只需5,000分)，例如尼泊爾加德滿都嘅Hyatt Regency Kathmandu。

另一個購買積分最佳用法，如果你認識Globalist朋友(World Of Hyatt會員最高階級別)，大前提係佢肯啦，咁可以用佢嘅戶口買分，然後透過Guest Of Honor福利，用佢嘅戶口訂積分房俾你入住，咁你就可以獲得Globalist嘅褔利例如免費早餐、行政酒廊、房間升級及延遲退房等喇。

申延閱讀：Guest Of Honor福利使用方法👉(按此)

================================================

【同時間進行凱悅酒店集團嘅優惠活動】

● World Of Hyatt - 全港四家凱悅集團酒店同時推出快閃，優惠低至6折【預訂日期：2020年12月8日至12月12日】 (按此) 

● World Of Hyatt - 2021年尊貴會員級別要求減半及全球優惠活動全部延期至2021年2月28日(按此)    
● World Of Hyatt - Bonus Journeys三倍積分活動+入住晚數滾存到2021年合資格晚數【入住日期：2020年10月1日至2021年2月28日】(按此)   

● World Of Hyatt - 無需入住於酒店餐廳用餐可賺取3倍獎勵積分及兌換積分可獲15%積分回贈【活動日期：即日至2020年2月28日】(按此)  

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)