香港東涌福朋喜來登酒店 - 官方相片首度曝光

Four Points by Sheraton Hong Kong, Tung Chung快將要開業喇！不過大部份朋友都應該都已經知道酒店首先會用作外國回港嘅指定檢疫酒店先👉(按此)，阿迪哥暫時冇計劃開幕日首住😂，不過酒店官方相片已經曝光，大家可以睇住相先。

酒店正門

酒店一共有1,001間客房及套房，比起同一建築群、同一管理團隊旁邊嘅東涌世茂喜來登(218間客房)多出接近5倍，標準客房分為最基本嘅King Guest Room及Twin Guest Room，酒店建於東涌北臨海位置，當然仲會有海景房King Ocean View Guest Room及Twin Ocean View Guest Room，因為Four Points係屬於萬豪體系中比較低階嘅精選(Select)嘅品牌，房間設計行走簡約路線，都係熟口熟面嗰種時尚設計(唔通Four Points會行走維多利亞宮廷式設計咪！)，都預咗唔會有任何驚喜，房間應該會比旁邊嘅喜來登面積更細。

King Guest Room (圖片來自官網)

King Guest Room (圖片來自官網)

Twin Guest Room (圖片來自官網)

King Ocean View Guest Room (圖片來自官網)

Twin Ocean View Guest Room (圖片來自官網)

Guest Room Bathroom (圖片來自官網)

酒店一共有1,001間客房，但套房卻只有15間，所以Marriott Bonvoy嘅白金及鈦金會員將來免費升套房嘅機會應該唔會太容易，若然非入住套房就瞓唔著嘅朋友可能要考慮直接訂套房了，大家有冇發覺以下呢張Ocean View Suite相片嘅卧室好熟口面呢？

Ocean View Suite (圖片來自官網)

簡直跟東涌世茂喜來登嘅Executive Oceanview Suite嘅官方相片有九成相似！👉(按此)，不過阿迪哥上次入住酒店安排唔倒呢款設計嘅Executive Oceanview Suite😭😭

Ocean View Suite (圖片來自官網)

但係套房個浴室就畀隔離喜來登嘅套房遜色，睇落應該連雙洗手盆都冇。

Ocean View Suite Bathroom (圖片來自官網)

酒店一共有一間餐廳及一間酒吧，主餐廳Tung Chung Kitchen供應國際菜式及自助餐，而酒吧The Harbour Lounge應該只提供一些grab-and-go輕食，但暫時官方未有提供相片。

海景客房除咗海景外、兼享香港國際機場景觀

酒店沒有泳池及健身室，Four Points嘅住客係不能使用Sheraton嘅泳池及健身室。

酒店連接T-Bay購物中心

酒店被納入為Marriott Bonvoy嘅Category 4，標準日子每晚積分兌換率25,000分、淡季20,000分及旺季30,000分。

由於酒店沒有行政酒廊，因此Marriott Bonvoy白金及以上會員只能在免費早餐或500歡迎積分之間二選一。

白金及以上會員會員入住歡迎禮選擇

呢間新酒店暫時應該大部分朋友都冇機會入住，或許起碼都要等第四波疫情完結後先有機會去試試，東涌世茂喜來登開業當日阿迪哥就率先入住過，如果有興趣的話大家可以重溫入住體驗報告文章👉(按此)

👉 按此進入酒店官網

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)