The Murray Hong Kong推出新一輪快閃優惠，唔洗二千蚊，$1,999起(包服務費)已經包咗一晚住宿、雙人半自助早餐、下午茶及兩杯歡迎飲品，同時間仲有包三餐優惠，價錢$2,640起(包服務費)，包咗一晚住宿、雙人半自助早餐、三道菜晚餐、下午茶或兩道菜午餐、Prosecco一支、香薰浸浴包及歡迎飲品，住宿套票於星期日至四入住均有客房升級。
2021年2月28日 星期日
2021年2月26日 星期五
1865 Privilege - 套房升級優惠券
正呀喂！各位朗廷集團1865 Privilege會員check吓電郵睇吓有冇收到一張套房免費升級券啦(Suite Upgrade Voucher)！原本Voyager會員每曆年入住滿5次或15晚住宿先至會獲贈套房升級優惠券一張，但係舊年阿迪哥只係入住咗3次，所以今年送贈套房券嘅準則係點就唔知喇，大家check吓有冇啦！
2021年2月24日 星期三
香港康得思酒店 - 「零」房價限時優惠：房價$1,100起+10%全數回贈入住期間餐飲消費額！迪迪family成員預訂可享紅酒一支【預訂日期：2021年2月24日至3月1日】
Our old friend is back！大家久等了！Cordis Hong Kong「零」房價又再返嚟探大家，價錢$1,100起+10%，預訂任何房型即可獲相等於房間價格之回贈於住入期間作餐飲消費！自助餐控若果掛住dinner buffet就可以考慮另外兩個同時推出嘅快閃優惠，包括住宿連兩位自助晚餐$1,388起+10%，與及住宿包三餐$1,998起+10%(兩位自助早餐+Alibi午市套餐+自助晚餐)。
Marriott International - 萬豪集團選出新CEO及總裁
由於前萬豪國際集團CEO及總裁Arne M. Sorenson不幸於2月15日離世👉(按此)，因此萬豪任命Anthony Capuano成為新的CEO及Stephanie Linnartz成為總裁，即日生效。
World Of Hyatt - 凱悅集團2021年Q1 Bonus Journeys全球積分活動：累積入住兩晚可獲額外2,000分及累積首10晚住宿可獲得一晚免費住宿【入住日期：2021年3月1日至6月15日】
凱悅由上年Q3/Q4連續到2021年2月28日嘅雙倍晚數及3倍積分活動即將完結，緊接嘅積分活動無縫銜接開始於3月1日開始，而家已經可以註冊喇！
2021年2月23日 星期二
World Of Hyatt - 如何使用凱悅集團套房升等券(Suite Upgrade Award)
每年World Of Hyatt會員住滿指定晚數，能夠賺取Milestone Rewards獎勵，而當中一項很好的福利就是套房升等券(Suite Upgrade Award)，凱悅的套房升等券不似萬豪需要等運到及受盡膽戰心驚之苦、要等到入住前五日才有結果，反之只要預訂時仍有套房供應就肯定能夠立即鎖定。
2021年2月22日 星期一
香港文華東方酒店 - 米芝蓮美食之旅加強版：$2,750起(包服務費)，包住宿一晚、雙人早餐、粉紅主題下午茶、米芝蓮一星Mandarin Grill & Bar晚餐及韓國護膚品牌AMOREPACIFIC精美禮品【預訂日期：2021年2月22日至2月28日】
Mandarin Oriental Hong Kong 文華扒房出品自家煙燻蘇格蘭三文魚、威靈頓牛柳米芝蓮美食之旅返來喇！優惠$2,750起(包服務費)除咗原本包含嘅雙人早餐、英式下午茶及米芝蓮一星Mandarin Grill & Bar晚餐外，今次升級版加送韓國護膚品牌AMOREPACIFIC精美禮品，而今次提供嘅英式下午茶係粉紅色特別版，打卡一流！星期日至三入住可延遲退房至3PM、星期四至六入住則可獲贈精選紅酒一支。預訂文華閣客房($3,520起)或套房($5,500起)仲可以享用埋2月1日先開業嘅行政酒廊兼享升級版價值$2,340嘅AMOREPACIFIC精美禮品！
香港康得思酒店 - 悠閒自助早午餐住宿計劃，每晚$1,234起+10%包含住宿一晚及兩位Brunch【入住日期：2021年2月26日及27日】
Cordis Hong Kong都有Brunch食喇！全新推出周末自助早午餐連任飲sparkling wine住宿套票，暫時期間限定只跟2月26日及27日(星期五及六入住)，價錢只係$1,234起+10%包客房住宿一晚及兩位周末早午餐，個Brunch有生蠔、carving beef食及free flow sparkling wine，迪迪family成員預訂可享精緻零食包！
2021年2月21日 星期日
酒店入住報告：香港 - Best Western Plus Hotel Kowloon (最佳盛品酒店尖沙咀)
今次嘅最佳盛品酒店尖沙咀入住體驗並非阿迪哥，因為好難响阿迪哥身上有呢個酒店集團嘅住宿體驗，話說Terry隊長係Best Western Rewards最高階嘅Diamond Select會員，隊長心血來潮想起Best Western集團都有價格保證政策(Low rate guarantee)、並且申請成功，今次呢篇酒店入住報告跟阿迪哥平常嘅文章風格不同、而且非常有趣，隊長確實是一位智者，响佢身上可以學懂好多實用嘅知識，事不宜遲大家請按入內文閱讀Terry嘅分享。
2021年2月20日 星期六
Accor Live Limitless - 雅高生活時尚酒店品牌Mondrian將落戶新加坡
雅高集團生活時尚品牌Mondrian將會落戶新加坡，計埋Mondrian、集團內一共有43個酒店品牌，如果唔上網去查，直接响本篇留言，答得出當中10個品牌就當你贏！
2021年2月19日 星期五
香港港麗酒店 - 咖啡園自助晚餐住宿專案連早餐$1,990起+10%(連服務費$2,189起)、住宿連新春外攜下午茶及早餐$1,528(包服務費)【入住日期：即日至2021年5月31日】
晚市堂食重開Conrad Hong Kong立即重推住宿連咖啡園自助晚餐連自助早餐住宿優惠，價錢$1,990起+10%(連服務費$2,189起)，目前睇復活節及5月9日母親節周末價錢相同！而另一個二月份期間限定嘅住宿連新春外攜下午茶及早餐住宿套票亦重再度推出，價錢$1,528(包服務費)。
2021年2月18日 星期四
香港瑰麗酒店 - 住宿連行政廊瑞閣禮遇體驗套票每晚$3,905起已包服務費、住宿一晚、雙人早餐、下午茶、Happy Hour及客房迷你吧，迪迪family預訂獨家優惠再減$100！【預訂日期：2021年2月6日至2月28日】
上星期阿迪哥跟KKday及Rosewood Hong Kong合作減$100嘅獨家優惠碼火速派完，今個星期再加推少量！兼且更推出last minute客房升級優惠預訂2月28日或之前入住訂九龍山景客房$3,905起(包服務費)免費升級海景房、訂海景房$4,235起(包服務費)免費升級尊貴海景房，用code再減$100！套票包含入住期間可以享用行政廊瑞閣禮遇：全日免費供應飲品及美酒、雙人早餐、下午茶、Happy Hour及客房內mini bar，再加上今日開始晚上開放堂食，即係可以响行政廊瑞閣免費暢飲美酒一直飲到晚上10點！
香港萬麗海景酒店 - Weekend Culinary Adventure住宿套票，每晚$1,400起+10%，包含住宿一晚、兩大一小早餐、$1,200餐飲消費額及兩套兒童電動車快捷通行證【入住日期：2021年2月19日至2021年4月25日】
Renaissance Harbour View又推出新住宿套票喇！今次優惠最啱一家大細、白金或普通會員或非會員都適合，Weekend Culinary Adventure每晚$1,400起+10%，包含住宿一晚、兩大一小早餐、$1,200餐飲消費額及兩套兒童電動車快捷通行證，呢個住套票勁啱有小朋一齊入住可以玩埋電動車，其實本身並非萬豪白金會員入住無免費早餐待遇，因此呢個優惠包埋兩大一小早餐，若然您係非白金會員入仲抵過「零」房價，咁如果唔需要帶小朋友嘅白金或以上會員就預訂較早前嘅「零」房價優惠抵啲，「零」房價住宿優惠已經extend到3月31日，價錢$1,388起+10%，房價全數回贈餐飲消費額。
2021年2月17日 星期三
World Of Hyatt - 全港四家凱悅集團酒店同時推出「宅度假」快閃禮遇【預訂日期：2021年2月18日至2月22日】
今日~2月18日上午10:00開放預訂！全港四家凱悅集團酒店再度攜手推出「宅度假」禮遇，當中重點阿迪哥較早前介紹過Hyatt Centric Victoria Harbour最新推出嘅住宿套餐We Miss Korea再9折，折後價錢$1,062起+10%、Grand Hyatt Hong Kong最受歡迎包早、晚餐嘅Escape Package減$200，折扣後$1,980起+10%、Hyatt Regency Tsim Sha Tsui標準房價折後$570起+10%，而預訂今次「宅度假」快閃禮遇，每間客房可獲贈價值$438嘅POLA Red B.A尊貴護膚體驗套裝一份。
香港康得思酒店 - 「純粹．清酒」住宿套餐每晚$1,088起+10%、「杜松子之約」住宿套餐$1,998起+10%【入住日期：即日至2021年6月30日】
Cordis Hong Kong一次過推出兩個品酒住宿套票各有特色，喜歡飲sake嘅有「純粹．清酒」住宿套餐每晚$1,088起+10%，包含住宿一晚、兩位自助早餐、參與由唎酒師陳錦光Ken Chan主持嘅清酒大師班及「福寿 純米吟醸」配陶瓷清酒杯兩個；如果喜歡飲Gin酒可以考慮「杜松子之約」住宿套餐每晚$1,998起+10%，包住宿一晚、兩位自助早餐、氈酒配對晚餐、氈酒調酒班及調酒器一個，迪迪family預訂均可享特別禮遇！
Accor Live Limitless - Accor Plus會員快速升ALL金卡及白金卡活動【註冊日期：即日至2021年4月15日】
Accor Plus會員本身同時可享有Accor Live Limitless (ALL)銀卡會員身份，透過今次快速升級活動入住10晚可升為金卡、入住18晚可升為白金卡。
Marriott Bonvoy - 萬豪旅享家購買積分促銷 (40%獎勵+全年購買上限加倍)【優惠期由即日至2021年3月22日】
萬豪推出2021年首次購買積分促銷，今次優惠是40%額外獎勵，是Marriott Bonvoy推出以來史上第二貴價嘅一次促銷，因每次萬豪賣分促銷阿迪哥都有記錄低，大家可以按入内文參考一下每次優惠價錢。
2021年2月16日 星期二
香港朗廷酒店 - 加強版「零」房價限時優惠，每晚低至$1,400起+10%，房價全數回贈酒店消費額，包括餐飲、「川」水療及禮品店等多項消費【預訂日期：2021年2月16日至2月28日】
The Langham, Hong Kong「零」房價返嚟喇！加強版限時「零」房價回贈額除咗可以用於酒店內所有餐廳、當然仲包括米芝蓮三星食府唐閣、除此之外用來做spa、外賣、客房用餐、Flavours of Langham禮品店及客房內mini bar都得，非常靈活有彈性！若果想瘋狂地食，舉個例子，預訂One Bedroom Suite套房價錢$3,300起+10%，因為包埋Club Lounge，咁就包埋雙人早餐、下午茶及cocktail時段任飲任食，咁就唔需要額外用消費額食早餐，而回贈嘅$3,300消費額、酒店位於尖沙咀搵家人過嚟幫手食都好方便！
2021年2月14日 星期日
港島香格里拉 - 快閃優惠包三餐，價錢$2,388起，包含服務費、升級至海景客房、早餐、下午茶、特級牛柳晚餐連甜品盛宴、提早於10AM入住及延遲退房6PM【預訂日期：2021年2月9日至2月14日】
Island Shangri-la反應極好嘅包三餐住宿套票預訂期間延期多兩日，大家要把握最後機會今晚(2月14日23:59前截單)！$2,388起(包服務費)，除咗升級海景房及包三餐外，受歡原因有以下4項重點：
💥 星期六及復活節連續5天假期劃一價錢
💥 晚餐享用特級牛柳
💥 晚餐甜品盛宴製作認真超吸引
💥 自攜英式下午茶拎上客房享用連埋海景拍攝打卡一流
2021年2月13日 星期六
Marriott Bonvoy - 19家全包度假村將加入萬豪集團Autograph Collection品牌
雖然即使可以travel again呢段新聞都未必關我哋事，不過總算係萬豪加強酒店數目嘅新聞，因為酒店全部位於非港人熱門旅遊目的地，包括中美洲、加勒比海及墨西哥，不過最特別係19家度假村全數屬於全包形式酒店(All-inclusive)。
2021年2月11日 星期四
香港康得思酒店 - 春日住宿禮遇2.0住宿連Alibi - Wine Dine Be Social三道菜午餐，每晚$950起+10%，迪迪family預訂可享紅酒一支【預訂日期：2021年2月10日至2月15日】
Cordis Hong Kong今個星期推出住宿連Alibi - Wine Dine Be Social三道菜午餐，午餐有牛肉他他、蜜糖烤鴨胸等選擇，用餐時亦可補每位$80選擇食和牛西冷！高級客房每晚$950起+10%，不過阿迪哥認為最佳玩法始終都係預訂貴賓客房，價錢1,450起+10%，入住時先食個三道菜午餐、隨即上Club Lounge食下午茶嚟個scone及酥餅，休息一陣食埋個happy hour、暢飲美酒，咁就晚飯都唔洗食啦！預訂貴賓客房仲包埋加翌日The Place自助早餐，今次優惠星期六、農曆年及復活節長假期入住只加$100！
2021年2月10日 星期三
酒店入住報告：香港 - Mandarin Oriental Hong Kong (香港文華東方酒店)
位於香港中環干諾道中的香港文華東方酒店開業於1963年9月，是阿迪哥响香港唯一一家入住過、比阿迪哥年紀更大的酒店，酒店原名文華酒店(The Mandarin)，酒店自開業至今仍保存著開業時英式傳統氣派，是亞洲其中一家最佳酒店，曾經有多位顯赫名人也是其住客，包括湯告魯斯、Mariah Carey、汶萊蘇丹及幾位前美國總統尼克遜、福特及老布殊。
香港夏利酒店 - 限時優惠每晚$1,227起+10%，包標準客房一晚、雙人早餐、$300餐飲消費額及延遲退房至下午2時【預訂日期：即日至2021年2月16日】
剛於去年12月新開業位於灣仔、酒店風格以英倫典雅為主導，來自英國嘅品牌The Hari Hong Kong終於推出較貼地嘅優惠！每晚價錢$1,227起+10%，包含標準大床房或標準雙床房一晚、雙人早餐、$300餐飲消費額及延遲退房至下午2時，而每個入住日子都會放出一間邊角客房(大床Corner Room)供免費升級，所以呢種房要搶！
2021年2月9日 星期二
Marriott Bonvoy - 萬豪紛享會員日2021年2月份優惠：高達2,000獎勵積分房價及新春禮遇專案【預訂日期：即日至2021年2月17日】
二月份萬豪紛享會員日最終全部酒店優惠上架，今次優惠大致上分為兩類：會員1,000分房價/銀卡以上會員2,000分房價、與及新春專案(賀年禮品或餐飲消費額)，阿迪哥列出港澳每家有參與今次優惠活動嘅酒店，亦可以方便澳門讀者參考。
香港朗廷酒店 - 雙重喜悅住宿優惠，每晚$1,188起+10%，包住宿一晚及早、午兩餐【預訂日期：即日至2021年2月13日】
The Langham, Hong Kong 推出賀年限時優惠，價錢$1,188起+10%包內園高級客房一晚連雙人早餐及廷廊兩道菜午餐，若於星期一至四入住更可升級至豪華客房及延遲退房至下午二時，如果想玩埋1865 Privilege會籍或者現有會員保級可以考慮一下。
2021年2月8日 星期一
Marriott Bonvoy - 萬豪紛享會員日2021年2月份優惠預告
每月8號又到萬豪紛享會員日，今個月嘅萬豪會員日優惠包括三項主要禮遇，當中今次Sheraton Hong Kong Tung Chung包餐飲消費額優惠對比起佢本身其他原有Package真係抵嘅...不過就唔好跟同集團其他酒店比較囉...
香港文華東方酒店 - 快閃優惠：住宿連早餐、三道菜晚餐及親嚐Caviar House & Prunier魚子醬【預訂日期：2021年2月8日至2月22日】
Mandarin Oriental Hong Kong 再次推出快閃優惠！今次價錢$2,288起包含服務費、住宿一晚、雙人早餐、三道菜晚餐及可獲贈Caviar House & Prunier魚子醬「初探」，若果想試埋佢哋高質嘅文華閣行政酒廊可以預訂文華閣市區客房，價錢$3,608起或皇后像廣場景觀套房，價錢$5,500起！呢兩種房型會包埋入Lounge。
2021年2月7日 星期日
Hotel Preview：香港文華東方酒店 - 文華閣
Mandarin Oriental Hong Kong全新行政酒廊 - 文華閣(The Mandarin Club)於2021年2月1日正式開幕，因此亦誘使阿迪哥襯今次機會作首次入住，响完整入住報告完成前老規矩先來10張相片，今次入住主要目的是體驗文華閣，因此全部相片均來自該設施。
阿迪哥staycation從來未曾發問過咁多問題，在此先感謝兩位Fan of M.O.朋友過去個多月來給與意見。
2021年2月6日 星期六
Hilton Honors - 希爾頓新會員入住兩次可獲5,000獎勵積分【即日至2021年12月31日】
仲有網友係非Hilton Honors會員嗎？今年呢個新會員獎勵積分活動繼續，如果有新網友未開戶、而年底前有剛需入住就要留意。
2021年2月5日 星期五
IHG - 洲際酒店集團新標誌設計及簡化會員計劃名稱
IHG無聲無息响官網顯示咗全新酒店品牌標誌設計，並且將會員計劃名稱更簡約化，原本粗體橙色變為黑白色，相信更乎合近年收購Six Senses、Regent及Kimpton等奢華品牌嘅形象。
Marriott Bonvoy - 2021萬豪旅享家積分兌換表類別更改【生效日期：2021年3月3日】
萬豪集團酒店積分兌換表每年年初都會調整一次，香港沙田萬怡大家都估計會由Cat.2升Cat.3，因為去年原本已經宣佈會升，但因大中華區酒店因疫情關係原本要改Category嘅最終都冇改，今年唔升確係有小小意外，今年全球一共有150家酒店降低級別、51家酒店升級別，升嘅酒店大部份都係去年開業嘅新酒店，港澳酒店則全部維持不變。
香港萬怡酒店 - 快閃酒店現金券2021【發售日期：2021年2月5日至2月11日】
Courtyard by Marriott Hong Kong發售酒店特價現金券面值$700，售價為$550，適用於酒店住宿及餐飲折扣優惠。
2021年2月4日 星期四
香港四季酒店 - 頂級住宿連米芝蓮3星食府龍景軒點心下午茶震撼優惠減至$2,405起(包服務費及早餐)【入住日期：即日至2021年2月28日】
Four Seasons Hong Kong嘅米芝蓮3星食府龍景軒住宿優惠減咗價喇！一晚住宿包含龍景軒出品嘅點心下午茶套餐及雙人早餐豪華山景客房價錢減至2,405起(平咗$103)、豪華海景客房減至$2,700起(平咗$138)、維港海景套房$4,534起(平咗$174)！全部價錢已包服務費，原本呢個套票賣到3月份但係阿迪哥發現突然3月停售，因此真係唔知道將來會唔會仲有，加上又減咗價所以若果有興趣真係唔好錯過！
香港港麗酒店 - 兩大住宿新優惠：豪華客房連早餐及星期一至五升級海景房，每晚$1,200起+10%(合共$1,320起)、豪華客房連早餐及新春主題下午茶，星期一至五升級海景房及提早10AM入住，每晚$1,528起(包服務費)【入住日期：即日至2021年3月31日】
Conrad Hong Kong推出咗兩個住宿新優惠，首先係官網嘅豪華客房連早餐每晚$1,200起+10%(合共$1,320起)，星期一至五入住仲可以升海景房，呢個適合Hilton Honors會員可以儲分、儲晚數及享受會員福利。另一個係KKday獨家優惠，價錢只係貴$208，除咗以上包含嘅所有嘢之外仲包咗一套價值$558嘅新春主題外攜下午茶、星期一至五入住升海景房及提早上午10時入住，即係每晚$1,528起(包服務費)，而呢個優惠就適合非會員，兩個住宿套票暫時農曆新年假期及情人節都仲有得訂。
2021年2月3日 星期三
香港康得思酒店 - 春日住宿禮遇：貴賓客房$999起+10%包含早餐、下午茶及Happy Hour；住宿連早、午自助餐$1,180起+10%，迪迪family預訂尊享紅酒一支【預訂日期：2021年2月3日至2月8日】
康得思星期三又來了！今個星期提早下午6點開售(2月3日18:00)，Cordis Hong Kong推出兩項春日住宿禮遇，當中貴賓客房首次低至每晚$999起+10%，包埋入Club Lounge所以禮遇包括：下午茶、Happy Hour及雙人The Place自助早餐！另一個優惠係住宿連兩位兩餐自助餐(早餐+午餐)，價錢$1,180起+10%，農曆年假期及情人節均開放預訂！迪迪family預訂尊享紅酒一支！
2021年2月2日 星期二
香港維港凱悅尚萃酒店 - 限時快閃住宿連自助餐優惠：住宿+自助晚餐$1,307起、住宿+早晚2餐自助餐$1,417起、住宿+早午晚3餐自助餐$1,903起(已包服務費)【預訂日期：2021年2月2日至2月5日】
今晚 ~ 2月2日22:00開賣！Hyatt Centric Victoria Harbour呢個快閃雖然非官網，但非常適合非跑會籍嘅自助餐控，今次呢個KKday獨家優惠重點要先搶住宿+早午晚3餐自助餐優惠，價錢$1,903起，首30位預訂可連升兩級至尊貴海景客房，浴室同浴缸都對住維港，打卡佳品！另外仲有住宿+自助晚餐$1,307起、住宿+早晚2餐自助餐$1,417起，包幾多餐隨你揀、最緊要有得楝！農曆年假期(2月11-13及15)都只係貴多$220！聽講二月中仲會加入韓式主題美食，今次包含嘅自助晚餐全部都係無限次自取於客房內享用！
TUVE Hotel - 簡約型格工業風酒店，限時快閃優惠每晚$599起，包含服務費、雙人早餐、酒店訂製禮品及Le Labo旅行備品套裝【預訂日期：即日至2021年2月7日】
位於港島天后嘅TUVE Hotel精品酒店行走簡約工業風，如果已經住悶咗大路嘅酒店的話，亦係潮人打卡其中一個選項，原本佢嘅優惠價七百幾蚊，今次快閃減到$599起(已包服務費)，收費包含：雙人早餐、酒店訂製禮品及Le Labo旅行備品套裝，仲有保證24小時入住。
2021年2月1日 星期一
優惠延長：Marriott Bonvoy - 萬豪會員於亞太區酒店用餐高達7折、水療禮遇及兒童禮遇【即日至2021年12月31日】
萬豪集團亞太區會員酒店用餐折扣優惠目前延期至2021年12月31日，香港嘅酒店除咗香港瑞吉外就全部都有參與，不過並非每家參與嘅酒店每家餐廳都有參加優惠。
香港海景嘉福洲際酒店 - 饗樂24住宿優惠，每晚$1,388起+10%，包含客房住宿一晚、雙人早餐、下午茶自助餐、晚市套餐及24小時入住時間【入住日期：即日至2021年3月31日】
嘩！InterContinental Grand Stanford全新推出包三餐饗樂24住宿優惠，首先講吓包含嘅三餐先，包自助早餐就梗架啦，然後仲包埋酒店全新推出嘅下午茶自助餐，而家非周末都有得食tea buffet嘅酒店真係唔多，而晚餐就可以品嚐到海景軒嘅粤菜或者意大利餐廳Theo Mistral by Theo Randall出品嘅二人套餐，包含嘅餐膳真心吸引！大部份日子都可以享受24小時入住時間，平日價錢$1,388起+10%、周五、周六、年初一及初四只係貴$100！！年初二及初三兼情人節大日子都只係加$300！！
訂閱：
文章 (Atom)