每月8號又到萬豪紛享會員日，今個月嘅萬豪會員日優惠包括三項主要禮遇，當中今次Sheraton Hong Kong Tung Chung包餐飲消費額優惠對比起佢本身其他原有Package真係抵嘅...不過就唔好跟同集團其他酒店比較囉...
經過無數個月嘅失望，大家應該唔介意繼續失望，因為跟本冇希望過，今個月有三大優惠，睇落好正架....如果單睇字面😍
【優惠詳情】
優惠一：每次入住額外享受2,000獎勵積分
● 預訂日期：2021年2月8日至2月17日
● 入住日期：2021年2月8日至3月7日
嘩！2,000分呀！正呀喂！但諗清楚先啦，呢個優惠上個月同埋之前都做過，要訂指定嘅Package價錢先有額外2,000分，通常個價錢以Flexible Rate定價(只係用佢來定價，但佢唔屬於Flexible Rate，所以唔好諗住用萬麗債券會有多2,000分)，而且Q1活動每次需要至少入住兩晚，而2,000分係per stay計，所以阿迪哥大膽估計用呢個rate入住兩晚肯定唔抵。
香港酒店阿迪哥暫時只查到只有一家酒店Sheraton Hong Kong Tung Chung有呢個優惠，價錢$1,200起+10%，普通會員訂呢個Package有額外1,000分、銀卡以上會員選擇“Elite Exclusive Offer”則可獲額外2,000分，2,000分大約值$126，唔算抵啦！ 因為下文仲有另一個選擇。
直接進入酒店專屬頁面搜尋比較容易：👉 按此進入酒店官網及訂房
優惠二：入住享額外禮遇
● 預訂日期：2021年2月8日至2月17日
● 入住日期：2021年2月8日至3月7日
每次入住禮遇三選一：
● 新春主題歡迎禮
● 新春主題雙人下午茶
● ¥600人民幣餐飲消費額
大家睇完字面肯定會覺得...嘩！呢個最正呀！發達喇！去瑞吉住囉！佢個下午茶咁貴，衝爆佢個Drawing Room先！！
其實，大家被萬豪昆過咁多次都仍然相信佢就實在太天真了吧？以上呢啲禮遇咪又係一啲Package套餐...唔好諗住你訂個W Hong Kong嘅Dine Whatever/Whenever去到入住會再送你多一個下午茶、亦唔好幻想訂個$444房價住沙田萬怡會送你$600消費額，其實呢啲優惠咪又係推出一啲Package出來比你去訂，即係$600 credit 住宿package 、住宿連下午茶package，至於Package...而家大把優惠Package啦！
又係只有一家Sheraton Hong Kong Tung Chung有呢個優惠，而且只有最後者餐飲消費額嗰個，會員價“Member Rate New Year Celebration”$1,372起+10%，包含$718餐飲消費額，原來消費額以人仔計，¥600人仔即係相等於$718港幣，阿迪哥認為呢個優惠諗得過，大前題下係你想試呢家酒店啦，唔係搵其他酒店優惠去比較。
直接進入酒店專屬頁面搜尋比較容易：👉 按此進入酒店官網及訂房
優惠三：餐飲優惠高達7折
● 優惠日期：即日至2021年12月31日
呢個其實係平時嘅會員指定酒店餐廳用餐優惠嚟嘅，不過就延續至2021年12月31日👉(按此)，咁都計落會員日優惠條數呀？咁咪即係類似某啲酒店Staycation Package優惠包含健身室及泳池使用權嘅概念相類似？
======================================================
【同時間進行嘅萬豪集團優惠活動】
● 香港W酒店 - Dine Whatever/Whenever住宿套票$2,097起+10%，包兩位早餐、$500 bliss spa消費額、客房包$1,500餐飲消費額、套房包$2,000餐飲消費額【入住日期：即日至2021年3月31日】(按此)
● Marriott Bonvoy - 萬豪會員於亞太區酒店用餐高達7折、水療禮遇及兒童禮遇【即日至2021年12月31日】(按此)
● Marriott Bonvoy - 推薦親友加入萬豪旅享家會員計劃可賺取高達50,000積分，被推薦新會員則可賺取高達10,000分 (按此)
● 香港萬麗海景酒店 - 限時住宿及餐飲快閃：包括65折酒店住宿及餐飲禮券、福滿樓飲食及賀年禮品優惠及萬麗咖啡室自助午餐【發售日期：2021年2月1日至2月7日】(按此)
● 香港沙田萬怡酒店 - 8週年慶典住宿優惠，住宿連兩餐$688起+10%、住宿連三餐$988起+10%【入住日期：即日至2021年3月1日】(按此)
● Marriott Bonvoy - 萬豪2021年Q1全球積分活動：雙倍積分+雙倍晚數【活動日期：2021年2月16日至4月27日】(按此)
● 香港萬麗海景酒店 - 「零」房價快閃，$1,260+10%升級海景客房及回贈$1,260餐飲消費額、「1 – 2 – 3」三重驚喜禮遇，房價加$1、$2、$3加購自助早餐、自助午餐及房内雙人晚餐；與及新春期間推出「迎春度歲住宿套餐」包含兩位自助早餐及撈起盤菜晚餐【入住日期：即日至2021年3月31日】(按此)
● Marriott Bonvoy - 萬豪新會員首次付費入住可獲2,500奬勵積分 (按此)
● 香港JW萬豪酒店 - JW Stay Well Dine Well 2021「零」房價住宿套票，每晚$2,021起+10%，房價全數回贈餐飲消費！【入住日期：2021年1月1日至3月31日】(按此)
● 香港萬怡酒店 - 跌價喇！Club Delight住宿套票$800起+10%；Quick Escape住宿套票$808起+10%【入住日期：即日至2021年3月31日】(按此)
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言