香港四季酒店 - 住宿包雙人早、晚餐$2,718起(包服務費)，限時優惠加送自取下午茶及雙人浸浴體驗！【預訂日期：即日至2021年5月5日】

 

Four Seasons Hong Kong住宿連雙人早餐及The Lounge雙人三道菜晚餐住宿套票$2,718起(包服務費)推出限時優惠加送自取雙人下午茶套餐及客房內雙人浸浴體驗，變相包三餐！加$550仲可以訂到剛剛全新翻新完成嘅豪華客房！

Marriott Bonvoy - 萬豪免費房券及積分再次延期

 

萬豪進一步宣佈惠民政策，將會員手上的免費房券及積分延期。

Shangri-La - Golden Circle會員入住雙倍合資格晚數【入住日期：2021年5月1日至7月31日】

 

香格里拉都推出雙倍晚數！不過唔洗太驚訝住！本身Golden Circle會員保級/升級可以計night或計stay，即係Jade會員(20 nights或10 stays)、Diamond會員(50 nights或25 stays)，雙倍只會計晚數，咁即係响活動期間內住10晚可獲得Jade會籍、住25晚可獲得Diamond會籍，成本冇慳到，不過就可以連續住咁樣，最受惠者應該係回港隔離檢疫入住Kerry或Hotel Jen人仕。

香港維港凱悅尚萃酒店 - 花樣年華住宿計劃$1,380起+10%，包住宿一晚、雙人自助早餐、自助午餐或晚餐、雙人旗袍體驗、雙妹嚜及Or Tea?禮品【入住日期：2021年5月4日至6月30日】

 

Hyatt Centric Victoria Harbour又有新嘢玩，今次推出「花樣年華」住宿套票大玩香港昔日風情，每晚價錢$1,380起+10%，包客房住宿一晚、雙人自助早餐、雙人自助午餐或晚餐、雙人旗袍體驗、香港本地首個化妝品品牌雙妹嚜旅行套裝及高端茶葉品牌Or Tea?小禮盒，近日大家應該比較有空可以多玩吓Hyatt，今年Q1活動响3月1日至6月15日期間每累積入住兩晚可獲額外2,000分、兼且累積10晚可獲免費住宿券一張！

香港康得思酒店 - 「零」房價限時優惠：房價$1,100起+10%房價全數回贈入住期間餐飲消費額！迪迪family成員預訂可享紅酒一支【預訂日期：2021年4月28日至5月3日】

 

又要入定貨！Cordis Hong Kong今次「零」房價入住日期可訂至2021年7月4日，識玩嘅朋友都應該知道「零」房價最抵玩！價錢$1,100起+10%，預訂任何房型即可獲相等於房間價格之回贈於住入期間作餐飲消費！今次「零」房價快閃每房仲可額外獲得「LUSH純素香氛皂試用裝換領券」兩張！

海景嘉福洲際酒店 - 母親節住宿優惠，預訂指定住宿套票$1,688起+10%可獲贈母親節額外禮遇，迪迪family預訂更可專享紅酒一支【入住日期：2021年5月7日至5月9日】

母親節其間預訂InterContinental Grand Stanford「美食住宿之旅」、「四人家庭美食住宿假期」及「龍蝦海鮮饗宴之旅」住宿計劃價錢$1,688起+10%，可享以下母親節禮遇：

🌷 SOVOS 白蘭花有機香水（價值HK$380）
🌷 母親節玻璃盆景工作坊（HK$150/盆景，入住當日參加） 

香港文華東方酒店 - 首次推出Clipper Lounge自助晚餐及雙人早餐住宿套票$2,453起(已包服務費及兩餐)、住宿連自助晚餐、雙人早餐及主題下午茶$2,728起(已包服務費及三餐)【預訂日期：2021年4月26日至5月5日】

 

F&B部門被出賣系列😭，Mandarin Oriental Hong Kong「龍蝦·鮑魚·生蠔」自助晚餐平時已經唔易book、而家仲要放出嚟做staycation！有冇攪..錯呀！🗣(#劇情純屬虛構)。

🔥 住宿包兩餐：Clipper Lounge雙人自助晚餐+早餐=$2,453(包服務費)
🔥 住宿包三餐：Clipper Lounge雙人自助晚餐+早餐+主題下午茶=$2,728(包服務費，每入住日子首5間海景客房及其後10間皇后像廣場景觀客房同價！

5月份入住仲有illy咖啡禮品及感官體驗班，今晚(4月26日22:00)搶呀！

香港朗廷酒店 - 加強版「零」房價限時優惠，每晚低至$1,200起+10%，房價全數回贈酒店消費額，包括餐飲、「川」水療及禮品店等多項消費【預訂日期：2021年4月26日至5月2日】

The Langham, Hong Kong「零」房價返嚟喇！加強版限時「零」房價回贈額除咗可以用於酒店內所有餐廳、當然仲包括米芝蓮三星食府唐閣、除此之外用來做「川」新+心水療、外賣、客房用餐、Flavours of Langham禮品店及客房內mini bar都得，非常靈活有彈性！除咗訂標準房然後用消費額來食之外，阿迪哥認為另一個玩法可以訂行政客房($2,500起+10%)或套房($3,100起+10%)，因為本身呢兩款房型包埋Club Lounge，咁就即係包埋雙人早餐、下午茶及cocktail時段任飲任食，已經有咗基本嘅餐飲，咁就可以利用消費額做spa！

馬爾代夫旅遊常客積分計劃 (Maldives Border Miles)

 

雖然我哋呢邊仲未可以去旅行，但其實馬爾代夫就一早開咗關，並且最近推出世界首個國家旅遊常客積分計劃，每次入境、每晚停留、生日慶祝、度蜜月旅行均可累積積分、從而獲取會員級別及當地禮遇。

香港W酒店 - 漫遊W住宿套餐$2,450起+10%，包自選各地W酒店客房佈置、雙人自助早餐、雞尾酒兩杯、$1,500餐飲消費額、$500水療消費額【入住日期：即日至2021年8月31日】

 

W Hong Kong 最新扮去旅行玩味住宿套餐「漫遊W」$2,450起+10%，自選將Fabulous Room佈置成世界各地W酒店，包括台北、大阪、曼谷、上海及峇里，雙人自助早餐、Woobar雞尾酒兩杯、$1,500餐飲消費額、$500 bliss spa消費額及驚喜迎賓禮遇。

GHA Discovery -入住可賺取雙倍合資格晚數【入住日期：即日至2021年9月30日】

GHA Discovery會員計劃雙倍合資格晚數已經延長至2021年9月30日，Platinum只需入住5晚、Black只需15晚。

熱爆酒店買一晚送一晚(一晚價錢連續入住兩晚)、買一間房送一間房(一晚價錢住兩間房)【預訂日期：2021年4月23日只限一天】

 

今日下午其實唔係提早開賣，原來係系統測試誤將少量房間釋放咗响app/手機版網站賣，恭喜訂咗嘅朋友先，今晚凌晨00:00先正式開賣，據聞之前流出嘅優惠係唔計落quota，所以仲有得搶！

Trip.com只限一日13間超級熱爆酒店快閃！全部價錢已包10%服務費，優惠包括：

🔥 香港文華東方酒店：城市景觀客房$3,488起住兩晚，第一晚包文華閣酒廊、第二晚包早晚兩餐
🔥 香港半島酒店：Deluxe Suite升級海景套房，包早餐、$2,000餐飲消費額及延遲退房3PM每晚$4,588
🔥 香港維港凱悅尚萃酒店：星期日至四升級海景房$888住兩晚
🔥 香港康得思酒店：每晚$888起包兩間房
🔥 K11 ARTUS：雙房公寓包早餐$6,988住兩晚
🔥 香港瑰麗酒店：九龍山景套房$7,888住兩晚包行政廊瑞閣禮遇

其他優惠仲有香港港麗酒店、香港朗廷酒店、香港四季酒店、馬哥孛羅香港酒店、柏寧鉑爾曼酒店、皇家太平洋酒店及銅鑼灣皇冠假日酒店！

香港喜來登酒店 - Super Mums' Retreat住宿套票$1,688+10%，入住海港景客房一晚、2大1小母親節自助午餐、1大1小參與乾花畫架手作坊及延遲退房2PM【入住日期：2021年5月8日】

 

Sheraton Hong Kong Hotel & Towers推出媽媽day住宿套票只限5月8日一天，價錢$1,688+10%包海景房一晚、2大1小於宴會功能廳享用母親節自助午餐(包括即開生蠔)、1大1小參與乾花畫架手作坊、evollove x CANVAS奧圖玫瑰賦活肌膚套裝(價值$1,065)及延遲退房2PM，成個套票最大亮點係無包早餐，即係代表呢個package冇計早餐個cost落去，咁Marriott Bonvoy白金會員可以好好享用會員免費早餐權益😂，若果有打算食自助餐慶祝母親節計劃、與其畀錢齋食、倒不如訂住宿套票入住埋啦！

Best Western - 最容易獲得的酒店高階會籍Best Western酒店集團會籍匹配2021

 

Best Western集團一直開放會籍匹配，而且係最容易批核嘅一個國際酒店集團，一經批核會籍有效期至2023年3月31日玩足兩年。

香港港麗酒店 - 豪華海景房連行政貴賓廊禮遇及4道菜法式晚餐、星期一至五入住額外加送外攜下午茶、食足5餐，每晚$2,500起(包服務費)【預訂日期：2021年4月20日至4月25日】

 

#非官網 Conrad Hong Kong召喚weekday players！#重點：包海景房、行政貴賓廊禮遇(英式下午茶+Happy Hour+早餐)及於Brasserie享用4道菜法式晚餐，星期一至五入住價錢$2,500(包服務費及加送外攜下午茶)=食5餐、星期六及星期日入住$2,800(包服務費)=食4餐，#重重點：法式晚餐可選 ~ #頭：香煎北海道帶子海膽青豆蓉or香煎鴨肝、#湯：大蒜薯蓉湯or粟米蟹肉湯、#主：香煎牛柳or香煎智利鱈魚柳及大蝦、#甜：士多啤梨忌廉杯or意大利芝士蛋糕；#重重重點：19/5佛誕公眾假期當平日價錢。#重重重重點：首500名預訂後成功登記可獲贈日本無添加護膚品牌HABA「皇牌VC鯊烯乳液60ml及護膚療程」(總值HK$1,470)！

Hilton Honors - More Nights, More Points 2021年Q2積分活動【入住日期：2021年5月3日至2021年9月6日】

 

希爾頓剛宣佈緊接由2021年5月3日開始嘅Q2全球積分活動More Nights, More Points，連續入住1-2晚可賺取雙倍積分、連續入住3晚或以上可賺取三倍積分。

香港金域假日酒店 - 優尚豪華客房連2大2小行政會所禮遇：自助早餐+Happy Hour每晚$638起(包服務費)【預訂日期：2021年4月19日至4月25日】

 

一家四口平平地stay吓cation之選Holiday Inn Golden Mile入住優尚豪華客房最多可供2大2小入住連4位行政會所禮遇、即係包咗自助早餐及Happy Hour每晚$638起、仲要價錢包咗服務費，話哂都有露天泳池、有健身室，另外可額外加$700享用龍苑中菜廳精選蟹宴晚餐或Osteria意大利餐廳龍蝦四道菜晚餐(供2-4人份量)，開售時個別日子每日限量一間免費升級親子「星空戰士」或「夢幻粉紅獨角獸」主題房所以今晚(4月19日22:00)要準備定搶！

酒店入住報告：香港 - Hyatt Regency Hong Kong, Tsim Sha Tsui (香港尖沙咀凱悅酒店)

 

香港尖沙咀凱悅酒店開業於2009年10月2日，一共有384開客房及套房，位於九龍尖沙咀河內道「名鑄」3至24樓，連接同一建築物的K11藝術館商場，香港尖沙咀凱悅酒店是繼香港君悅酒店後第二家新世界發展委任凱悅國際於香港管理的酒店。

香港迪士尼樂園酒店 - 標準客房每晚$899起(包服務費)最多可住2大2小【入住日期：2021年5月3日至2021年6月29日】

 

搶呀！香港迪士尼樂園酒店標準客房每晚$899起！！！價錢已包服務費，每房最多仲可以入住2大2小！預訂同時可以用優惠價加購樂園一日門票！

香港康得思酒店 - 意式風情感官之旅$1,198起+10%、米芝蓮星級點心班體驗之旅$1,698起+10%、親子三人滋味玩樂下午茶自助餐住宿計劃$1,550起+10%

 

而家嘅staycation已經進化到另一層次，除咗食、住之外，仲要有得玩，如果住到厭、食到厭可以諗諗Cordis Hong Kong最新推出嘅三個住宿食、住、玩味套票，包括意大利美酒品酒班連tiramisu及手滴咖啡製作班、點心製作班與及最適合一家大細嘅下午茶自助餐住宿連精彩親子活動，包括小型賽車遊戲、小盆栽製作及釣魚遊戲等，透過阿迪哥預訂嘅迪迪family可享酒店精美零食包一份！

香港尖沙咀凱悅酒店 - 快閃住宿優惠！自助餐本地遊連嘉賓軒酒廊禮遇$1,350起+10%【預訂日期：即日至2021年4月21日】

 

非Globalist會員佳音！Hyatt Regency Hong Kong Tsim Sha Tsui住宿連自助餐快閃超抵！今次優惠仲會包埋兩位嘉賓軒酒廊禮遇，即係包埋Happy Hour同埋响Lounge入面食早餐，以中價酒店黎講阿迪哥真心覺得呢家酒店個Club Lounge嘅Happy Hour食物相當高質，未試過嘅朋友值得一試！住宿連自助午餐及嘉賓軒酒廊禮遇$1,350起+10%；住宿連任食活波士頓龍蝦自助晚餐及嘉賓軒酒廊禮遇$1,750起+10%，星期一至四入住仲可以提早於上午10時入住及下午2時延遲退房！

奕居 - Studio 80住宿連雙人Salisterra早餐及$900房內用餐消費額每晚$2,899起(包服務費)【預訂日期：2021年4月15日至4月23日】

 

The Upper House頂樓裝修後嘅全新餐廳Salisterra正式開業！如果想試梗係訂住宿套票啦！今次快閃$2,899起保證升級Studio 80山景豪華房、雙人於全新餐廳Salisterra享用早餐、$900房內用餐消費額享用Salisterra出品美食、免費Maxi-Bar及無限點播客房電影及爆谷，另外仲有Studio 70海景客房及海景套房選擇，房內用餐消費額更高！同時間亦推出星級養生旅程快閃優惠包含早餐及房內按摩療程，預訂任何套票後首200名成功登記可獲贈美國護膚品牌 fresh 玫瑰保濕美肌套餐 (總值HK$388)！

香港麗思卡爾頓酒店 - 訂閱電子報可獲得住宿連早餐房價半價券一張

 

喂喂喂！正呀喂！訂閱The Ritz-Carlton Hong Kong電子報可以獲得Bed and Breakfast Package電子住宿半價券！即係最平可以用$1,350起+10%入住一晚包含雙人早餐，而每張半價券最多可以連續入住3晚，咁4月27日前跑埋Q1都仲得！

香港海洋公園萬豪酒店 - Hea住食住宿計劃每晚$1,288起+10%，包入住期間$1,000餐飲消費額，並以優惠價購兩大一小自助早餐及四道菜晚餐，可以使用消費額扣減【入住日期：即日至2021年6月30日】

一直被萬豪會員鬧爆、同時間亦榮獲「賞你住」最早爆quota酒店之一嘅Hong Kong Ocean Park Marriott Hotel最新推出咗Hea住食住宿計劃每晚$1,288起+10%，包住宿一晚及入住期間$1,000餐飲消費額，同時可以$788+10%優惠價於Pier酒廊享用兩大一小享用四道菜晚餐連汽水，非萬豪白金會員可以$300+10%享用兩大一小自助早餐，以上餐飲優惠均可以使用餐飲消費額扣減！

香港喜來登酒店 - 免費雙「升」禮遇$890+10%入住行政套房及雙倍Marriott Bonvoy積分【入住日期：2021年4月21日至5月15日】

 

更新(14/4 14:30)：突然再減$100，而家係$890+10%！痴線架！

突發！！呢個要搶呀！Sheraton Hong Kong以標準房價$890+10%入住行政套房(Executive Suite) 及雙倍Marriott Bonvoy積分！每日只有限量房數！！暫時星期六都有！！！

香港朗廷酒店 - 超級海鮮聯盟自助晚餐+Artesian尊享朗廷會禮遇住宿套票$1,888起(包服務費)【預訂日期：即日至2021年4月19日】

召喚勁食達人！住宿+下午茶+黃昏雞尾酒+自助晚餐+自助早餐=$1,888/兩位，今次又要計吓條數先，Langham Hong Kong嘅The Food Gallery自助晚餐計埋如有最低嘅銀行信用卡折扣7折，實價連加一每位$567(兩位合共$1,134)，今次嘅住宿套票包咗城市景高級客房一晚、兩位The Food Gallery「超級海鮮聯盟」自助晚餐及Artesian尊享朗廷會禮遇，即係仲包括自助早餐、下午茶及Happy Hour價錢$1,888起(包服務費)，扣番兩位自助晚餐價錢，即係住宿+Club Lounge只係$754！肯定仲抵過零房價好多！而且阿迪哥仲要係用咗以信用卡打折後嘅自助餐價錢作比較。另外，星期一至四入住保證升級城市景豪華客房及長達27小時住宿。

Marriott Bonvoy - 萬豪2021年Q1全球積分活動Better Two-gether：雙倍積分+雙倍晚數【活動日期：2021年2月16日至4月27日】

註冊期最後今天(13/4/2021)！

若果仲未註冊萬豪Q1雙倍積分+雙倍晚數活動，今日4月13日係註冊最後機會，活動玩到4月27日，計埋今日仲有15日、計埋雙倍晚數即係仲有30晚數可以跑。另外，早前活動條款已改，只要符合連續入住同一家酒店至少兩晚及當中至少一晚是付費入住、即使分開訂單都會合符資格，不過雙倍晚數到帳會比較慢。 

World Of Hyatt - 亞洲首家Andaz品牌度假酒店峇里Andaz Bali正式開業

 

印尼首家Andaz品牌酒店、亦都係亞洲首家Andaz品牌度假酒店早前於印尼峇里島Andaz Bali正式開業，酒店位於峇里島東南部海岸Sanur、旁邊就是屬同一集團酒店Hyatt Regency Bali，酒店屬於Category 4，可以用得著Category 1-4免費住宿券。

香港維港凱悅尚萃酒店 - 住宿連自助早餐及自助午餐$1,078(包服務費)、住宿連自助早餐及自助晚餐$1,518(包服務費)【預訂日期：即日至2021年4月12日】

 

搶唔倒賞你住？Hyatt Centric Victoria Harbour呢個優惠唔洗搶，標準房連自助早餐及自助午餐$1,078(包服務費)、標準房連自助早餐及自助晚餐$1,518(包服務費)，今明兩日透過KKday預訂會賞你額外禮遇！包括Farmhouse Deli餅店雙人甜點組合套餐、星期日至四入住免費升級海景房及精選美酒一支，不過若果係Globalist會員就可選擇番官响網訂，雖然冇額外禮遇，但就有番會員福利、積分及累積晚數！

香港喜來登酒店 - 品味旅伴住宿套票$1,888+10%，入住海景客房、包兩位自助早餐、蠔酒吧三道菜晚餐、氣泡酒一支及延遲退房至2PM【入住日期：2021年4月21日至9月19日】

 

平時一般响Sheraton Hong Kong Hotel & Towers嘅蠔酒吧食一餐dinner人均都要成千，今次蠔酒吧雙人晚餐餐牌仲有得揀招牌菜蟹餅同埋生蠔、入住海景客房、雙人自助早餐及一支sparkling wine，星期一至日、公眾假期及暑假同價，每晚$1,888+10%，價值有機會超越零房價！

旅發局「賞你住」活動計劃，合資格香港本地消費滿$800，即可享$500本地酒店住宿折扣優惠【入住日期：2021年4月9日至5月31日】

 

「賞你住」活動計劃將會响明早~2021年4月9日上午10:00起正式開始，所參與嘅酒店、所提供嘅住的宿計劃及預訂方式將會响「賞你住」活動計劃公佈，每間酒店預訂方式將有所不用，大家可以到時進入網站了解一下，至於大致上嘅玩法會係電話訂、電郵訂或官網訂，按入內文可以有些少阿迪哥嘅提示，但最終都係需要等明早10:00。

Singapore Airlines - 透過銀行積分轉換里數獲得新加坡航空Krisflyer金卡或銀卡會籍【活動日期：2021年4月7日至2022年2月28日】

 

其實之前加拿大航空都有類似活動，但因為本港沒有任何信用卡積分可以累積Aeroplan，因此阿迪哥就沒有報導，本港有多張信用卡可以轉換新加坡航空Krisflyer里數，咁就可以無需飛行獲得Krisflyer銀卡或金卡，亦即係等於星空聯盟銀卡/金卡！

Marriott Bonvoy - 萬豪紛享會員日2021年4月半價套房優惠【預訂日期：即日至2021年4月10日】

 

萬豪會員日今個月推出套房升價後再半價優惠，今個月參加優惠酒店暫時有4家香港萬麗海景酒店、香港麗思卡爾頓酒店、香港W酒店及天際萬豪酒店，價錢冇乜突破，跟過往會員日套房優惠差不多，不過以往香港萬麗海景酒店好少參加會員日套房優惠，今次價錢Studio Suite $1,550起+10%、Superior Suite $1,850起+10%，另外，香港麗思卡爾頓首次推出Carlton Suite會員日套房優惠$10,000起+10%及總統套房級數The Ritz-Carlton Suite $49,999起+10%咋！各位套房控唔係唔搶呀！？住完去谷分享無價！

海景嘉福洲際酒店 - 「綻放美麗光彩」住宿計劃、阿拉斯加帝王蟹用海鮮晚宴包3餐住快宿快閃$1,595起(包服務費)、雙人自助早餐及SHISEIDO系列外攜下午茶【預訂日期：2021年4月7日至4月13日】

 

InterContinental Grand Stanford包三餐住宿優惠$1,595(包服務費)！今次優惠晚餐特別於Club InterContinental行政酒廊享用，包括阿拉斯加帝王蟹肉煙三文魚凱撒沙律、大蝦濃湯番茄意大利飯、Tiramisu及法國汽酒兩杯，除晚餐外住宿套票仲包含雙人自助早餐、SHISEIDO系列外攜下午茶、房內自訂語句汽球佈置及免費SHISEIDO禮品價值$220！今次優惠若果星期日至四入住仲可以享受超級延遲退房至晚上9時及房間升兩級至尊尚海景客房，另外套票包埋汽球佈置，千幾蚊就可以方便慶祝生日、慶祝周年、慶祝成為好醫生、BFF、認識60日等之各式自訂節慶。

香港康得思酒店 - 悠閒自助早午餐住宿計劃$1,234起+10%包含住宿一晚及兩位Brunch、住宿連自助早餐及自助午餐$1,199起+10%，透過阿迪哥預訂可免費享法國嬌蘭殿級蜂皇禮品兩份【入住日期：2021年4月7日至12日】

 

Cordis Hong Kong食Brunch住宿套票繼續encore！住宿套票連周末早午餐連任飲sparkling wine住宿套票推出過幾次都大受歡迎，無他嘅，有brunch食、有free flow、有得住埋都只係$1,234起+10%，今次都係期間限定於4月17或18日、5月1或2日入住；同時酒店亦推出住宿連自助早餐及自助午餐$1,199起+10%，可以食足兩餐自助餐，迪迪family預訂可以免費獲得法國嬌蘭殿級蜂皇禮品兩份價值$1,012，產品包括殿級蜂皇精華爽膚水及再生修護雙效眼精華試用裝、手部護理服務...等等！

香港夏利酒店 - 住宿連早餐快閃價格新低，每晚$880(已包服務費)並可延遲退房至下午3時【預訂日期：即日至2021年4月8日】

The Hari Hong Kong自上年12月開業以來一直被人評論為價錢不符合國情，今次快閃應該係最貼地一次，價錢$880(已包服務費)，包標準客房一晚、雙人早餐及延遲退房至下午3時，星期一至日同價！ 不過大家要留意標準房係冇浴缸嘅，呢家酒店要套房以上先至有浴缸，不過呢個價位都可以一試！

Hotel Preview：香港 - Hyatt Regency Hong Kong, Tsim Sha Tsui (香港尖沙咀凱悅酒店)

 

復活節長假期阿迪哥離家出走幾天，出走去邊？去咗凱悅尋找魚生飯，你冇睇錯！係Hyatt喔~AE累積簽賬滿$2,400有$720現金回贈真係堅著數，同埋要嘗試吓其他集團先同大家有更多話題架嘛！完成review之前首先分享10張相片，去片！

香港沙田凱悅酒店 - 香港遊‧台灣味住宿優惠，包自助早餐及香港遊‧台灣味自助午餐$1,250起+10%、自助早餐及香港遊‧台灣味自助晚餐$1,500起+10%【入住日期：2021年4月10日至5月31日】

 

Hyatt Regency Hong Kong, Sha Tin推出「香港遊‧台灣味」主題自助午餐及自助晚餐，可以令想念台灣嘅各位朋友回味吓台灣地道美食，住宿套票保證入住海景客房，包自助早餐及香港遊‧台灣味自助午餐$1,250起+10%、自助早餐及香港遊‧台灣味自助晚餐$1,500起+10%，凡於4月10及11日、5月15及16日入住更可參加於酒店內舉行的「香港遊‧台灣味」市集及45分鐘的「檜⽊木器窗花杯墊 」DIY 工作坊，如果5月2日前用已成功登記嘅AE卡簽賬仲可以賺埋凱悅集團簽賬現金回贈！

酒店餐廳用餐報告：海景嘉福洲際酒店Theo Mistral by Theo Randall半自助午餐

响阿迪哥心目中半自助餐一定比自助餐吸引，因為阿迪哥本身雖然全身多肉、但食肉量卻不大，食自助餐食完冷盤、壽司、刺身、海鮮後，除非熱葷非常吸引、否則都可能要直接skip到去甜品，加上半自助餐可自選主菜、賣相相對較吸引，位於InterContinental Grand Stanford裡面嘅Theo Mistral by Theo Randall由英國名廚Theo Randall掌舵，單單講Theo Randall當年係Jamie Oliver師傅之一，食個故事都已經夠吸引。

IHG Rewards - 六家Six Senses度假酒店現已可使用積分兌換、洲際大使會員入住並可享受部分福利

 

近日好多外國網站發現有好多IHG酒店以積分兌換率分數飆升，阿迪哥簡單睇過對香港、台灣及澳門酒店暫時影響不大，不過本身IHG積分去年已經轉為浮動制，因此在毫無預警之下積分兌換率提升亦不足為奇， 呢類會員計劃若有賣分促銷若非即時有需要的話、切忌購買積分囤積。另外，期待已久(阿迪哥啫)部份Six Senses度假酒店終於可以使用IHG Rewards積分預訂喇！而且暫時睇落用積分訂都有亮點，希望疫情後可以清清啲IHG積分。另外，洲際大使會員入住可以享受部份福利。

香港W酒店 - Dine Whatever/Whenever住宿套票$2,097起+10%，包兩位早餐、$500 bliss spa消費額、客房包$1,500餐飲消費額、套房包$2,000餐飲消費額【入住日期：即日至2021年6月30日】

四月份期間限定：Dine Whatever/Whenever住宿套票餐飲消費額可以用於香港麗思卡爾頓酒店旗下餐廳

W Hong Kong嘅Dine Whatever/Whenever住宿套票入住日期已經延續至2021年6月30日，而响4月份入住期間限定餐飲消費額可以使用於香港麗思卡爾頓酒店内餐廳，即係可以用於米芝蓮食府天龍軒、Tosca及Ozone等餐廳，今次真係可以食埋個景！但要留意餐飲消費額整個入住只能改選擇用於其中一間酒店！

Accor Live Limitless - Accor Plus+ALL白金會員送贈保級晚數方案【註册日期：即日至2021年5月22日】

雅高响今年二月份推出過Accor Plus嘅ALL銀卡及金卡會員送晚數快速升級活動，不過白金會員就未能受惠，今次獨立推出專屬Accor Plus嘅白金會員送15晚方案，再配合今年保級雙倍晚數，簡單講即係住23晚保白金。

Marriott Bonvoy - 韓國新韓銀行推出萬豪旅享家VISA Signature聯營信用卡

嗱，講明先，呢篇文章係得個睇字，連韓國都有萬豪聯營信用卡喇，香港呢？半島嗰張AE冇附帶會員計劃福利及積分計劃唔算，至今香港一張酒店聯營信用卡都無，其實差不多3年前阿迪哥開始寫酒店blog，當其時除咗香港無一個page會講哂全球5大酒店集團會員常客計劃外，其實亦有一種私心，自己能夠出小小綿力，能令酒店常客計劃响香港越趨普遍及受到重視，從而希望終有一天銀行跟酒店集團合作推出聯營信用卡、令著重酒店嘅香港人受惠，希望呢篇文章相關人士有緣可以見到，畀佢哋知道香港係有呢個需求。講返呢張卡先，大家最想要嘅每年15晚Elite nights係無嘅，哈哈！但其他福利例如周年免費住宿、出卡送金會籍、每年消費指定金額升級白金會籍等都有，有興趣可以睇內文列出呢張卡嘅福利。

🔥 萬豪官方响Marriott Bonovy Insiders Facebook群組宣佈推出呢張信用卡，同時亦詢問群組成員萬豪聯營信用卡希望會擴展到下一個地方，大家不如一齊入去帖子留言"Hong Kong"，用群體念力令到香港市場受到重視👉(按此進入帖子)