Marriott Bonvoy - 韓國新韓銀行推出萬豪旅享家VISA Signature聯營信用卡

嗱，講明先，呢篇文章係得個睇字，連韓國都有萬豪聯營信用卡喇，香港呢？半島嗰張AE冇附帶會員計劃福利及積分計劃唔算，至今香港一張酒店聯營信用卡都無，其實差不多3年前阿迪哥開始寫酒店blog，當其時除咗香港無一個page會講哂全球5大酒店集團會員常客計劃外，其實亦有一種私心，自己能夠出小小綿力，能令酒店常客計劃响香港越趨普遍及受到重視，從而希望終有一天銀行跟酒店集團合作推出聯營信用卡、令著重酒店嘅香港人受惠，希望呢篇文章相關人士有緣可以見到，畀佢哋知道香港係有呢個需求。講返呢張卡先，大家最想要嘅每年15晚Elite nights係無嘅，哈哈！但其他福利例如周年免費住宿、出卡送金會籍、每年消費指定金額升級白金會籍等都有，有興趣可以睇內文列出呢張卡嘅福利。

🔥 萬豪官方响Marriott Bonovy Insiders Facebook群組宣佈推出呢張信用卡，同時亦詢問群組成員萬豪聯營信用卡希望會擴展到下一個地方，大家不如一齊入去帖子留言"Hong Kong"，用群體念力令到香港市場受到重視👉(按此進入帖子)

年費

● KRW 267,000 (約港幣$1,833)

周年禮物

● 免費住宿券一張 (上限35,000分)

免費尊貴會籍

● Marriott Bonvoy金卡

消費額獎勵

● 累積消費KRW 10,000,000 (約港幣$68,662) 獲享額外5,000分
● 累積消費KRW 20,000,000 (約港幣$137,323) 獲享額外10,000分
● 累積消費KRW 60,000,000 (約港幣$411,974) 可升為Marriott Bonvoy白金

消費類別累積Marriott Bonvoy積分

以下類別每累積KRW 1,000(約港幣$6.87)簽帳額可獲Marriott Bonvoy積分：

● 5分：全球萬豪集團酒店
● 3分：海外簽帳、航空公司、的士及咖啡店
● 1分：其他類別

新韓銀行萬豪旅享家VISA Signature聯營信用卡

分析

年費約港幣$1,833會送番一張35,000房券大慨可以叫做回本，而簽帳類別以萬豪集團酒店簽帳韓卡計番約港幣$1.37=1分、Bonvoy美卡就約港幣$1.29=1分，對比起差不多，而其他類別簽帳韓卡計番約港幣$6.87=1分、美卡就約港幣$3.88=1分，咁睇番香港嘅AE Explorer卡👉(按此) $3=1分香港真係唔差！持有聯營卡仲有一個好處，消費大戶每年消費$40幾萬可獲白金會籍、唔需要保級。

除咗美國及加拿大外，日本、阿聯酋及英國，而家連韓國都有Marriott Bonvoy聯營信用卡喇！如果有一天香港都推出，年費及福利跟韓卡相若，您會申請嗎？

👉 相關資料來自萬豪新聞中心

================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)