YMCA港青酒店 - 復活節假期快閃，價錢連服務費$1,388起，入住海景客房一晚、雙人復活節自助Brunch或復活節黃昏自助餐、自助早餐及迎賓果籃 ，每日款套餐各設有4個名額限量搶升級海景套房【預訂日期：2022年3月31日至4月4日】

 

復活節就快到，有一段時間冇推出限量搶套房優惠嘅The Salisbury - YMCA of Hong Kong推出復活節假期快閃，兩個優惠均入住海景客房連雙人自助早餐，另外包多一餐自助餐二選一：復活節自助Brunch或復活節黃昏自助餐，優惠涵蓋全部公眾假期日子，兩個優惠每日設限量各4個名額免費升級海景套房，即係每日合共8個名額！

香港瑰麗酒店 - 行政廊瑞閣住宿快閃，價錢連服務費$3,630起，免費升級入住海景客房及享用行政瑞閣禮遇【預訂日期：2022年3月31日至4月14日】

 

機~會~終~於~來~了！OMG！😍香港瑰麗酒店Rosewood Hong Kong推出行政廊瑞閣住宿快閃！可以入Lounge享受下午茶、晚間小食及早餐，今次優惠仲升級入住海景客房！價錢連服務費只係$3,630起，仲平過一年前！優惠可以預訂6月30日前入住，訂後啲日子可以博吓開番晚市堂食及博佢開番無邊際泳池，咁就可以將享受時間伸延到最長！

Accor Live Limitless - 雅高集團全球積分推廣活動，入住3次合共可賺取額外6,000積分【預訂日期：2022年3月29日至4月19日】

雅高集團再次推出Boost your points balance全球積分推廣活動，入住3次合共可賺取額外6,000分(但每次必需最少入住兩晚)、6,000分等值€120歐羅(約額外回血港幣$1,033)，冇玩開嘅大多數人當然你哋都會話遠離牙膏 ，最慘係有玩開想跑嘅都好難跑得郁，因為目前集團內响香港即使計埋將於2022年5月正式開業嘅The Silver Hong Kong - MGallery及宜必思香港中上環Ibis Hong Kong Central & Sheung Wan Hotel都係得番兩間酒店選擇。

香港港麗酒店 - A Peace Of Mind專案限時閃購，價錢每晚$1,700起+10%，入住豪華客房住宿一晚、雙人客房早餐或自助早餐、快閃期間預訂餐飲消費額提升至$1,000【預訂日期：即日至2022年4月3日】

 

香港港麗酒店 Conrad Hong Kong長賣長有嘅A Peace Of Mind住宿套票推出限時快閃，快閃期間預訂包含嘅餐飲消費額由原本嘅$700加碼至$1,000！呢個套票最特別係早餐可以選擇响客房內送餐或者食自助早餐，客房送餐可以選擇歐陸早餐、港式滋味、美式早餐或者最受歡迎嘅日式早餐。

Marriott Bonvoy - 萬豪旅享家2022年首階段積分浮動制正式實施後分析

 

萬豪浮動積分兌換住宿政策今日正式實施，講得浮動就當然有升、有跌，不過實情積分下降唔係代表真係好抵囉，阿迪哥分析一下香港及全球各地部分酒店政策實施前後嘅比較。

World Of Hyatt - 凱悅集團馬爾代夫新酒店：Alila Kothaifaru Maldives將於2022年4月開業，現已接受預訂

凱悅集團距離首家酒店於馬爾代夫開業已超過10年，今年終於迎來集團第二家酒店Alila Kothaifaru Maldives開業，酒店原定2020年開業、最終延遲到今年4月、即係下個月！剛剛已經開放4月14日及之後嘅日期預訂，每晚只需25,000分起！

Qatar Airways - 登記成為卡塔爾航空Privilege Club會員即時可賺取2,500 Avios【活動日期：即日至2022年3月31日】

卡塔爾航空公司係英航、西班牙國家航空等嘅母公司International Airlines Group (IAG) (👉按此)嘅最大股東，早前卡塔爾航空已將其飛行里數單位由Avios取代Qmiles，而只要响2022年3月31日註冊成為卡塔爾航空公司Privilege Club會員即時可賺取2,500 Avios，而賺取所得嘅Avios可以自由轉賬至自己名下嘅英航Executive Club賬號。

IHG Rewards - 特選會員積分兌換住宿8折優惠【預訂日期：即日至2022年4月5日】

 

IHG最愛玩定向，所以通常都是別人的事情，呢個積分預訂住宿8折活動原本優先畀持有美國Chase嘅酒店聯營卡會員專享，而家擴展到部分特選會員都有，折扣後例如積分預訂海景嘉福洲際酒店InterContinental Grand Stanford只需低至13,600分，約值$68美元(約港幣$533)，使用積分預訂連稅項及服務費都包埋，超抵呀！

Marriott Bonvoy - 溫馨提示：萬豪旅享家積分浮動制將於2022年3月29日實施，最後機會鎖定心儀酒店

 

講咗好耐嘅萬豪旅享家積分浮動制响後日美國時間2022年3月29日就會正式實施，由最初宣布時嘅驚心動魄、到最後萬豪列出只有全球218家酒店名單將會超出目前積分上限、而所有酒店亦只會响預設嘅積分範圍內浮動，所以至少响首階段、即係2022年之內並非災難，而响名單218家酒店內求其執番間目前屬於Category 8嘅酒店就一定賺，但當然一年內去唔去倒就係另一個課題，至於非on list嘅酒店、即使轉浮動後都唔會超出目前嘅旺季積分率，因此都無需急於鎖定，其實以積分兌換酒店住宿沒有絕對的抵，最簡單係將你心儀嘅酒店入住日期嘅積分價錢去比較當日嘅現金付費價，但係如果你懶到唔想去計，咁阿迪哥响呢篇文章再次列出幾家自己心儀全球積分兌換CP值超高嘅酒店畀各位參考吓啦！

Accor Live Limitless - 新加坡Swissôtel Merchant Court將於2022年4月離開雅高集團，將由Paradox Hotel Group接手管理

 

疫情前相信好多朋友都應該住過Swissôtel Merchant Court呢家位於新加坡Clarke Quay嘅酒店，由於酒店位於牛車水外圍、又座落Clarke Quay，位置已經贏哂，可惜酒店將於4月離開Accor、業主並委任Paradox Hotel Group管理。

香港文華東方酒店 - 🔥最後召集：進擊文華閣新低價，價錢連服務費$2,380起，升級入住文華閣海景客房、$1,000餐飲消費額、文華閣禮遇、一磅裝文華餅店蛋糕及平日長達24小時住宿體驗【預訂日期：2022年3月21日至3月27日】

提提大家早前推出嘅香港文華東方酒店，價錢$2,380起包海景客房連文華閣禮遇包入Lounge及$1,000餐飲消費額優惠最後兩天！ 優惠期只做到3月27日。

仲要留意埋另外一個同時包入住兩間客房嘅優惠都係勁抵！價錢連服務費$2,838起就包咗入住兩間市區景觀客房、$1,000餐飲消費額、4位早餐及每間房可以免費攜帶一隻10磅以下小狗入住，即係平均每間客房只需$1,419起咋！！！

香港尖沙咀凱悅酒店 - KKday快閃額外禮遇，包括保證客房升級至豪華客房、海景客房及延遲退房等【預訂日期：2022年3月25日至4月1日】

 

KKday推出香港尖沙咀凱悅酒店Hyatt Regency Hong Kong Tsim Sha Tsui限時快閃，突破手上沒有高階會籍嘅煩惱，入住尊享近似高階會員福利，包括保證客房升級至豪華客房、海景客房、延遲退房及免費早餐等，當中優惠譬如升級豪華客房連雙人早餐，價錢連服務費$888起、另加$828更可升級入住豪華套房包埋入Lounge；或者升級海景客房、雙人港式下午茶、自助早餐及延遲退房至下午3時，價錢連服務費$1,199起，所有優惠均可獲贈$200 K11 MUSEA指定商店現金券！

IHG Rewards - 特選會員積分活動：入住可賺取高達50,000獎勵積分【入住日期：2022年4月1日至5月17日】

 

IHG又有定向活動，特選會員响活動期間累積入住兩晚可賺取4,000奬勵積分、上限累積入住20晚最高可賺取共50,000分，阿迪哥就唔中，咁別人的洲際、睇下迪迪family有冇邊位咁好彩中獎啦！

香港半島酒店 - Spring Escapade Staycation快閃，價錢連服務費$4,928起，入住豪華客房一晚、雙人早餐及$1,000餐飲消費額，快閃期間可選擇升級高級海景套房或免費續住多一晚連雙人早餐【預訂日期：2022年3月25日至3月31日】

 

香港半島酒店The Peninsula Hong Kong罕有推出海景套房快閃！預訂Spring Escapade Staycation快閃同時可以二選一額外禮遇，包括保證升級至高級海景套房或免費續住多一晚連雙人早餐，套房控嘅您、你、妳就梗係揀訂海套啦！

另外，同時亦推出另外一個包三餐快閃優惠Savour More Staycation價錢連服務費只需$3,278起！

機票優惠 - 永安旅遊限時優惠，解除禁飛令指定地點機票每位減$200【預訂日期：即日至2022年4月30日】

 

香港特區政府宣布由2022年4月1日起解除9個指定國家前往香港禁飛令及香港居民返港檢疫酒店縮短至7晚，永安旅遊推出限時機票優惠碼，無論由香港出發前往、或者由指定地點返港的來回或單程機票一律每位減$200！優惠碼先用先得、額滿即止，指定目的地或出發地往來香港包括：美國、英國、澳洲、加拿大、法國及菲律賓，即係訂菲律賓姐姐機票都用得著！

Trip.com - 海外返港檢疫酒店即時預訂系統

 

雖然阿迪哥對於目前應否去旅行仍然存在疑慮，但的確係好多身邊朋友正在諗緊、又或者好多目前响海外嘅朋友之前因為9國熔斷返唔倒香港、而家需要搵檢疫酒店返嚟，雖然由2022年4月1日起酒店檢疫期最短要求只需7晚，但係又因為第五波令到海外返港檢疫酒店數量少咗，所以搵檢疫酒店仍然存在困難，如果大家都有呢方面需要，其實响Trip係可以一次過睇哂佢哋系統內所有香港檢疫酒店嘅房態及價錢、兼且可以作即時預訂，正因為佢哋本身有預留allotments，所以即使已向某酒店直接查詢過答你冇房、响Trip嘅系統都有機會訂倒，詳情請閱讀內文。

九龍海逸君綽酒店 - 外賣自取：京式片皮鴨套餐，價錢連服務費每隻$160起【領取日期：2022年3月26日至4月30日】

 

【#兩餸飯救星】五星級酒店出品外賣自取京式片皮鴨套餐$160起超平呀！九龍海逸君綽酒店 Harbour Grand Kowloon嘅海雲天出品，每隻京式片皮鴨快閃價只係$160起！！！原價每隻$428㗎！一鴨兩食只係加$40！如果近排食開兩餸飯不妨斥資多一百幾十轉轉口味！

香港四季酒店 - 突發！加咗房量：行政酒廊禮遇優惠升級海景套房，價錢連服務費$4,161起，入住全新海景套房、$1,000餐飲消費額及行政酒廊待遇【入住日期：2022年3月23日至4月20日】

香港四季酒店Four Seasons Hotel Hong Kong價錢連服務費$4,161起，包入Lounge (下午茶及早餐)、再包$1,000餐飲消費額、入住海景套房嘅優惠啱啱加咗房間數量，而且原本只做三月份、而家就可以訂到4月20月前入住，房量只得好少、要快手喇！

香港美利酒店 - 包3餐快閃食和牛，價錢連服務費$2,772起，包住宿一晚、雙人早餐、下午茶、和牛/海陸滋味三道菜晚餐、免費攜帶一隻寵物入住及免費泊車，首10個名額免費升級Explorer Suite套房【預訂日期：2022年3月22日至4月7日】

 

香港美利酒店 The Murry, Hong Kong啲Staycation最抵玩係已經免費包咗攜帶一隻寵物入住及免費泊車，今次晚餐亮點係有和牛揀，首10個名額3月及4月份星期日至五入住仲可以限量搶免費升級入住Explorer Suite套房！不過如果搶唔到套房，星期日至五入住其實房間都會升兩級！使用大新信用卡付款再減$300架！

IHG Rewards - 會員制度改革實施日期延遲推出

 

今年一月份洲際集團宣布IHG Rewards將會响三月份、即係今個月進行改革👉(按此)，但最近就宣布實施日期將會延後數月，目前並未有實際推出日期。

雅格酒店 - 限時快閃最後兩天，價錢$618起+10%，升級入住海景客房及雙人早餐【預訂日期：即日至2022年3月20日】

 

舊年開業位於黃竹坑嘅新酒店雅格酒店The Arca，今次優惠價錢$618起+10%，升級入住海景特大雙人床客房及雙人早餐，平常呢啲價位只做冬季及短期兩個月內入住，但今次入住日期可以訂至6月29日，可以考慮襯低吸納搏搏佢泳池重開！即使搏輸咗都有間海景房hea吓。

香港帝逸酒店 - 快閃優惠只限3天，價錢$762起+10%，入住標準雙床房、雙人早餐、4小時單車及免費迷你吧【預訂日期：2022年3月18日至3月20日】

 

呢期啲酒店咁貴香港帝逸酒店Alva Hotel by Royal仲有呢口價都算佛系，仲包埋大眾踩單車郊野上、雙人早餐及免費迷你吧，可以訂到六月份。

香港四季酒店 - 行政酒廊禮遇優惠，價錢連服務費$3,520起，入住全新豪華山景或海景客房、$1,000餐飲消費額及行政酒廊待遇【入住日期：2022年3月17日至4月30日】

琴日KKday率先推出嘅香港四季酒店Four Seasons Hotel Hong Kong行政酒廊禮遇優惠如果使用大新信用卡付款勁減$300、今日Klook緊隨其後推出獨家免費升級全新豪華海景客房，想要房間升級或者最低成本任你揀！價錢包括入住全新豪華客房，可選擇山景或海景、包入Executive Lounge享用雙人下午茶及早餐，另外更包埋$1,000餐飲消費額可使用於The Lounge、Room Service或Argo。

World Of Hyatt - 凱悅集團全球參與酒店75折促銷優惠【預訂日期：2022年3月15日至3月22日】

 

凱悅酒店集團全球75折促銷一連8天今日正式開始，由於恆常嘅會員優惠價本身都有78折至79折，所以兩者比較今次嘅Private Sale都平小小嘅，不過就唔好諗住會有好大驚喜， 預訂今次嘅優惠入住期間兼享餐飲折扣優惠，香港君悅酒店、香港維港凱悅尚萃酒店及香港尖沙咀凱悅酒店餐飲9折；香港沙田凱悅酒店餐飲85折。

香港港麗酒店，KKday快閃價錢連服務費$2,300起，入住豪華半海景客房一晚、雙人懷歐敍法式四道菜晚餐及雙人早餐，星期一至五入住限量每日一個名額減至$2,100連服務費，使用大新信用卡付款再減$300【預訂日期：2022年3月14日至3月23日】

 

今次香港港麗酒店Conrad Hong Kong包早、晚兩餐快閃真係好抵！本身已經升級入住豪華半海景客房，如果星期一至五入住限量每日一個名額減$200、使用大新信用卡付款再減$300就抵上加抵，計番條數連埋服務費低至$1,800就可以享受半海景客房、法式晚餐，包括有輕煎法國鴨肝、洋蔥忌廉湯、慢煮和牛臉頰等及雙人早餐！

Hotel Ukraine Chernihiv - 烏克蘭歷史酒店一夜之間被俄軍襲擊中摧毀

 

阿迪哥唔係講國際新聞，而係講緊一家位於烏克蘭城市切爾尼戈夫(Chernihiv)歷史性酒店Hotel Ukraine Chernihiv在上星期五3月11日一夜間被俄羅斯軍隊一次攻襲中摧毀。

Hilton Honors - 希爾頓又再一次毫無預警地將積分貶值，提升部份高階酒店積分上限

 

本身希爾頓係酒店界令積分貶值嘅始作俑者，實施彈性積分後IHG幾年後跟、然後萬豪今年又跟，希爾頓積分換房雖則係浮動，但每家酒店都有上限，但最近有部份高階酒店嘅積分上限無預警地提升！

World Of Hyatt - 溫馨提示：凱悅世界2022年Q1 Bonus Journeys全球積分活動，累積兩晚合資格住宿可賺取2,022獎勵積分【活動日期：2022年1月15日至4月20日】

 

Hyatt Q1積分活動雖然玩到4月20日，但註冊限期至到2022年3月15日，如果仲未註冊就記住註冊，即使未有計劃入住都註冊咗先啦，响現今瘋狂嘅香港今日都唔知聽日事！

香港文華東方酒店 - 套房快閃優惠2.0，價錢連服務費$2,980起，入住標準套房一晚、$1,000餐飲消費額、文華閣禮遇及平日入住可享24小時彈性入住時間，只需加$500入住皇后像廣場景觀套房【預訂日期：2022年3月11日至3月20日】

 

今次香港文華東方酒店Mandarin Oriental Hong Kong套房優惠推出兩次被掃清！第二次再加推房量！咁嘅價錢除咗包咗$1,000餐飲消費額外、仲包含文華閣禮遇，包括雙人早餐、下午茶及黃昏雞尾酒！今次加推只需加$500就可以入住有橢圓形浴缸嘅皇后像廣場景觀套房！4月20日前入住仲會送文華餅店一磅裝蛋糕！！！使用大新信用卡付款前輸入指定優惠碼仲可以再減多$300！

奕居 - 限量搶海景海景套房！價錢連服務費$3,035起，包雙人早餐、$1,000客房餐飲消費額及免費Maxi-Bar【預訂日期：2022年3月10日至3月19日】

 

係海景套房！係The Upper House奕居海景套房！今次價錢仲劈到$3,035起連服務費就有得限量搶海景套房！價錢平咗但同之前一樣包咗$1,000客房餐飲消費額及兩位早餐！只限20個名額咋！免費升級海景套房日子為五月至八月份，而家係趁低吸納時機！

香港維港凱悅尚萃酒店 - Long Term Stay長期住宿優惠，每晚$560起+10%【辦理入住日期：2022年4月1日至7月31日】

 

萬豪保級相信大家都已經有一定計劃、又或者都已經保得七七八八，係時候要計劃吓保凱悅，Globalist保級一年60晚，其實就唔急嘅，不過價錢不等人，香港維港凱悅尚萃酒店 Hyatt Centric Victoria Harbour呢個長期住宿優惠每晚只需$560起+10%，只需要連續入住7晚，三月份已經加咗價喇，因為可以入住前兩日免費取消，所以建議各位鎖定四月份之後嘅預訂先啦！

香港萬麗海景酒店 - 長期住宿優惠Long Term Stay Offer，每晚價錢$633+10%【完成入住日期：即日至2022年5月31日】

 

萬豪旅享家Q1雙倍晚數全球推廣活動進行得如火如荼，萬豪响香港嘅酒店選擇少咗、如果你仲未諗掂今年點樣保級嘅話可以諗諗香港萬麗海景酒店Renaissance Hong Kong Harbour View嘅長期住宿優惠，最少需要連續入住30晚，平均每晚只需$633起+10%！

Marriott Bonvoy - 萬豪紛享會員日2022年3月份優惠【預訂日期：2022年3月8日至3月10日】

話咁快又一個月，又到萬豪紛享會員日，今個月會員優惠預訂指定套票尊享雙人免費早餐及迎賓香檳，指定酒店更會額外送迎賓果盤或餐飲消費額，喂呀！我知你地會講乜，雖然而家人人白金、本身有免費早餐，但係銀卡、白板都係會員呀！

香港東涌世茂喜來登酒店 - Sumptuous Suite Retreat住宿套票，價錢$3,088起+10%，入住套房一晚、雙人套房內享用4道菜晚餐、套房內享用4道菜午餐及享用行政酒廊禮遇【入住日期：2022年3月8日至4月30日】

 

香港東涌世茂喜來登酒店 Sheraton Hong Kong Tung Chung終於推出新Package，今次主要係入住套房包三餐及行政酒廊，重點係最高階全酒店只有一間、令各位套房控廢寢忘餐、朝思暮想嘅Sheraton Suite終於都有開放預訂！$6,488起+10%入住最頂級套房、連埋Happy Hour即係包4餐仲唔係跑大使恩物？

Accor Live Limitless - 雅高集團香港新酒店明怡美憬閣精選酒店(AKI Hong Kong - MGallery)正式接受客房預訂，最低房價由$748起+10%、Accor Plus會員優惠房價$674起+10%

 

雅高住於東涌嘅新酒店香港銀樾美憬閣酒店The Silveri Hong Kong - MGallery終於在日前正式試業，而另外一家同品牌位於灣仔嘅明怡美憬閣精選酒店AKI Hong Kong - MGallery預訂於今年下半年開業，目前已經接受2022年9月1日起嘅客房預訂！

酒店入住報告：香港銀樾美憬閣酒店 (The Silveri Hong Kong - MGallery)

 

香港銀樾美憬閣酒店是本港期待已久雅高集團一直所欠缺嘅較高階酒店，雖然MGallery品牌未至於被列入奢華級，但比起香港同集團其他幾家酒店已經算是最頂級的一家，酒店位於東涌東薈城，最特色是部分房間內設置室外露台和私人露天按摩浴池，甚至更有私人小泳池套房，經過多番延期最終於2022年3月1日以soft opening型式試業。

酒店報告 (預告篇)：香港銀樾美憬閣酒店 (The Silveri Hong Kong - MGallery)

 

A Long & Lasting Love等到天荒地老，等咗一年幾時間The Silveri Hong Kong - MGallery終於响2022年3月1日試業，阿迪哥用咗超過一年時間預訂開業首日入住，期間不斷延期及被取消預訂、所預訂嘅房型不能提供等，即使與最初計劃預期有所落差，但最終還是能夠在試業日開箱，完整入住報告會盡快完成，先分享10張精選相片！