早幾個月去過海景嘉福洲際酒店InterContinental Grand Stanford嘅Café on M試過佢哋嘅自助晚餐、迪迪同埋友人不約而同都覺得不錯，最近入秋蟹季當造、自助晚餐主題轉咗做「蟹之盛宴」，有幸地酒店邀請迪迪率先去試食。
如果各位有興趣重溫上次嘅用餐報告，可以(👉按此)閱讀。
沙律
除自製沙律外、其餘4款沙律跟幾個月前完全改頭換面，重點當然以今次主角「蟹」為主要食材嘅兩款沙律：泰式蟹肉柚子沙律及酒店重點推介嘅蟹肉千島蜆殼意粉沙律，前者清新可口、加入大量乾洋蔥更刺激味蕾，但因為迪迪唔食千島醬，因此就跟後者嘅重點推介項目無緣，另外嘅兩款沙律係吞拿魚尼斯沙律及阿迪哥覺得非常有創意嘅鹹酸菜素雞青瓜沙律。
 |
| 自助餐沙律部份 |
凍肉及麵包
凍肉一共有三款，當中包括巴馬火腿，與及凍肉旁邊嘅麵包迪迪無能為力，完全冇試過。
 |
| 各式凍肉及麵包 |
壽司及刺身
刺身跟幾個月前大致相同，一樣都有新鮮肥美嘅北海道帶子，另外仲有三文魚、劍魚、吞拿魚、八爪魚及鯛魚。
 |
| 刺身櫃 |
 |
| 北海道帶子刺身好肥美 |
除咗雜錦壽司之外，今次另一重點係酥炸軟殼蟹牛油果卷，食自助餐少見有炸軟殼蟹卷物，軟殼蟹炸得非常香脆，必試！
 |
| 雜錦壽司 |
 |
| 炸軟殼蟹牛油果卷及太卷壽司 |
壽司除軟殼蟹卷之外、阿迪哥覺得三文魚壽司都好吸引，三文魚除色澤光鮮外、魚油脂肪分明，賣相滿分，而且味道比起好多連鎖迴轉壽司專門店更勝一籌！
 |
| 三文魚壽司賣相非常吸引 |
凍海鮮
之前自助晚餐不提供生蠔，但酒店意見收到了，轉新主題後每位可以享受三隻新鮮即開生蠔，當日提供嘅係可愛爾蘭生蠔，肉質比較瘦、不過就有滿滿海水鮮味。
 |
| 愛爾蘭生蠔 |
 |
| 每位客人獲發兩張卡，分別領取生蠔及大閘蟹連大閘蟹粉鴨肝鍋巴 |
 |
| 每位三隻即開生蠔 |
其他凍海鮮包括挪威煙三文魚、加拿大鱈場蟹腳、翡翠螺、凍熟蝦、凍熟蜆、藍青口、小龍蝦及麵包蟹，鱈場蟹腳新鮮肉嫩、麵包蟹多膏，不過熟蝦、凍熟蜆及藍青口比較細隻，熟蝦尚算爽甜。
 |
| 各式凍海鮮 |
 |
| 麵包蟹及鱈場蟹腳 |
熱葷
熱葷重點當然將目光放於蟹，海鮮焗釀蟹蓋、蒜香蟹肉意粉，仲有回本位泰式咖哩炒蟹！
 |
| 海鮮焗釀蟹蓋、炸蝦天婦羅 |
 |
| 蒜香蟹肉意粉 |
 |
| 泰式咖哩炒蟹 |
其他熱葷包括薑蔥蒸石斑、草菇扒時蔬、XO醬西芹炒蝦仁青口、櫻花蝦帶子炒飯、泰式豬頸肉、燒腩仔、香烤牛臀肉、燒菠蘿、芝士白汁焗時蔬、紅酒雜菜燴牛肉、香辣炸薯角、炸蝦天婦羅、蒜蓉薄餅、乳酪咖哩雞、扒紐西蘭羊架及青椒薯仔咖哩，阿迪哥只有空間試咗燒得香脆嘅泰式豬頸肉，其餘就實在無能為力、只能略過。
 |
| 薑蔥蒸石斑、草菇扒時蔬 |
 |
| XO醬西芹炒蝦仁青口、泰式咖哩炒蟹 |
 |
| 櫻花蝦帶子炒飯、泰式豬頸肉、燒腩仔 |
 |
| 香烤牛臀肉、燒菠蘿 |
 |
| 芝士白汁焗時蔬 |
 |
| 紅酒雜菜燴牛肉 |
 |
| 香辣炸薯角、海鮮焗釀蟹蓋、炸蝦天婦羅 |
 |
| 蒜蓉薄餅 |
 |
| 乳酪咖哩雞、扒紐西蘭羊架及青椒薯仔咖哩 |
每人會獲發一份清蒸大閘蟹一隻配大閘蟹粉鴨肝鍋巴一份，大閘蟹膏甘香豐滿，全晚最正、但係又超邪惡嘅大閘蟹粉鴨肝鍋巴，將大閘蟹濃郁嘅蟹膏放响煎香咗嘅鴨肝之上，連埋鍋巴一齊放入口感豐富，濃濃嘅蟹膏連埋鴨肝釋出嘅香油，真係大滿足，唯獨美中不足係鍋巴炸得唔夠脆、同埋每位只得一份！哭...
 |
| 清蒸大閘蟹 |
 |
| 每位一份大閘蟹連大閘蟹粉鴨肝鍋巴 |
 |
| 大閘蟹膏甘香豐滿 |
每晚準時7時30分都會提供限定的烤乳豬，只出一次，迪迪上次錯過咗，今次就補償番，乳豬好食嗎？睇相片就已經係答案...
 |
| 期間限定烤乳豬 |
現煮麵檔當晚主題越式牛肉粉，本來阿迪哥對麵檔無興趣，因為食麵咁飽點食？但係隔離枱真心推介，做咗阿迪哥都試咗一碗，食材可以自選，淨係牛嘅部位都有多款，牛肉片、牛腩、牛筋全部都超林、超入味，而且個湯底真係好越南味，絕對係非試不可！
 |
| 現煮麵檔 |
 |
| 現煮麵檔 - 越式牛肉粉 |
 |
| 越式牛肉粉 |
每晚中西湯各一，今次阿迪哥終於兩款都試齊哂，因為食自助餐嘅西湯若果係提供南瓜忌廉湯或者甘筍忌廉湯之類的話通常都會skip，不過今次係蟹柳粟米忌廉湯，迪迪偏愛粟米忌廉湯(I mean好飲嘅粟米忌廉湯啦...你明㗎啦)，今次真係絕無失望，好飲！而中湯係人參雞湯，人參味香濃，一樣都咁正！
 |
| 人參雞湯 |
 |
| 蟹柳粟米忌廉湯及人參雞湯 |
甜品
甜品真係要大推，各位必須留肚，阿迪哥就試唔哂全部甜品，只揀選咗自己喜歡食嘅班蘭沙翁、抹茶千層蛋糕、士多啤梨泡芙、抹茶蛋糕、紫薯撻、榛子忌廉蛋糕、桂花糕及伯爵茶朱古力撻，所有甜品都少甜，甜度適中。
 |
| 各式甜品 |
 |
| 各式甜品 |
 |
| 各式甜品 |
最後飽到連上次覺得非常非常非常好食嘅豆腐花同冇食到，因為仲要食埋好少見嘅西瓜士多啤梨味Häagen-Dazs雪糕。
 |
| 必食豆腐花！ |
 |
| 阿迪哥揀選咗自己喜歡食嘅班蘭沙翁、桂花糕、伯爵茶朱古力撻、抹茶千層蛋糕、士多啤梨泡芙、抹茶蛋糕、紫薯撻及榛子忌廉蛋糕 |
 |
| 有五款Häagen-Dazs杯裝雪糕選擇，仲包括比較罕見嘅西瓜士多啤梨味 |
大家千祈唔好錯過餐廳嘅招牌廚師即製意大利芝士蛋糕呀，因為响甜品區只放咗一塊宣傳牌，一不留神就會錯過！
 |
| 廚師即製意大利芝士蛋糕 |
 |
| 廚師即製意大利芝士蛋糕 |
 |
| 廚師即製意大利芝士蛋糕 |
 |
| 廚師即製意大利芝士蛋糕 |
最後要提下大家，為配合食蟹季節，除咗有任飲汽水及啤酒之外，大家千祈一定要試期間限定嘅薑茶，薑味濃郁、但不會過辣，甜度適中，比起好多水療中心做完Spa後所供應嘅薑茶更好喝！
 |
| 各式免費飲品 |
若果大家有興趣試試，目前透過官方網上商店預訂自助晚餐有75折，價錢如下(已包加一服務費)：
星期一至四
● 成人每位 HK$618.8 原價 HK$800.8
● 小童每位 HK$372.3 原價 HK$481.8
星期五至日
● 成人每位 HK$669.8 原價 HK$866.8
● 小童每位 HK$423.3 原價 HK$547.8
👉 按此進入官方網上商店預訂自助晚餐
大新或富邦或信用卡優惠
如果持有大新或富邦或信用卡，透過KKday預訂優惠更高， 大新信用卡預訂滿HK$1,800，輸入優惠碼「KKDAYDS350」即減HK$350、富邦信用卡預訂滿HK$1,500，輸入優惠碼「KKDAYFB300」即減HK$300，同時預訂4位更可獲贈葡萄酒一支。
👉 按此進入KKday預訂自助晚餐
若果有興趣住埋，即係食飽可以上房即瞓，預訂「味」力住宿之旅嘅Staycation仲抵，套票包括住宿一晚、雙人自助晚餐及雙人自助早餐，價錢HK$1,900起+10%。
👉 按此進入官方網上商店預訂「味」力住宿之旅住宿套票
最後要留意「蟹之盛宴」自助晚餐嘅供應期由即日起至2022年11月13日。
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言