酒店餐廳用餐報告：海景咖啡廊「貝類水產鮮味配」自助晚餐 (海景嘉福洲際酒店)

 

話說前文講到阿迪哥參加咗海景嘉福洲際酒店InterContinental Grand Stanford全新推出嘅「瀛」煮咖啡住宿計劃體驗，晚餐方面就响海景咖啡廊食自助晚餐，呢一篇就介紹番今次主題名為「貝類水產鮮味配」嘅自助晚餐。

好多時食自助餐迪迪都有兩個難題，第一個難題係有時啲餐廳嘅自助餐即使有好多食物、但往往都唔知想食乜好，因為完全唔吸引、揀唔落手，而第二個難題係自助餐出面嘅食物樣樣都好吸引、都唔知食邊樣先好，好幸運今次係後者！

沙律

薯仔沙律、龍蝦牛油果沙律、泰式沙律、意粉沙律及自製沙律吧，阿迪哥只係試咗泰式沙律，因為其實係迪迪最愛嘅泰式無骨鳳爪，好耐冇食、好滿足！

凍肉

凍肉有四款、包括有巴馬火腿，不過呢啲成日食，所以要留肚，pass！

壽司及刺身

刺身款式都幾多，分別有帶子、三文魚、八爪魚、吞拿魚、鯛魚、劍魚及甜蝦，而壽司都有多款，刺身方面最好食嘅當然係帶子、而甜蝦都幾新鮮，其他就唔算肥美。

凍海鮮

麵包蟹、藍青口、小龍蝦、凍蜆 、翡翠螺、凍熟蝦及鱈場蟹腳任食，而每人會分配一隻波士頓龍蝦，麵包蟹多膏、熟蝦新鮮爽脆、蟹腳新鮮、波士頓龍蝦合格，阿迪哥就一定唔會食小龍蝦嘅，迪迪認為凍海鮮最重要係醬汁，今次有泰式甜辣醬、傳統Cocktail Sauce及紅酒醋選擇，見到泰式甜辣醬經已加分，不過就略嫌辣咗啲。

熱葷

清蒸斑塊、辣椒膏炒青口、北海道鮮奶蛋白炒龍蝦、燒腩仔、北海道蟹肉可樂餅都係阿迪哥推介嘅食品，其他就唔夠肚冇試，另外仲有燉湯必試！

現場烹調區

現煮區有兩邊，其中一邊供應香蒜蜆肉意粉、芝士龍蝦伊麵及海南雞飯、而另一邊係麵檔，有清湯及喇沙，麵檔重點有鮮蝦及鮮牛肉！

甜品

甜品有多款，包括Häagen-Dazs杯裝雪糕，阿迪哥重點選擇幾款最吸引嘅甜品進攻，只食咗海景咖啡室招牌日式烤蕃薯焦糖燉蛋、雲呢拿千層蛋糕、豆腐花及Häagen-Dazs，因為其他甜品都吸引唔到迪迪，日式烤蕃薯焦糖燉蛋，蛋味非常香濃、再帶點蕃薯香氣，阿迪哥食咗3碗，而跟朋友一致認為最好食嘅甜品竟然係豆腐花！ 除咗豆味香濃而且質感軟硬適中，另外朋友話桂花糕都好好味。

總括嚟講海景咖啡廊自助晚餐跟朋友一致認為有驚喜，記得Terry隊長講過，預訂海景嘉福洲際酒店自助餐住宿套票唔好揀宴會廳、記住一定要揀海景咖啡廊！

不過公平啲講，如果你問呢個自助晚餐有乜嘢欠缺，咁佢無提供生蠔及鵝肝可能就係美中不足，另外如果需要狂食龍蝦嘅朋友可能會覺得每人分配一隻唔夠喉，不過坐定定每人安排一隻唔洗出去搶咪仲好，以幾點對於阿迪哥就冇乜影響，反正世間上美食何其多、不需要執著一兩樣。

👉 按此進入酒店官網查閱(👉自助晚餐)及(👉自助午餐)優惠價錢及預訂

若果有打算玩埋Staycation，咁可以考慮 「味」力住宿之旅👉(按此)住宿套票都可以選擇自助晚餐，價錢由$2,098起+10%，費用包含尊尚客房住宿一晚、雙人海景咖啡廊自助晚餐及自助早餐。

如果想重溫返阿迪哥嘅「瀛」煮咖啡住宿計劃體驗，詳情👉(按此)。

👉 按此進入酒店官網預訂「瀛」煮咖啡住宿計劃

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)