香港康得思酒店 - 尊尚貴賓住宿禮遇及悠然住宿連早餐快閃，透過阿迪哥預訂免費額外獲贈價值HK$1,340 Skinceuticals皇牌抗氧緊緻護膚體驗套裝 1份【預訂日期：2022年11月30日至12月6日】

 

訂房睇波梗係香港康得思酒店 Cordis Hong Kong！位於旺角做乜都方便，今個星期三快閃推出連雙人自助早餐，價錢每晚HK$999起+10%，若果想入埋Lounge享用貴賓禮遇，包括雙人下午茶及黃昏雞尾酒及自助早餐只係貴多少少，貴賓客房每晚HK$1,199起+10%，今次迪迪family預訂免費額外獲贈 Skinceuticals皇牌抗氧緊緻護膚體驗套裝 1份，套裝内容：舒緩保濕霧感精華水、濃縮維他命C E FERULIC精華、H.A.塑顏飽滿緊緻精華、三重滋潤緊緻修復霜 、經典化妝袋！

溫提：「賞你住」再度登場 - 於合資格實體零售或實體餐飲商戶消費滿港幣$800，即可享港幣$500本地酒店住宿折扣優惠【預訂日期：2022年11月29日至2023年2月26日】

最新一輪「賞你住」今日11月29日上午11:00開放預訂，全港合共160家酒店史上最多！每家酒店預訂方式及建議住宿套票詳見內文並按入活動主頁。

IHG One Rewards - Cyber Monday限時優惠：每累積入住兩晚可賺取10,000獎勵積分【預訂日期：2022年11月28日至11月29日】

 

IHG推出限時優惠，預訂酒店日期只限兩日，活動期間內每累積兩晚付費住宿可以賺取10,000獎勵積分，兼且可以叠加Q4全球積分活動，變相平均每晚可以賺取高達7,500分，不過如果之前已經預訂咗住宿尚未入住、想享受今次優惠就必須取消再訂。

World Of Hyatt - 優惠最後2天：購買凱悅積分促銷可獲額外25%獎勵【優惠日期：2022年10月24日至11月28日】

可能係今年最後一次凱悅購買積分優惠？最後兩日喇，11月28日優惠就會完結。

凱悅天地最新購買積分優惠活動，購買5,000分或以上可獲25%額外獎勵，雖然今次比起今年幾次賣分促銷活動平均買入價高咗，不過若果有需要即時使用積分去預訂一啲高CP值酒店緊急用仍然可以考慮入手，大前題係最緊要計啱買分成本價係遠抵於當日現金入住總價就可deal。

Accor Live Limitless - 銀行積分兌換雅高心悅界積分限時50%額外獎勵【優惠日期：即日起至2022年12月22日】

呢個優惠超抵，其實當匯豐EveryMile推出時阿迪哥已經寫過呢張信用卡所賺取嘅獎賞錢最大亮點係用來兌換雅高積分，由於雅高積分預訂酒店時當錢洗，計番基本個比率EveryMile兌換Accor等同超過3%現金回贈，而且今次亦等於換到額外50%飛行里數，阿聯酋頭等不是夢！你唔鍾意ibis、Novotel、Mercure唔緊要，但阿迪哥就已經FF緊Raffles同Banyan Tree！

IHG One Rewards - 入住新開業酒店雙倍積分包價

IHG推出新開業酒店雙倍積分價錢，涵蓋地區包括東南亞、日本、韓國及澳紐。

香港沙田凱悅酒店 - 套房快閃，價錢連服務費HK$2,988起，連續入住兩晚山景套房連嘉賓軒酒廊禮遇【預訂日期：2022年11月24日至11月29日】

香港沙田凱悅酒店 Hyatt Regency Hong Kong Sha Tin 同時推出兩個特色房型快閃，山景套房適合連續入住兩晚，兩晚價錢連服務費HK$2,988起，即係平均每晚HK$1,494起，包埋兩位入Lounge，服務包括黃昏雞尾酒及早餐。

另一款房型係房內包含一間大床房加一間雙床房嘅海景行政雙套房，包咗兩大一小自助早餐，價錢連服務費HK$2,088起。

港青YMCA - KKday 8周年快閃：限量搶海景套房包食，價錢連服務費HK$888起【預訂日期：2022年11月23日至11月28日】

 

KKday 8周年優惠，The Salisbury - YMCA of Hong Kong分別有HK$888、HK$999及HK$1,888全部包食，限量搶海景套房！埋嚟睇埋嚟揀！

香港康得思酒店 - 住宿連自助餐快閃，住宿連自助晚餐及早餐每晚HK$1,699起+10%、住宿連自助午餐及早餐每晚HK$1,499起+10%，透過阿迪哥預訂額外獲贈Melvita禮品【預訂日期：2022年11月23日至11月29日】

 

香港康得思酒店 Cordis, Hong Kong 一星期一次嘅快閃又到！今次目標係自助餐控！住宿計劃包括兩餐自助餐，凡經迪迪預訂可以額外獲贈Melvita禮品 (價值HK$212元)！唔洗飲紅酒！

IHG One Rewards - 下載IHG手機應用程式可賺取1,000奬勵積分【活動日期：2022年11月22日至12月2日】

 

如果未曾下載過IHG手機應用程式嘅IHG One Rewards會員今次大好機會，只需下載及登入就可以無條件賺取1,000奬勵積分！

海景嘉福洲際酒店 - 「榴槤飄香」美食之旅，每晚HK$2,480起+10%，入住尊尚半海景客房一晚、雙人榴槤主題自助晚餐及自助早餐【入住日期：2022年11月28日至12月8日】

 

海景嘉福洲際酒店 InterContinental Grand Stanford 推出期間限定榴槤主題自助晚餐，只限十幾日！一系列馬來西亞精選榴槤美食包括榴槤壽司、中式榴槤燉雞湯、香脆炸榴槤、榴槤四重芝士薄餅、泰式榴槤雞肉咖喱、泰式香葉肉碎榴槤薯蓉批、榴蓮泡芙、榴蓮朱古力撻、榴蓮莎翁、榴槤班戟、免費無限暢飲汽水及啤酒！自助晚餐每位HK$728起+10%，KKday限量搶低至7折，折扣後連服務費每位低至HK$583、而酒店網上商店預訂高達75折、折扣後連服務費每位HK$618.8起，另外亦可以訂住宿套餐包兩餐自助餐，咁食飽就可以即瞓！

香港美麗華酒店 - 普通房連雙人早餐快閃，價錢連服務費HK$888起，城景客房連雙人早餐快閃，價錢連服務費HK$988起，指定日期限量搶城景客房價錢加HK$8升級至Mira套房70【預訂日期：2022年11月22日至11月28日】

 

香港美麗華酒店 Mira Hong Kong 推出新一輪快閃，只需加HK$8有套房搶！今次優惠可獲贈Clarins皇牌修護產品套裝，價值HK$216！

阿迪哥舉辦活動：酒店常客計劃快速入門分享聚會【舉行日期：2022年12月4日及12月11日】

 

防疫措施鬆綁，阿迪哥首次舉辦酒店常客計劃快速入門分享聚會，入門班適合酒店常客計劃新手參加，若果對酒店常客計劃有興趣、但日常事務繁忙沒空細心研究各大酒店集團優點及缺點，新手煩惱究竟如何入手酒店常客計劃、如何配合旅遊計劃、如何善用酒店積分等問題，阿迪哥會在接近4小時聚會中跟參加者分享及討論五大主流酒店集團常客計劃的福利、優點與缺點，亦同時設有自由發問問題時間，可即時解決疑難，快速入門分享聚會以小組型式進行，每組人數有限，報名以先到先得型式及收到付款後確認。

香港君悅酒店 - 君悅套房快閃，價錢連服務費HK$3,740起，入住君悅套房一晚連嘉賓軒禮遇、HK$1,200酒店消費額，生日或紀念日平日入住享禮遇【預訂日期：2022年11月21日至11月27日】

 

香港君悅酒店 Grand Hyatt Hong Kong 已經有一段時間無推出套房優惠，如果訂來慶祝啱哂，生日或紀念日星期一至四入住禮遇包括小蛋糕及房間佈置，優惠包括嘉賓軒禮遇，可以全日雙人入Lounge飲香檳、享用下午茶、黃昏雞尾酒及早餐，仲有HK$1,200消費額用於餐飲或做Spa都得。

另外仲有幾個優惠升級海景客房、包兩餐及贈送外賣下午茶禮盒都可以考慮。

香港百樂酒店 - 「饌‧賞」計劃快閃，價錢連服務費HK$888起，保證升級入住首選客房一晚、房內雙人晚餐及精選氣泡酒一支【預訂日期：2022年11月20日至11月30日】

 

今時今日仲有啲咁嘅價包埋食、住，真係做乜都抵！香港百樂酒店 Park Hotel Hong Kong推出來個包食住快閃，價錢連服費HK$888起，「饌‧賞」計劃包升級入住首選客房連房內雙人晚餐及精選氣泡酒一支、而另外一個優惠「食+住」計劃則包括入住高級客房連HK$600餐飲消費額，後者亦有限量搶免費首選客房，香港百樂酒店客房新淨、質素真心唔差，咁嘅價位包埋食可以完美解決香港土地問題！即使冇Suite都有Sweet Sweet！👫👭👬💘💘💘

Hilton Honors - 希爾頓第2位賓客免費入住會員福利

 

希爾頓會員有一項其他酒店集團都無嘅獨有會員褔利，可能大家冇留意或者已經唔記得咗，因為响官網嘅會員福利列表都收埋咗，呢個福利就係第2位賓客免費入住，呢項福利尤其是响日本會大派用場。

World Of Hyatt - 凱悅天地Category 1酒店巡禮，每晚僅需3,500積分起

 

好多網友都問過去幾年儲落咗一定數量Hyatt積分，咁究竟點樣用至抵？阿迪哥嘅答案是肯定的，毫不猶豫地回答你最抵玩當然係用於價錢最高、最奢華嘅酒店嗰堆，價錢越貴每晚價錢HK$7,000以上嘅酒店使用積分就通常冇衰，不過每人使用積習慣唔同，始終手上積分有限，如果想慢慢搣，咁另外一個抵玩嘅積分兌換方法係兌換最低級別嘅Category 1酒店，Category 1類別酒店每晚只需低至3,500分起，阿迪哥內文將會介紹一啲大家比較大機會前往嘅地區Category 1酒店畀大家參考，當中仲包括全球唯一一間Category 1嘅Park Hyatt！不過若然閣下嘅世界旅遊版圖係World Of Japan的話，咁就連內文都唔洗按了。

港島海逸君綽酒店 - Foodcation一泊4食快閃，價錢連服務費HK$1,463起，升級入住豪華海景客房一晚、雙人自助午餐、下午小點、黃昏雞尾酒及自助早餐，限量搶首30個名額免費升級尊貴海景客房【預訂日期：2022年11月17日至11月26日】

 

其實港島海逸君綽酒店Harbour Grand Hong Kong呢個包四餐快閃時不時都會推出，不過今次價錢跌咗3百幾就梗係要通知大家，仲有限量30個名額有得搶圓形浴缸尊貴海景客房！如果唔想食自助午餐的話仲可以選擇升級享用生蠔、龍蝦、鴨肝自助晚餐、Le 188°四道菜午餐或晚餐或君綽軒鮑參翅肚晚膳套餐！

IHG One Rewards - 購買IHG積分促銷可獲額外100%獎勵【優惠日期：2022年11月16日至12月29日】

 

IHG史上最優惠嘅買分促銷100%獎勵，兼且透過優惠將全年購買積分上限由原本150,000分提升到250,000分，若果盡買即係共可獲得500,000積分，自從IHG積分兌換酒店轉為浮動制後，其實唔難搵到一啲購買積分奬勵後預訂嘅好deal，即使一啲港人旅遊熱門地點都有，例如東京、箱根、曼谷、芭提雅、華欣、蘇梅、布吉、蜆港、富國島、馬爾代夫，買分預訂抵玩例子真係通地都係！隨著大家重啟旅遊計劃購買IHG積分變得可以諗得過。

Marriott Bonvoy - 萬豪旅享家2023年Ambassador Elite會籍變更

 

萬豪旅享家最尊貴嘅大使尊貴會籍將會响2023年變得更尊貴，要成為或保持Ambassador Elite會員2023年全年稅前總消費額將會由US$20,000提升至US$23,000，而因疫情關係而暫停咗嘅大使尊屬個人服務專員在2023年年中將會重新投入服務。

Accor Live Limitless - 雅高心悅界會員入住全球旗下酒店賺取3倍積分(日航Mileage Bank會員獨家優惠)【入住日期：註冊日起至2023年1月31日】

 

雅高推出3倍積分活動，今次好罕有係無最低入住晚數限制，即係即使入住一晚都計，而本身呢個優惠只提供畀日航Mileage Bank會員，但係任何人都可以成為日航會員，所以就即係代表有心跳都可以享用！若果尚未係會員透過今次活動註冊成為雅高心悅界會員、在入住一次後更可額外賺取500分(價值€10歐羅，約HK$81)。

香港朗廷酒店 - 自助餐優惠：The Food Gallery蟹逅金秋自助晚餐，買2送1，平均每位連服務費HK$556起【預訂日期：2022年11月16日至11月22日】

 

又有抵食5百幾蚊一位嘅自助晚餐，The Langham Hong Kong香港朗廷酒店嘅The Food Gallery蟹逅金秋自助晚餐，蟹痴必試！精選時令螃蟹料理包括亞洲咖哩蟹﹑避風塘炒蟹﹑天婦羅軟殼蟹及清蒸螃蟹等！自助晚餐食足4小時！

明怡美憬閣精選酒店 - 住宿連早餐快閃，價錢連服務費HK$888起，入住高級城景客房一晚連TANGRAM半自助早餐，限量搶只需加HK$88升級至豪華日式榻榻米客房【預訂日期：2022年11月15日至11月22日】

 

AKI Hong Kong - MGallery 明怡美憬閣精選酒店推出抵玩住宿連早餐快閃優惠，入門價連服務費HK$888起，平日入住限量搶免費升級至高級客房、而重點在於星期日至四只需加HK$88入住豪華日式榻榻米客房！每日限量一個名額咋！

香港康得思酒店 - 11.11開關狂歡節快閃，價錢連服務費HK$1,188起，升級至貴賓全景客房連貴賓會禮遇，指定日子每日限量搶1個名額【預訂日期：2022年11月15日至11月21日】

 

又要搶喇！今次香港康得思酒店 Cordis Hong Kong貴賓客房快閃，價錢連服務費HK$1,188起，今次係搶有弧形窗嘅貴賓全景客房！每日限量一個名額，雙人賓禮遇包括下午茶、氣泡酒時段及自助早餐，星期一至四於「川」水療中心惠顧任何90分鐘或以上正價水療即享HK$300折扣。

Cathay Pacific - 國泰與Marriott Bonvoy展開合作升級，積分/里數互轉及入住萬豪集團酒店賺取亞洲萬里通里數

 

應該好多朋友今日會收到國泰一封電郵有關跟Marriott Bonvoy合作升級，包括積分/里數互轉及入住萬豪集團酒店賺取亞洲萬里通里數，驟眼看來好似好吸引，為免大家中伏阿迪哥出post分析一下。

荃灣西如心酒店 - 自助餐優惠：Café Circles自助餐買2送1或低至7折，自助午餐連服務費平均每位HK$321起、自助晚餐連服務費平均每位HK$431起【預訂日期：2022年11月14日至11月20日】

 

抵食自助餐快閃優惠！荃灣西如心酒店 Nina Hotel Tsuen Wan West 自助餐買2送1或低至7折，自助午餐低至每位平均HK$321，精選美食包括冰鎮小龍蝦、凍蝦、焗蠔、即切燒牛肉，最抵應該係自助晚餐抵扣後唔洗五佰，每位低至HK$431！精選美食包括冰鎮海鮮、即燒帶子、鴨肝、海膽刺身飯。

海景嘉福洲際酒店 - 親子主題房快閃，宇宙之旅主題尊尚客房連小童生日禮遇，價錢連服務費每晚HK$977起，另加HK$288包3大或2大2小自助早餐及迎賓玩具【預訂日期：2022年11月13日至11月20日】

 

海景嘉福洲際酒店 InterContinental Grand Stanford Hong Kong 抵玩親子主題房，最適合同小朋友慶祝生日，「宇宙之旅」主題房價錢連服務費每晚只需HK$977起，另加HK$288更可額外選擇入住「海洋探險」或「恐龍世界」主題房並包3大或2大2小自助早餐及迎賓玩具！

World Of Hyatt - 登記溫提：凱悅天地會員2022年Q4 Bonus Journeys全球積分推廣活動，入住享雙倍積分及入住全包式度假酒店賺取雙倍晚數【入住日期：2022年9月15日至12月20日】

好多後生仔都需要長輩提點，阿迪叔叔搵提大家凱悅Q4積分活動雖然玩到2022年12月20日、不過必須11月15日前登記，即使暫時未有計劃入住、未登記都登記咗先啦！

置地文華東方酒店 - 快閃優惠，價錢連服務費HK$4,290起，包括住宿一晚、雙人早餐、MO Bar雙人三道菜晚餐、HK$1,000酒店消費額及免費泊車【預訂日期：2022年11月12日至11月22日】

 

頂級奢華置地文華東方酒店 Landmark Mandarin Oriental，快閃價錢連服務費HK$4,290起，包早、晚兩餐另加HK$1,000酒店消費額算係咁啦！今次仲有免費泊車！！！消費額唔單止可以用於餐飲，如果兩餐夠飽咁消費額用來做Spa都得！

香港君悅酒店 - 11.11開關狂歡節快閃，價錢連服務費HK$2,222起，升級入住豪華海景客房、雙人自助早餐、HK$622酒店消費額及平日獲享24小時住宿【預訂日期：2022年11月12日至11月16日】

 

香港君悅酒店Grand Hyatt Hong Kong呢口價抵玩！價錢平過官網淨房之餘仲保證入住海景客房、多埋雙人自助早餐及HK$622酒店消費額，抵到絶！

若果唔需要一定入住海景客房，另外仲有一個包入Lounge嘅優惠價錢連服務費HK$2,580起，入住豪華客房一晚包雙人嘉賓軒禮遇(包括下午茶、黃昏雞尾酒及早餐)及另加HK$800酒店消費額！

Marriott Bonvoy - 萬豪集團即將推出另一新品牌Apartments by Marriott Bonvoy

 

萬豪集團宣布擴展公寓式住宿，並會推出全新品牌Apartments by Marriott Bonvoy，萬豪主力抓住家庭及朋友出遊日益增長的消費客群，這類住客均希望尋求更大的住宿空間。

香港康得思酒店 - Alibi醉人美食時光住宿快閃優惠：每晚HK$1,288起+10%，包住宿一晚、雙人自助早餐及Alibi- Wine Dine Be Social 享用雙人四道菜商務午餐或特色晚餐，透過阿迪哥預訂可額外獲贈Melvita精美禮品一份【預訂日期：即日起至2022年11月15日】

 

因版主有事，今個星期三已改為星期四，香港康得思酒店Cordis Hong Kong推出包兩餐快閃套票，除咗自助早餐外，另一餐可以選擇Alibi- Wine Dine Be Social 享用雙人四道菜商務午餐或特色晚餐，雖然價錢只需HK$1,288起+10%，但係預訂貴賓客房只需HK$1,588起+10%，預訂貴賓客房可以入埋Lounge享用下午茶及黃昏雞尾酒，今次迪迪family預訂可額外獲贈Melvita精美禮品一份，包括有機粉紅胡椒緊緻塑身油(15毫升)兩枝、有機野玫瑰保濕淨膚油及有機野玫瑰復活保濕面霜試用裝各兩包，以及獨家購物禮遇港幣50元折扣券乙張！

IHG One Rewards - 東南亞、馬爾代夫、南韓及大中華地區酒店雙11快閃，會員優惠高達55折【預訂日期：2022年11月10日至11月12日】

 

IHG推出雙11快閃，只限3天高達65折，但會員額外多10%折扣，即係55折，優惠地點包括東南亞、馬爾代夫、南韓及大中華地區，不過今次日本無份，阿迪哥舉幾個熱門地點例子，曼谷翻身完嘅 InterContinental Bangkok每晚稅前THB4,388起(約HK$934起)、位置好好嘅曼谷Holiday Inn Express Bangkok Siam每晚稅前THB1,584起(約HK$337起)、芭提雅InterContinental Pattaya Resort 每晚稅前THB3,776起(約HK$803起)、Holiday Inn Express Pattaya Central 每晚稅前THB975起(約HK$207起)、華欣InterContinental Hua Him Resort每晚稅前THB3,496起(約HK$744起)、布吉Hotel Indigo Phuket Patong 每晚稅前THB3,600起(約HK$766起)、越南富國島InterContinental Phu Quoc Long Beach Resort 每晚稅前US$129起(約HK$1,013起)、Regent Phu Quoc 每晚稅前US$243起(約HK$1,908起)、香港 InterContinental Grand Stanford Hong Kong HK$731起+10%、Hotel Indigo Hong Kong Island HK$743起+10%、峇里 Hotel Indigo Bali Seminyak Beach 每晚稅前US$132起(約HK$1,037起)、首爾InterContinental Seoul COEX 每晚稅前KRW175,500起(約HK$1,004起)、馬爾代夫InterContinental Maldives Maamunagau Resort 每晚稅前US$825起(約HK$6,476起)、如果想平平哋去下馬爾代夫可以考慮Holiday Inn Kandooma Maldives 每晚稅前US$170起(約HK$1,335起)，而且呢家酒店嘅來回入島快艇費都相對比較平，成人US$229、小童US$139。

香港朗廷酒店 - 朗廷會禮遇快閃優惠，主臥套房價錢連服務費每晚HK$1,800起，另加HK$88可享雙人朗廷會禮遇【預訂日期：2022年11月9日至11月15日】

 

香港朗廷酒店 The Langham Hong Kong 將會一連兩日推出快閃，只需加小量費用即可享用朗廷會禮遇，包括下午茶、黃昏雞尾酒及自助早餐，今晚11月9日22:00首先推出主臥套房優惠、而聽日中午12:00將會推出內園景客房優惠。

香港美利酒店 - 11.11開關狂歡節快閃，包三餐價錢連服務費HK$2,880起，平日入住免費客房升一級、雙人海鮮塔3道菜晚餐、外帶下午茶、早餐及平日24小時住宿，限量搶星期一至四免費升級Explorer套房【預訂日期：2022年11月9日至11月19日】

 

香港美利酒店The Murray, Hong Kong, a Niccolo Hotel包三餐快閃今次價錢回落到接近疫情最嚴峻時水平，加上仲有Explorer套房限量搶！

宜必思香港中上環酒店 - 限量搶：城景客房淨房，價錢連服務費每晚HK$88；城景客房買一送一連每日雙人早餐，兩晚價錢連服務費合共HK$588【預訂日期：2022年11月8日至11月15日】

 

Ibis Hong Kong Central & Sheung Wan 宜必思香港中上環酒店限量搶！今時今日仲有呢口價，莫講話淨房一晚HK$88抵到喊，但其實阿迪哥覺得買一送一連每日雙人早餐都超抵，兩晚價錢連服務費合共HK$588，即係每一晚平均HK$294，即使第二晚放棄唔住當late check-out都抵爆，而家Staycation熱度減退，而家應該容易搶好多，若果以往唔識同人爭搶嘅朋友今次可以出動！

Marriott Bonvoy - 更新：萬豪旅享家積分轉分至部分航空夥伴20,000里多送5,000里兌換獎勵終止 (增加至4家航空夥伴)

上個月萬豪旅享家積分轉到三家航空夥伴每轉20,000里、多送5,000里嘅部分已於2022年10月31日終止，今日又有消息2022年12月31日起連大韓航空都不會再有多送額外里數。

World Of Hyatt - 凱悅重新推出FIND Experience體驗活動

 

凱悅於2018年推出FIND Experience體驗活動，會員可以使用積分兌換獨有的體驗活動或某些限定體驗以積分出價拍賣，會員亦可選擇以現金付款參加體驗並可賺取凱悅天地積分，在疫情期間FIND Experience體驗全球暫停兌換，但目前凱悅正式宣布重新引入FIND Experience。

九龍海逸君綽酒店 - 套房限時快閃：價錢連服務費HK$1,222，入住優越城景塔樓套房一晚及另加HK$244可額外享用一項餐飲服務禮遇【預訂日期：2022年11月8日至11月11日】

 

抵玩套房！九龍海逸君綽酒店 Harbour Grand Kowloon優越城景塔樓套房快閃優惠價錢連服務費每晚只需HK$1,222起！只需另外HK$244，可以額外享用其中一項雙人餐飲禮遇(4選1)，包括The Promenade自助午餐、Harbour Grill三道菜午餐、海雲天懷舊失傳點心放題或可選貴賓閣禮遇(包括自助早餐、下午小點及黃昏雞尾酒)。

Noku Phuket - 極速快閃只限24小時：布吉新酒店免費升級Pool Villa優惠，價錢連稅項每晚HK$1,039起，由Studio Loft免費升級入住Hill Villa連雙人早餐【預訂日期：2022年11月7日至11月8日】

 

抵呀！布吉新酒店一千蚊鬆啲一晚，免費升級入住私人泳池别墅連埋雙人早餐！Noku酒店品牌由新加坡發展公司管理，以簡約低調和風為基本設計元素，酒店由京都、大阪、再進駐馬爾代夫，最新力作於今年2022年全球第4家酒店Noku Phuket於泰國布吉的小山上開業，酒店遠眺Chalong Bay，今次優惠只限24小時，平時佢哋最基本嘅Pool Villa房型都要$3千幾蚊，今次極限時優惠可以以Studio Loft價錢連稅HK$1,039起升級入住私人泳池Hill Villa、或者以價錢連稅HK$1,386起升級入住設有私人泳池嘅Tree Villa！有計劃去布吉就萬勿錯過！

港青YMCA - 11.11 開關狂歡節早晚兩餐海景套房快閃：價錢連服務費$999起，限量搶升級海景套房、雙人漢堡包晚餐及自助早餐【預訂日期：2022年11月7日至11月12日】

 

港青 The Salisbury - YMCA of Hong Kong 做番價錢連服務費$999起有得搶海景套房！包雙人自助早餐+漢堡包連薯角晚市套餐，另外佢地CP值好高嘅自助餐晚餐+自助早餐住宿套票都有海景套房搶！

香港金域假日酒店 - 自助餐優惠：第3位或第4位只需加HK$8，Bistro on the Mile自助午餐價錢連服務費平均每位低至HK$218起、自助晚餐價錢連服務費平均每位低至HK$357起【預訂日期：2022年11月7日至11月16日】

 

好多人都知香港金域假日酒店Holiday Inn Golden Mile嘅Bistro on the Mile自助餐CP值好高，今次快閃限量搶同時預訂第3位或第4位只需加HK$8！自助午餐平均買入價每位低至HK$218、自助晚餐平均每位低至HK$357，全部價錢已包加一，今日連周末都有優惠！

香港維港凱悅尚萃酒店 - 雙11快閃，尊貴海景客房每晚HK$1,111起+10% (每日限量名額)【預訂日期：2022年11月7日至11月13日】

 

香港維港凱悅尚萃酒店 Hyatt Centric Victoria Harbour 推出雙11快閃，當中最值得留意係設有打卡浴缸酒店最具人氣嘅尊貴海景客房每晚減至HK$1,111起+10%！呢款房型優惠仲平過幾個月前迪迪嘅獨家快閃！

同時所有尚萃宅度假住宿連自助餐9折，折扣後每晚HK$990起+10%及毛孩放電假期全部85折，折扣後每晚HK$850起+10%！

香港迪士尼樂園 - 住宿快閃：迪士尼探索家度假酒店，標準客房價錢連服務費$995起；香港迪士尼樂園酒店，標準客房價錢連服務費$1,196起【預訂日期：2022年11月6日至11月8日】

香港迪士尼樂園兩家酒店淨房快閃只限50小時，不過香港迪士尼樂園快閃價錢不嬲飄忽，今晚10點開賣時大家不妨睇下系統有冇啱大家嘅日期同埋價錢，匯豐信用卡最新優惠，預訂時輸入指定優惠碼即減高達HK$200！

Marriott Bonvoy - 萬豪旅享家會員購買積分75折優惠【優惠日期：2022年11月3日至2022年12月20日】

 

萬豪新一輪賣分促銷優惠，今次只得75折，折後每1,000分售價為US$9.38(約HK$74)，比起目前估值US$8.4差一截，加上明年積分兌換全面浮動及轉換飛行里數種種憂慮，今次優惠完全不值得考慮。

明怡美憬閣精選酒店 - 開關狂歡節快閃，價錢連服務費$890起，升級入住高級城景客房一晚、TANGRAM半自助早餐及延遲退房至2PM【預訂日期：2022年11月5日至11月14日】

 

AKI Hong Kong - MGallery 明怡美憬閣精選酒店推出兩個抵玩快閃優惠，升級入住高級城景客房一晚連TANGRAM半自助早餐，價錢連服務費$890起，仲可以下午2時延遲退房。

另一個優惠價錢連服務費$1,111起，經典客房住宿連TANGRAM雙人午市套餐，呢個優惠更可以上午10時提早入住及下午4時延遲退房！住足30小時！平日入住更升級入住高級城景客房。

香港康得思酒店 - 減咗價！貴賓客房快閃，價錢連服務費HK$1,188起，入住貴賓客房一晚連貴賓禮遇及雙人自助早餐，限量搶星期一至四每日一個名額免費升級至貴賓全景客房【預訂日期：2022年11月4日至11月10日】

 

突發加班！唔喺星期三！香港康得思酒店Cordis Hong Kong貴賓客房快閃再嚟！價錢連服務費HK$1,188起！今次比起9月份及10月份推出嘅兩個優惠起跳價平咗HK$187！並且平日入住仲有每日有一個名額限量免費升級酒店其中一款最打卡嘅房型貴賓全景客房！套票包雙人入Club Lounge食下午茶及黃昏雞尾酒、翌日The Place自助早餐飲熱奶茶！

同時亦另外推出兩個快閃優惠，包括住宿連雙人自助午餐及住宿連雙人60分鐘「川」和諧按摩體驗。

數碼港艾美酒店 - 將定於2022年11月21日客房翻新後重開

收到最新消息，數碼港艾美酒店Le Méridien Hong Kong, Cyberport終於翻新完成，幾經波折已決定於2022年11月21日全面重開！預訂系統將會於2022年11月7日下午開放！

GHA Discovery - World Elite MasterCard持卡人免費登記直接獲得GHA Discovery最高階Titanium會籍【活動日期：即日起至2022年11月30日】

 

正呀！持有World Elite MasterCard嘅持卡人只需响指定網站作簡單登記就可以直接升級GHA Discovery最高階嘅Titanium會籍！即使目前已經係Titanium會員只要透過今次優惠活動登記後就可以將今年到期嘅會籍延期一年至2023年12月31日！

香港金域假日酒店 - 開關狂歡節快閃，價錢連服務費HK$1,111起，升級入住優尚豪華客房、HK$800餐飲消費額、平日入住延遲退房至2PM，限量搶免費升級親子主題套房【預訂日期：2022年11月3日至11月13日】

 

開關後嘅香港金域假日酒店 Holiday Inn Golden Mile都靜咗一排，今次終於出手！今次餐飲消費額快閃限量搶嘅「夢幻粉紅獨角獸」或「星空戰士」親子主題房，係主題套房呀！