Cathay Pacific - 國泰與Marriott Bonvoy展開合作升級，積分/里數互轉及入住萬豪集團酒店賺取亞洲萬里通里數

 

應該好多朋友今日會收到國泰一封電郵有關跟Marriott Bonvoy合作升級，包括積分/里數互轉及入住萬豪集團酒店賺取亞洲萬里通里數，驟眼看來好似好吸引，為免大家中伏阿迪哥出post分析一下。

電郵主要講述關於轉換及賺取積分主要分開三個部分，大部分其實一直都存在：

將亞洲萬里通里數轉換為Marriott Bonvoy積分

呢個功能好似係新推出的，會員可以以2:1兌換率將亞洲萬里通里數轉換為萬豪旅享家積分：

● 每次最少轉換2,000里
● 每次轉換的里數須以500里之倍數遞增
● 每日最多可轉換240,000里

計計條數先，假設將2,000亞洲萬里通里數轉為1,000萬豪積分，2,000亞洲萬里通的目前估值為HK$204，而1,000萬豪積分目前估值約為HK$66，呢個兌換率可以將你手上嘅亞洲萬里通里數秒間即時貶值67.6%！真係超級伏！

將Marriott Bonvoy積分轉換為亞洲萬里通里數

會員可以將萬豪旅享家積分以3:1兌換率轉為亞洲萬里通里數，然後每轉換60,000萬豪旅享家積分，除可獲得本身嘅20,000里外，更可獲額外5,000里。

呢個兌換率係舊聞嚟，自萬豪旅享家响地球誕生以來就已經一直存在，阿迪哥亦講過(👉按此)，若果你缺亞洲萬里通里數，目標係兌換商務艙或頭等艙，咁嘅情況之下或者可以考慮一下去轉。

不過阿迪哥本身自己就一定唔會咁做，因為地標香港賺取亞洲萬里通里數非常容易，加上酒店積分對於迪迪非常珍貴，尤其是用來兌換頂級奢華嘅度假酒店CP值極高！

預訂住宿或舉辦會議/活動賺取亞洲萬里通里數

呢個係最大伏位，你睇完可能會諗，正呀！住萬豪酒店仲可以賺埋AM仲唔發？每US$1酒店消費可以賺2里！

但係大前提係Marriott Bonvoy會員帳號必須選取賺取亞洲萬里通里數，成功設定後咁將來入住就不會獲得萬豪積分，從而改為每US$1消費賺取2里，計計條數：

【例子一】

若果你嘅萬豪帳號揀選咗賺取亞洲萬里通，假設入住酒店嘅消費淨額為US$6,000，咁一共可以賺取12,000里數。

【例子二】

如果以目前嘅情況，照舊入住酒店賺取萬豪旅享家積分，同樣消費US$6,000，未計全球積分推廣活動、未計尊貴會員額外積分已經可以獲得60,000萬豪積分，若然你要轉為亞洲萬里通里數就可以獲取25,000里，比例子一多出一倍有多！

如果唔睇清楚條款大家以為萬豪積分及里數可以雙食，但其實兩個只可以活一個，大家千祈唔好咁睇唔開將自己嘅萬豪帳戶改為賺取亞洲萬里通呀！

👉 按此進入相關活動國泰官網

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)