Hilton Honors - 希爾頓第2位賓客免費入住會員福利

 

希爾頓會員有一項其他酒店集團都無嘅獨有會員褔利，可能大家冇留意或者已經唔記得咗，因為响官網嘅會員福利列表都收埋咗，呢個福利就係第2位賓客免費入住，呢項福利尤其是响日本會大派用場。

阿迪哥開始寫呢篇文章嘅時候，嘗試响Hilton Honors官網嘅會員福利頁面上(👉按此)搵番呢項會員權益嘅時候，發現列表上已經不存在呢項福利...

然後再深入啲搵，最終原來呢項福利已經收藏咗响「會員優惠詳情及免責聲明」嘅頁面裡面(👉按此)，而呢項“第2位賓客免費入住”嘅福利嘅定義係：

資料來源：希爾頓榮譽客會會員優惠詳情及免責聲明

而响手機應用程式都有顯示呢項福利，即使基本會員亦可享用呢項福利，即係人人有份啦：

資料來源：希爾頓手機應用程式

而究竟呢項福利係點樣玩呢？

即係話如果訂淨房的話，只需要預訂1人入住，即使有第2位住宿同住都唔需要付額外費用，但就不包括帶有膳食(包括早餐)或活動嘅房價，第2位免費住客只限於純住宿。

阿迪哥咁有乜嘢用呢？其實响絶大部分情況之下呢項福利真係冇乜用，因為全球大部分嘅酒店預訂1或2人入住都係同價，但係日本就唔同，响日本部分酒店即係訂淨房，預訂兩位入住係貴過一位入住嘅，迪迪以下直接舉個實例。

假設搜尋2023年3月15日入住1晚大阪希爾頓酒店Hilton Osaka：

搜尋1位住客基本房King Room嘅稅前價錢為¥30,780：

而搜尋2位住客，同樣係基本房King Room嘅稅前價錢為¥31,635：

如果你係兩位入住咁你就可以引用“第2位賓客免費入住”呢項福利，在預訂時訂1位住客價錢就可以了，咁就每晚可以慳咗¥855(及等值稅項及服務費)。

前文咪講過呢項福利係不適用於任何包括膳食嘅房價、即使早餐都計嘅，咁如果需要早餐咁基本會員或Silver Member就要乖乖地訂番包含兩位早餐嘅價錢、又或者去到當場補番兩位早餐錢，但若果係Gold  Member或Diamond Member咁呢兩個級别嘅會員本身入住有兩位免費早餐福利，所以只需訂淨房1位入住，第2位免費入住亦可以以會員權益獲得兩位免費早餐。

咁您可能會問，咁如果我3位入住可唔可以訂兩位、免費住3個人呢？理論上呢項福利係以每兩個人入住一間客房為單位，但阿迪哥亦不排除部分酒店會放行，因此遇上呢個情況就建議大家直接聯絡酒店查詢。

大家要記住呢項只屬希爾頓集團嘅福利，切勿自行應用在其他集團之上。

👉 按此進入希爾頓官網預訂住宿

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)