滙豐信用卡推出全新Travel Guru會員計劃，呢個會員計劃主要係玩外幣簽賬回贈，會員計劃分為3個等級，因為玩法好似飛行或者酒店常客計劃會員制度咁樣有升級、有保級、亦有降級，所以其實玩法有啲複雜，不過如果了解曬整個玩法的話其實好易玩。只要去滙豐Reward+ app登記就即刻成為GO 級旅人(第一級)。有EveryMile信用卡的話，即使係入門嘅GO級旅人簽HK$8,000外幣簽賬unlock 3%外幣簽賬額外「獎賞錢」回贈，最抵已經可以做到簽$1蚊都唔洗就儲到1里！即係相等於簽賬HK$0.91=1里，而且EveryMile信用卡嘅「獎賞錢」可以轉換到16個飛行里數或酒店常客計劃，所以正如阿迪哥前文所講係全城最抵玩嘅信用卡！
會員等級
【第一級：GO級旅人】
● 所需資格：2023年9月1日至12月31於滙豐Reward+手機應用程式免費登記立即成為GO級旅人會員
● 禮遇：外幣簽賬額外3%「獎賞錢」回贈
● 迎新禮遇：AIRSIM 30%回贈
【第二級：GING級旅人】
● 所需資格：累積相等於HK$30,000外幣簽賬+3次機票或酒店信用卡簽賬交易*
● 禮遇：外幣簽賬額外4%「獎賞錢」回贈
● 迎新禮遇：HK$200之Klook電子禮券
【第三級：GURU級旅人】
● 所需資格：當升級為GING級旅人後重新累積相等於HK$70,000外幣簽賬+6次機票或酒店信用卡簽賬交易*
● 禮遇：外幣簽賬額外6%「獎賞錢」回贈
● 迎新禮遇：HK$500之Trip.com電子禮券，同時，滙豐EveryMile信用卡持卡人可額外專享香港機場環亞Plaza Premium First貴賓室升級券一張及Plaza Premium First貴賓室禮券一張
*機票或酒店信用卡簽賬交易包括航空公司官網、酒店官網或旅行社類別簽賬，並須符合單一簽賬滿HK$1,500或以上
外幣簽賬額外「獎賞錢」回贈
玩Travel Guru當中最重量級嘅禮遇就係外幣簽賬額外「獎賞錢」回贈，每級會員嘅外幣簽賬額外「獎賞錢」回贈均有所不同，第一級為3%、第二級為4%、最高級嘅第三級GURU級旅人可享受6%，而且更可同時兼享本身已經有嘅最紅自主獎賞類別及EveryMile信用卡每季海外簽賬1.5%「獎賞錢」回贈等。
要一步一步由第一級會員升到可以享受到6%額外「獎賞錢」嘅第三級GURU級旅人需要經過多個階段，這方面係最難理解，每個階段其實相等於累積外幣簽賬額，阿迪哥列出每個簽賬階段(指外幣折算為港幣之簽賬)，大家會比較容易去理解：
【第一級：GO級旅人】
一年會籍期內，當中連續3個曆月的外幣簽賬累積額達HK$8,000便可以解鎖開始享受外幣簽賬額外3%「獎賞錢」回贈(包括該HK$8,000累積消費額)。
响呢個階段假設每等值HK$1,000的外幣簽賬，以下信用卡所獲得嘅獎賞錢回贈將會如下：
滙豐EveryMile信用卡 HK$0.91=1里
● 基本1%=$10「獎賞錢」
● 每季海外簽賬1.5%回贈=$15「獎賞錢」(推廣期至2023年12月31日)
● GO級旅人3%=$30「獎賞錢」
EveryMile信用卡合共即是簽HK$1,000外幣可以獲得$55「獎賞錢」，即係可以兌換到1,100飛行里數或酒店積分，計返即係簽大約HK$0.91=1里。
*若果海外簽賬已超出每季「獎賞錢」回贈1.5%的HK$15,000簽賬上限，之後嘅簽賬計返都仍然可以做到簽HK$1.25=1里，其實都仲好屈機。
滙豐Visa Signature卡+已選5X賞世界 HK$1.52=1里
● 基本0.4%=$4「獎賞錢」
● 最紅自主獎賞類別5X賞世界=$20「獎賞錢」
● Visa Signature最紅類別3X=$12「獎賞錢」
● GO級旅人3%=$30「獎賞錢」
Visa Signature+已選5X賞世界嘅會員即是簽HK$1,000外幣可以獲得$66「獎賞錢」，即係可以兌換到660亞洲萬里通里數，計返即係簽大約HK$1.52=1里。
滙豐Red信用卡 HK$1.43=1里
● 網上外幣簽賬4%=$40「獎賞錢」
● GO級旅人3%=$30「獎賞錢」
Red信用卡即是簽HK$1,000網上外幣可以獲得$70「獎賞錢」，即係可以兌換到700亞洲萬里通里數，計返即係簽大約HK$1.43=1里。
GO級旅人賺取額外「獎賞錢」上限
每位Travel Guru會員响3%「獎賞錢」回贈呢個階段上限可以賺取到$600「獎賞錢」，即係簽滿HK$20,000等值嘅外幣就爆，而由於需要升級為第二級GING級旅人必須累積外幣簽賬滿HK$30,000及3次機票或酒店信用卡簽賬交易，因此在HK$20,000至HK$30,000之間呢HK$1萬蚊簽賬係沒有額外3%GO級旅人「獎賞錢」回贈的。
【第二級：GING級旅人】
假設GO級旅人已經滿足以上嘅HK$30,000等值外幣簽賬要求+3次機票或酒店信用卡簽賬交易，會員就會响下個月1號獲得提升為第二級的GING級旅人，並開始享受外幣簽賬額外4%「獎賞錢」回贈。
响呢個階段假設每等值HK$1,000的外幣簽賬，以下信用卡所獲得嘅「獎賞錢」回贈將會如下：
滙豐EveryMile信用卡 HK$0.77=1里
● 基本1%=$10「獎賞錢」
● 每季海外簽賬1.5%回贈=$15「獎賞錢」
● GO級旅人4%=$40「獎賞錢」
EveryMile信用卡合共即是簽HK$1,000外幣可以獲得$65「獎賞錢」，即係可以兌換到1,300飛行里數或酒店積分，計返即係簽大約HK$0.77=1里。
*若果海外簽賬已超出每季回贈1.5%的HK$15,000簽賬上限，之後嘅簽賬計返即係簽HK$1=1里。
滙豐Visa Signature卡+已選5X賞世界 HK$1.32=1里
● 基本0.4%=$4「獎賞錢」
● 最紅自主獎賞類別5X賞世界=$20「獎賞錢」
● Visa Signature最紅類別3X=$12「獎賞錢」
● GO級旅人4%=$40「獎賞錢」
Visa Signature卡+已選5X賞世界嘅會員即是簽HK$1,000外幣可以獲得$76「獎賞錢」，即係可以兌換到760亞洲萬里通里數，計返即係簽大約HK$1.32=1里。
滙豐Red信用卡 HK$1.25=1里
● 網上外幣簽賬4%=$40「獎賞錢」
● GO級旅人4%=$40「獎賞錢」
Red信用卡即是簽HK$1,000網上外幣可以獲得$80「獎賞錢」，即係可以兌換到800亞洲萬里通里數，計返即係簽HK$1.25=1里。
GING級旅人賺取額外「獎賞錢」上限
而每位GING級旅人响4%「獎賞錢」回贈呢個階段上限可以賺取到$1,400「獎賞錢」，即係當成為GING級旅人後再重新簽滿HK$35,000等值嘅外幣就爆，而由於需要升級為第三級GURU級旅人必須再重新累積外幣簽賬滿HK$70,000及6次機票或酒店信用卡簽賬交易，因此在HK$35,000至HK$70,000之間呢HK$35,000簽賬係沒有GING級旅人的額外4%「獎賞錢」回贈。
【第三級：GURU級旅人】
假設GING級旅人已經滿足以上嘅HK$70,000等值外幣簽賬要求+6次機票或酒店信用卡簽賬交易，會員就會响下個月1號獲得提升為第三級、即係最高級嘅GURU級旅人，並開始享受外幣簽賬額外6%「獎賞錢」回贈。
响呢個階段假設每等值HK$1,000的外幣簽賬，以下信用卡所獲得嘅「獎賞錢」回贈將會如下：
滙豐EveryMile信用卡 HK$0.59=1里
● 基本1%=$10「獎賞錢」
● 每季海外簽賬1.5%回贈=$15「獎賞錢」
● GO級旅人6%=$60「獎賞錢」
EveryMile信用卡合共即是簽HK$1,000外幣可以獲得$85「獎賞錢」，即係可以兌換到1,700飛行里數或酒店積分，計返即係簽大約HK$0.59=1里。
*若果海外簽賬已超出每季「獎賞錢」回贈1.5%的HK$15,000簽賬上限，之後嘅簽賬計返即係簽大約HK$0.71=1里。
滙豐Visa Signature卡+已選5X賞世界 HK$1.04=1里
● 基本0.4%=$4「獎賞錢」
● 最紅自主獎賞類別5X賞世界=$20「獎賞錢」
● Visa Signature最紅類別3X=$12「獎賞錢」
● GO級旅人6%=$60「獎賞錢」
Visa Signature卡+已選5X賞世界嘅會員即是簽HK$1,000外幣可以獲得$96「獎賞錢」，即係可以兌換到960亞洲萬里通里數，計返即係簽大約HK$1.04=1里。
滙豐Red信用卡 HK$1=1里
● 網上外幣簽賬4%=$40「獎賞錢」
● GO級旅人6%=$60「獎賞錢」
Red信用卡即是簽HK$1,000網上外幣可以獲得$100「獎賞錢」，即係可以兌換到1,000亞洲萬里通里數，計返即係簽HK$1=1里。
GURU級旅人賺取額外「獎賞錢」上限
而每位GURU級旅人响6%「獎賞錢」回贈呢個階段上限可以賺取到$2,200「獎賞錢」，即係當成為GING級旅人後再重新簽滿HK$70,000等值嘅外幣就可升級GURU級旅人會籍限期為一年，若果想繼續成為GURU級旅人就必須升級後再次累積HK$70,000等值外幣簽賬額及6次機票或酒店信用卡簽賬交易。
會籍級別晉升、保級及降級
Travel Guru會員計劃好玩之處在於玩法好似航空或酒店常客計劃咁每年需要保級，當會員晉升上一個級別後、該級別嘅有效期隨即响該月起計一年，而响嚟緊新晉升嘅會籍一年之內必須再一次滿足該級別嘅外幣簽賬及預訂機票或酒店交易次數要求方能响下一年度保級。
試舉個實例，當會員响2024年2月1日晉升為第三級嘅GURU級旅人後，該名會員必須於2024年2月1日至2025年1月31日期間內再次累積相等於港幣HK$70,000或以上外幣簽賬及進行至少6次機票或酒店信用卡簽賬交易，若果未能達成所需要求則會在下一年度直降為第一級GO級旅人；但若果在2024年2月1日至2025年1月31日期間內能夠達到第二級GING級旅人嘅簽賬及機票或酒店次數簽賬要求的話、來年則只會下降一級。
外幣簽賬神卡滙豐EveryMile信用卡
你可以話Travel Guru會員計劃玩法好複雜，但無可否認即使只玩第一級GO級旅人、並使用滙豐EveryMile信用卡作外幣簽賬已經可以做到低至HK$0.91=1里，簡直係一張儲飛行里數神卡，兼且可以換到16個飛行里數或酒店常客計劃里數及積分，如果玩開酒店嘅朋友應該記得阿迪哥講過好多次使用滙豐EveryMile信用卡「獎賞錢」嘅最大亮點喺兌換雅高心悅界積分，兌換成雅高心悅界積分後預訂酒店每$100「獎賞錢」可以當約HK$335洗(即是€40歐羅)(👉詳情)。
而家經網上申請滙豐EveryMile信用卡可以獲得以下迎新禮遇：
● 高達$1,000「獎賞錢」（相等於20,000里）
● 賺取低至港幣0.3元 =1里
● 全新信用卡客戶成功申請「現金套現」分期計劃可享額外$200「獎賞錢」
● 專享首2個月「免息還款假期」
● 首年免年費
受條款及細則約束。借定唔借？還得到先好借！
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言