酒店入住報告(預告篇)：蔻立 - Le Méridian Khao Lak Resort & Spa

 

阿迪哥响4個月內又再重返泰國蔻立，因為呢度嘅酒店CP值實在太高，簡直係糧尾也不怕，所以一共入住咗十幾晚一次過保埋個鈦金佢，繼上一次介紹嘅JW萬豪之後，今次入住更加便宜，同是萬豪集團嘅Le Méridian Khao Lak Resort & Spa，完整入住報告推出前先跟大家分享10張精選相片及幾段YouTube短片！

今次入住嘅係可以响房間露台位置直接落泳池嘅1 King Bed, Poolside Access, Large Room。

面積大於浴室，比起普通房亦都多咗一個面積都幾大嘅浴缸，浴室嘅面積空間非常寬敞闊落。

浴缸靠住一塊大玻璃，拉開窗簾浸浴還可以望到出面嘅景色，呢種空間咁係阿迪哥極愛。

入住時嘅歡迎方式好有心思。

整個房間最重要嘅部分就係露台，外面有兩張單人座椅，最重要係可以直落泳池，不過呢個直落泳池嘅方式就有啲特別，先要行上兩級、然後再行落兩三級落水，比起平常直接下沉積落水唔同。

酒店一共有三組建築群，每個區域都有一組泳池，所以一共三個泳池，每一組泳池最低層客房都可以直接連接泳池，其他樓層嘅露台就係有泳池景觀，每早泳池設計都有些少分別，有些有按摩池、有的包括泳池酒吧，泳池係酒店嘅靈魂所在。

酒店設有一個面積好大嘅活動室，內裏有大電視可以睇波，仲有足球遊戲機及桌球枱。

酒店水療中心The Spa是酒店自家營運，即係可以累積萬豪積分，服務收費不貴，例如90分鐘按摩THB1,900-THB2,100(約HK$440-$487)，萬豪旅享家會員更有折扣，例如阿迪哥係鈦金會員有85折，淡季有時亦會直接打折，例如阿迪哥入住嘅時候就剛好遇到下雨天優惠，連續幾天都有半價。

沙灘嘅質素就認真麻麻，沙灘上好多碎石、有時候仲有垃圾，而且因為好大浪，所以沙灘上面起咗一條防波堤。

不過酒店好有心思，响酒店私人沙灘上加設咗好多打位。

這間酒店完整入住報告將以YouTube視像版形式推出，敬請留意。

📹先睇住短片先：

超平度假酒店，直落泳池豪華大房

早餐唔知食乜好

宅酒店日常，平靚正最佳例子

泳池房 Pool Access, Large Room

 美食篇

👉 按此進入酒店官網及預訂住宿

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)