酒店入住報告：富國島 - New World Phu Quoc Resort (附YouTube完整入住報告)

 

【更新：附YouTube完整入住報告】去富國島好多時都一家人或一大班朋友，咁住Villa就梗係最抵住又方便，Villa擁有幾間睡房、中央大廳及私人泳池，方便一齊住一齊癲，而由Rosewood集團管理嘅New World Phu Quoc Resort屬於全Villa酒店，位於富國島南部，日落小鎮、跨海纜車、打卡接吻橋、燈火表演就响附近，由於而家做緊推廣，入住客人均可以免費一次接吻橋入場及觀賞一次Kiss Of The Sea燈火表演，酒店娛樂設施又齊備，連迷你水上樂園都有，一班人去絕對值得考慮，YouTube入住報告推出前先同大家分享10張精選相片。

今次入住3臥室園景別墅3 Bedroom Garden Villa，係酒店最基本嘅房型

呢種3房別墅跟阿迪哥以前所見過嘅3房villa好唔同，以往所見嘅係一棟單一建築而入面有3房一廳，但呢度就係別墅範圍裡面每間房及大廳連廚房嘅公用空間各自地獨立一個個體建築，即係一共有4個完全獨立室內空間，而中間係庭園及私人泳池，設計靈感係來自傳統越南家庭，比起單棟建議阿迪哥更喜歡呢種設計。

以下係主人房，唯一有大浴缸嘅客房

獨立公用大廳連廚房，係大家聚腳嘅地方

公用大廳當中一組長梳化更加係鞦韆咁可以搖晃，設計到呢個大廳梳化坐位剛好可以望到出面室外嘅私人泳池，咁樣成年人就可以一邊坐响冷氣房傾計、一路注意住出面泳池嘅小朋友。

第二睡房係一張大床並對住園林

第三睡房對住私人泳池及主人房

迎賓水果及朱古力

早餐有好多越式選擇、亦有韓式

酒店公共康體設施超多，無邊際泳池好大

酒店私人沙灘旁邊誇張到竟然有一個袖珍版嘅水上樂園，話就話係袖珍版，但其實入面都有幾條滑梯

大部分OTA都可以預訂呢間酒店，但係阿迪哥可以推薦大家可以先參考一下KKday有啲預留機位嘅套票，連埋機票同埋住宿一次個訂價錢可能會更優惠。

👉 按此進入KKday優惠主頁預訂住宿套票

📍 更新：YouTube視像版完整入住報告，請支持及睇片：

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)