酒店入住報告 (預告篇)：峇里 - Grand Hyatt Bali

 

農曆新年前去咗一轉峇里，仲諗住1月雨季會有大把好選擇，殊不知最終因為訂得比較遲所以選擇唔多，而Grand Hyatt Bali仲有得以積分兌換、兼且仲有基本套房可以使用套房券升級，所以尚算係比較好嘅選擇，入住報告完成前先同大家分享10張相片。

今次入住嘅房型係Grand Executive Suite King，套房有一個好大嘅起居室。

另外仲有飯廳有張4人餐枱、Mini bar櫃等，面積相當誇張。

露台可以望到遠遠嘅印度洋海景。

至於臥室嘅面積相對比較正常，King size大床放置响睡房中央，順帶一提呢間酒店嘅套房少有嘅兩張單人床選擇，而我哋入住同酒店確認咗可以安排兩張床，最後抵達時就草草安排一張大床及一張加床，真係幾唔滿意佢哋咁嘅安排。

浴室長方型，面積大，好長嘅洗手盆枱除咗有雙洗手盆，浴缸足夠一個肥佬浸。

酒店好多位都好似拍「精裝追女仔」嗰種場景。

Grand Club行政酒廊黃昏雞尾酒食物以小食類為主，千祈唔好抱有响呢餐當作晚餐嘅心態。

黃昏雞尾酒時段部分酒類選擇。

自助早餐係無自助沙律吧，沙律都係要叫職員响雪櫃一碗碗裝出來，好奇怪。

酒店泳池面積好大，但唔明白何解一月中會有咁多小朋友，阿迪哥完全搵唔倒一個可以令自己感覺舒適嘅位置hea一下。

今次原本預訂入住6晚，但最終入住兩晚之後就決定轉去Hyatt Regency Bali，總之一匹布咁長。

這間酒店完整入住報告將以YouTube視像版形式推出，敬請留意。