斯里蘭卡航空宣佈2018年10月27日起終止香港航線

噢！太sad了！

阿迪哥最鍾意嘅國家係馬爾代夫，廿幾年前當新加坡航空仲未有馬爾代夫航線之前斯航就係唯一選擇，阿迪哥都坐過幾次佢去馬爾代夫。

斯里蘭卡航空公司於2018年9月19日响官網宣佈於2018年10月27日之後退出香港市場，終止飛咗我估計已經差不多有30年嘅香港-可倫坡航線。


二、三十年前開始，航線香港與可倫坡之間一直係停經曼谷的，每星期三班，到咗上年可能佢以為自己好掂，因此航線改為不停站直飛，每星期加到五班，但到咗今年初知道自己唔掂喇，又改回每星期三班不停站直飛，最終仲要退出埋香港市場，雖然阿迪哥而家已經好少搭斯里蘭卡航空了，但感情上仍然有啲感傷，而且亦無疑削弱咗Oneworld嘅網絡，提提大家如果有出過呢條航線OneWorld票、Avios票就要找Asia Miles、英航搵protection喇！

各位網友記住like埋阿迪哥Facebook page呀！