阿迪哥酒店計劃教學【SNP】

阿迪哥呢個係新page，收過好多網友發問嘅問題後，相信亦有好多係酒店會員績分計劃嘅新手，今日阿迪哥教吓各位新手响酒店loyalty界三個非常重要嘅英文字母【SNP】，呢三個字母點解呢？老手勿笑呀！

S = stay = 定義係每“次”入住，同一家酒店無論住一晚、或者連續住兩晚、或者連續住十晚都係叫一個stay

N = night = 顧名思義係計算會員入住嘅晚數啦！

P = point = 就即係賺取嘅積分

至於stay（S）同埋night（N）一般嚟講係用來計算每年保級/或提升自己嘅會員級別嚟，每家酒店集團保級、升級都會以nights嚟做計算方式，在五大我哋最常玩嘅酒店集團入面唯獨只有Hilton係可以用stay保級（例如Diamond係30 stay或者60 nights都可以保級），因此Hilton亦係目前比較容易玩嘅，另有一種保級方法就係用每年會員嘅消費額所獲得嘅基本積分去計算，咁除非你係下下都住啲好貴嘅酒店啦，否則以我哋呢啲小資族都係以night或stay去保級喇！


各位網友記住like埋阿迪哥Facebook page呀！