香格里拉酒店集團嘅會員積分計劃叫做Golden Circle，相信專心去玩嘅網友應該唔太多，畢竟佢啲酒店一般都比較貴，同埋覆蓋率又唔算多，Golden Circle平時嘅積分優惠活動唔多，亦唔太吸引，但係今次呢個名叫You Deserve嘅雙倍績分活動就唔同喇，因為同時可以配合埋幾個活動，所以阿迪哥認為都好值得玩喎！
首先介紹吓呢個雙倍績分活動先，會員只要响2018年9月18日至2019年1月18日期間入住香格里拉酒店集團四個品牌酒店(包括：Shangri-La、Kerry、Hotel Jen及Traders）、光顧上述旗下酒店餐廳或者Spa（非入住期間都得！！），但訂房日期必需在2018年9月18日至2018年11月18日期間。
除此之外，會員响上述活動期間符合以下條件，仲會有額外績分：
● 住2個不同品牌可獲額外350分
● 住滿5晚可獲額外500分
● 住3間不同酒店可獲額外888分
即係最抵要求只要住夠3間不同酒店、當中至少有兩個不同品牌、合共住宿不少於5晚就可以食齊一共350+500+888=1738分喇！
*雙倍績分活動必需在You Deserve網站預先登記
 |
| AE細賞精彩時刻 |
● 美國運通國泰航空信用卡累積消費滿$2000回贈$600，Elite卡或綠卡均可，登記網址：請按此
● Centurion卡及白金charge卡累積消費滿$2000回贈$800，登記網址：請按此
以上嘅AE現金回贈係要31/12/2018前，而累積消費嘅定義係必需要住同一家酒店、每間酒店只可以獲一次回贈，但每個酒店集團最多可以玩最多10間酒店回贈！今次活動有參與嘅酒店如下：
如果你要盡享以上兩個活動優惠，當然酒店係必需要全部响2018年11月18日前入住啦！好喇咁阿迪哥同大家計吓條數，點樣住5晚酒店、3家不同酒店、兩個品牌去攞盡佢1738分同埋現金回贈：
假設你去泰國，行程一次過去哂曼谷同埋清邁，曼谷住一晚+清邁住兩晚，價錢如下：
20/10（住1晚）Shangri-La Hotel Bangkok：
USD276.94 = 約HKD2168（假設用AE白金charge卡付款$2168-$800回贈=實則係花咗$1368）
**原本稅前消費每USD1 = 1GC積分，但而家可獲雙倍績分，因此合共賺取235 x 2 = 【470分】
 |
| Shangri-La Hotel Bangkok |
21/10、22/10（住2晚）Shangri-La Hotel Chiang Mai：
USD286.22 = 約HKD2241（假設用AE白金charge卡付款$2241-$800回贈=實則係花咗$1441）
**原本稅前消費每USD1 = 1GC積分，但而家可獲雙倍績分，因此合共賺取241 x 2 = 【482分】
 |
| Shangri-La Hotel Chiang Mai |
咁活動期間再去多一轉新加坡：
3/11、4/11（住2晚）Hotel Jen Tanglin Singapore：
USD321.32 = 約HKD2516（假設用AE白金charge卡付款$2516-$800回贈=實則係花咗$1716）
**原本稅前消費每USD1 = 1GC積分，但而家可獲雙倍績分，因此合共賺取273 x 2 = 【546分】
 |
| Hotel Jen Tanglin Singapore |
咁樣就已經完成咗5晚、3酒店、2品牌嘅任務，共獲1738分，再加入住酒店嘅雙倍積分：470+482+546+1738=【3236 GC績分】，仲有就係當你持AE白金charge卡你就可以免費link到Golden Circle嘅Jade級會籍，可享有額外25%積分，咁就會變咗：587+602+682+1738=【3609 GC績分】各位要記住訂房必需响Shangri-La嘅官方渠道訂，其他酒店網，例如Expedia、Agoda、booking.com...等等，嗰啲OTA係唔計嘅。
以上泰國、新加坡酒店只係阿迪哥列出嘅一啲例子，若果真係飛唔到兩次， 其實亦可配合香港或者國內所參與AE回贈集團內嘅酒店玩，房費可能仲平啲添。
至於而家戶口有3609 Golden Circle績分有乜嘢用呢？早排阿迪哥咪介紹過 Golden Circle換績分房有折扣優惠嘅？要注意呢個優惠係有特定訂房及入住期限的，如果大家忘記咗可以睇返呢個post先， Golden Circle最低級別嘅Collection A酒店Standard Room每晚只係需要1000績分，而家做緊75折，換言之只需750積分就可以換到一晚住宿，咁3230分已經可以換到4晚有突！而Collection B酒店原本2000績分一晚，75折後係1500分，即係可以換到兩晚，Collection C酒店原本3500分，75折後只需2625分，Collection C入面包括斐濟Shangri-La'sFijian Resort and Spa、仲有馬爾代夫首都嘅Hotel Jen Malé啊！
 |
| Room Award Redemption Chart |
而家阿迪哥同大家計吓成本，曼谷一晚$1365+清邁兩晚$1437+新加坡兩晚$1718，全部5晚成本$4525就可以賺到4晚Collection A酒店，即係付出$4520就合共有9晚香格里拉集團酒店住！以上係假設你係有AE白金charge卡，若果只係有AE國泰航空信用卡成本就會多$600蚊，唔好忘記持有AE白金charge卡其中一個權益係可以免費link到Golden Circle嘅Jade級會籍，即係可以享有集團內酒店最多每日兩位住客早餐呀！如果想知Jade級會員其他權益可以睇返呢個post
以下列出Collection A、B、C嘅酒店，至於其他Collection D至G嘅酒店可以參考返Golden Circle嘅Award Redemption Chart 。
 |
| Collection A 酒店 |
 |
| Collection B 酒店 |
 |
| Collection C 酒店 |
如果想申請AE白金charge卡年費$7800，但係記住要透過推薦及網上申請先至會有迎新共800000分架，所以如果你有朋友擁有呢張卡記住叫朋友推薦你申請，推薦人都會有250000 AE積分，如果搵唔倒朋友推薦亦可以透過阿迪哥嘅連結申請。
如果想申請美國運通國泰航空尊尚信用卡成功由此推薦連結申請有3000 Asia Miles，出卡後首三個月簽夠$5000就再多5000 Asia Miles。
各位網友記住like埋阿迪哥Facebook page呀！
沒有留言:
張貼留言