Hotel Review：Conrad Macao, Cotai Central (澳門金沙城中心康萊德酒店)

Conrad Macao：一間小弟一直想試嘅酒店，但奈何一直找不到機會去澳門，因為一般週末都需要半天工作，若果星期六下班後到澳門又太晚、況且覺得去澳門住一晚又太短、有長假期又唔願去澳門，內心非常自我茅盾，但係今年可能是最後一年Hilton Honors鑽卡身份了，所以果斷決定七一長週末入住，並且清一下不斷貶值嘅希爾頓積分。

【預訂、房費及積分】

阿迪哥今次以Hilton Honors積分兌換入住，基本房Deluxe Room每晚50,000分，但6月中積分提升後目前基本房每晚需要60,000分。

【酒店位置】

酒店位於澳門路氹城塡海地段，金沙城中心，座落於澳門金光大道上與澳門金沙城中心假日酒店(將改建為澳門倫敦人)位於同座建築、右側緊鄰澳門金沙城St Regis及Sheraton；隔條馬路是新濠天地。

【辦理入住】

由於阿迪哥是Hilton Honors的Diamond會員、可以直接上39樓Conrad Club Lounge辦理入住手續，阿迪哥理解呢幾日全部酒店房間必定很爆，所以入住當日中午特意打電話來Conrad Macao問問房間大約幾點鐘準備好，接線員問完前台答我話酒店要三點鐘check-in，咁我咪四點鐘到囉，到最後都係仲未有房，要等到五點幾先至攞到房，何解我打電話來嗰陣唔同我講房間未準備好呢？咁我咪可以响JW Marriott hea耐啲囉。

酒店大堂設於金沙城中心一樓(地下)其中一個位置

酒店前台及禮賓部、禮賓部職員熱誠有禮

不過辦理入住的職員面對當時黑面的阿迪哥仍笑容滿面，服務值得一讚，但整個辦理入住過程都沒有主動提及安排什麼房型。

Conrad Club Lounge設於39樓、與金御會同樓層，所以同層不一定是酒店酒店住客，按電梯亦無需房卡

Conrad Club Lounge前台

【房間】

今次阿迪哥用積分訂普通房Deluxe Room，被升級為Deluxe Room Eiffel Tower View，即係升咗個景，進房時左邊有一個雲石臺，真係唔知用來做乜，mini bar包括有咖啡機、書檯放了一台Handy智能手機、窗邊半圓形梳化角度可正向電視機的設計不錯，但床邊完全沒有電力插頭，唯其中一邊床的藍牙鬧鐘有Android及iphone充電線。

進房時左邊有的雲石臺、下面的櫃桶是假的

行李架

Deluxe Room Eiffel Tower View

Deluxe Room Eiffel Tower View - 咖啡機

Deluxe Room Eiffel Tower View - mini bar

Deluxe Room Eiffel Tower View - 書桌

書檯放了一台Handy智能手機方便遊客

Deluxe Room Eiffel Tower View

Deluxe Room Eiffel Tower View - 衣櫃

Deluxe Room Eiffel Tower View - 歡迎糖果

Deluxe Room Eiffel Tower View - 歡迎水果

Conrad 絲質睡拖

Conrad嘅signature bear bear熊，响開夜床時放在床上

Deluxe Room Eiffel Tower View 窗外景觀

浴室有雙洗手盆、浴缸附有Conrad signature的鴨仔、另備有電視機，沐浴備品是Conrad使用的上海灘Mandarin Tea，阿迪哥比較喜歡香水味嘅沐浴用品、而非水果味，因此呢一款並非阿迪哥至愛備品之一。

Deluxe Room Eiffel Tower View - 浴室

Conard另一signature浴室鴨仔

浴室備品

上海灘沐浴備品

【會員待遇】

阿迪哥今次Diamond級別入住所獲得嘅待遇：

● Club Lounge直接辦理入住及退房手續
● 基本房型Deluxe Room升等到Deluxe Eiffel Tower View，房間設計相同、但景觀不同
● Conrad Club Lounge待遇 (早餐06:30-11:00、下午茶15:00-17:00、Evening Cocktail熱食17:30-20:00
● 早餐可選擇在一樓主餐廳Grand Orbit或Club Lounge用餐
● 延遲退房至下午16:00
● 1,000歡迎積分

Conrad Club Lounge待遇

Club Lounge下午茶由午三點至五點，三文治、鵝肝醬、英式鬆餅、曲奇都好味。

Club Lounge下午茶

Evening Cocktail 17:30-20:00提供熱食及酒精類飲品，熱食只有三種：印度烤雞、京燒明蝦球和素春卷，連飯、麵都無，選擇性不多，因為剛從JW Marriott Macau (按此)住完過來、兩者都屬於兩大集團萬豪和希爾頓的奢華品牌，又是兩大酒店集團始創人的兒子為紀念父親而設立、用父親名字作為品牌，難免令阿迪哥將兩者作比較，這次Conrad確實被比下去。

Club Lounge - Evening Cocktail

入住的翌日正好係7月1日，據Club Lounge職員講解當日開始食物品質也有所提升，目見早餐的選項的確選擇不少，最驚喜係有益力多飲。

Club Lounge - 早餐

2019年7月1日之後的下午茶(15:00-17:00)亦豐富咗，最明顯分別有咀香園杏仁餅、並且有雪糕窩夫點選：

Club Lounge 下午茶7月開始新菜單

免費早餐亦可以選擇於一樓主餐廳Grand Orbit用餐，餐廳位置完全超出阿迪哥所認知嘅一般酒店餐廳概念，可能阿迪哥大鄉里，Grand Orbit花時間搵咗好耐，原來設於金沙城中心購物中心裡面的麥當勞對面，如果唔留意就跟本以為係商場裡面其中一間普通餐廳。

Grand Orbit

Grand Orbit 早餐價錢

Grand Orbit早餐食品選擇超多，而且亦美味，最好食係生滾粥、港式熱奶茶可以媲美香港嘅茶餐廳質素。

Grand Orbit 早餐

【酒店設施及Wi-Fi】

酒店所有康體設施均位於四樓，包括健體中心及室外泳池，健身室設施十分齊全、部份器械配有電視機、另有提供耳筒，更衣室包括浴室、桑拿、濕蒸、按摩浴池及按摩式花灑浴等。

健身室

健身室部份器械配有電視機

另有提供耳筒

水力按摩浴池

Conard Macao 各樓層設施

室外泳池分開幾個部份，當中包括兒童池及瀑布休閒池，池邊有一系列嘅休息獨立空間、每個空間設有兩張沙灘椅，阿迪哥覺得呢個部份不錯，入住期間實在太多小孩、因此阿迪哥完全沒有使用過泳池、而且亦不太喜歡呢個泳池設計。

室外泳池

池邊一系列嘅休息獨立空間

池邊休息獨立空間

Wi-Fi於酒店內大部份位置訊號都接收得很強。

【整體觀感】

其實酒店只係開咗大約七年左右就已經感覺過時，而且酒店無論大堂、酒吧、主餐廳都分散响金沙城購物中心不同角落，設施位置鬆散，阿迪哥的確唔太習慣呢種形式，而且電梯會混雜埋同一建築物其他非酒店設施、無需用房卡亦可按電梯任何樓層、感覺好似住緊响如家旅店、錦江之星，有時又會上錯同一大廈嘅Holiday Inn酒店電梯，而唯一優點係Club Lounge職員每位都好親切，噢！差點忘記Conrad係希爾頓嘅luxury brand添，Club Lounge服務好應該係基本的。

澳門金沙城中心康萊德酒店

酒店宅男 - 阿迪哥 - 酒店及航空常客交流

2019年7月11日星期四