Hotel Review：Sheraton Dameisha Resort, Shenzhen (深圳大梅沙京基喜來登度假酒店)

深圳大梅沙京基喜來登度假酒店位於東部鹽田區海天一色的大梅沙海濱，酒店三面被梧桐山脈所環抱、正面朝南中國海，大梅沙喜來登可算是深圳週邊的老牌度假酒店了，附近各類生活設施已經相當健全，從市區或香港前來交通尚算方便。

【預訂、房費及積分】

今次入住房價¥1,197人民幣包雙人早餐(連稅後¥1,395.70)，酒店屬於Marriott Bonvoy的Category 5、因此每晚35,000積分，當今年較後時間若果淡、旺季兌換表實施後Category 5淡季將會每晚30,000分；旺季40,000分。

【酒店位置】

酒店位於深圳鹽田區大梅沙海灘，由香港前往最近大梅沙嘅關口係沙頭角，永東巴士由油麻地、九龍塘、粉嶺及上水有巴士往沙頭角口岸，每半小時一班車，單程車資由油麻地/九龍塘出發$50、粉嶺出發$33，過關後轉乘的士或滴滴約¥40-¥50人仔。

以上資料來自永東集團網站(按此)

【辦理入住】

前台職員態度尚可以，但只發房卡、早餐券及通知行政酒廊位於二樓，但並沒有講解Titanium Elite會員待遇、享用早餐地點及完全沒有提及歡迎禮...等。

酒店大堂

前台

酒店房卡

以萬豪條款，其實若果辦理入住時前台職員沒有給歡迎禮選項畀白金或以上會員選擇，會員有權响退房前向酒店claim $100美金作補償，不過阿迪哥冇咁做，只係响退房當日提醒前台職員選擇1,000分。

【房間】

酒店所有房間都擁有海景和露台，阿迪哥訂基本房型Ocean Deluxe，入住前兩日經已响Marriott App見到房間免費到Ocean Premium Suite套房。

進入Ocean Premium Suite是客廳的廁所，旁邊係面積頗大的衣帽間及化妝台，但化妝台一張椅都無放係乜嘢玩法？客廳及睡房嘅木材色調好明顯係上一個年代嘅設計，但浴室使用白色大理石令感覺帶回現代，雖然房間的木質顯然有些歲月，但因為保養得不錯，因此雖然設計有點過時、但不覺得殘舊。

Ocean Premium Suite

化妝台一張椅都無放係乜嘢玩法？

歡迎水果

Ocean Premium Suite

雖然酒店開業超過十年，但其中一邊睡床仍設計USB充電插頭，呢方面要讚！床邊放咗一張貴妃椅，用來看海一流，整個房間亮點當然係露台及無敵海景。

其中一邊睡床USB充電插頭

床邊放咗一張貴妃椅，用來看海一流

整個房間亮點當然係露台及無敵海景

Ocean Premium Suite外景觀

Ocean Premium Suite外景觀，但另一邊係工地

開夜床時放咗一個有酒店名牌嘅海龜公仔响床上面

浴室沐浴備品係“SHERATON”品牌嘅鼠尾草沐浴露、薄荷洗髮水、芫荽護髮素及維他命原B5潤膚露，雖然有創意，但Sheraton備品唔係用去年自家創立嘅le grand bain嗎？但番皂係用番le grand bain的，另外有提供一個沐浴球，非常正！

沐浴備品

提供一個沐浴球，非常正！

室内、室外拖鞋提供各兩對

【會員待遇】

阿迪哥今次Titanium Elite級別入住所獲得嘅待遇：

● 基本房型Ocean Deluxe升等到Ocean Premium Suite
● 行政酒廊待遇 (happy hour熱食17:00-20:00，行政酒廊不提供早餐)
● 歡迎禮：早餐、禮品或1,000積分三選一(因為房價已包早餐，所以阿迪哥揀1,000分)
● 延遲退房至下午16:00

Sheraton Club Lounge

Sheraton Club Lounge - happy hour

【餐廳及酒吧】

酒店有三間餐廳及一間酒吧：

● 主餐廳Feast，提供早、午、晚三餐自助餐
● 意大利餐廳Capri，只在晚餐營業
● 中菜Dragon Court，全日營業
● 大堂吧Lobby Lounge，全日營業

阿迪哥只係試過Feast嘅自助早餐，食品選擇很多，但令人印象深刻嘅食品只有現造腸粉檔，Feast係全海景餐廳、窗外就係酒店室外主泳池及沙灘，用餐環境本應很優美、但係夏天嘅星期日住客實在太多、很嘈吵，因此食半飽後阿迪哥就寧願移步到2樓行政酒廊飲番杯Cafe Mocha好過，注意呢間酒店嘅行政酒廊不提供早餐、另外若果週末入住建議8:30前食早餐，若果晏啲人就更多、甚至須要排隊等位。

主餐廳Feast

主餐廳Feast - 早餐

主餐廳Feast景觀

【酒店設施及Wi-Fi】

酒店大部份一康體設施在B層(Basement)，室外無邊際泳池有三個、應該講話有三個部份，每個部份面積都好大，但由於上年超級颱風「山竹」破壞哂三個泳池，其中兩個响今年初夏先至重開，至於另一個有滑水梯嘅泳池仍然在維修中，由於入住期間是夏日週末，無論泳池及沙灘都非常人多，沙灘椅即使無人使用但亦有人放下物品霸佔，簡直一椅難求，咁樣環境很難放鬆心情，因此阿迪哥沒有正式使用過泳池、有點兒可惜。

室外無邊際泳池

酒店外沙灘

健身室、室內泳池及喜來登冒險俱樂部(kid club)、禮品店亦同樣位於B層，健身房器械尚算充足，室內泳池面積亦很大、並附有按摩池，更衣室內有桑拿、濕蒸及渦流池，康體設施十分齊備。

健身室

室內泳池

喜來登冒險俱樂部(kid club)

禮品店

濕蒸

桑拿

渦流池

酒店水療中心在M層。

睡房接收Wi-Fi非常差，即使連數據漫遊訊號亦很弱，其他公共區域接收尚可，Wi-Fi可以接收WhatsApp短訊，但不能下載或上載圖片，Facebook、LINE、Google不能用。

【整體觀感】

這家一向被譽為深圳土豪酒店房價一向偏高，阿迪哥好難得先捕捉到今次嘅價格，實際上酒店硬件設施確係有一定水平，但奈何呢間度假酒店响當地人嚟講太出名，因此週末定必爆滿，如果以正常¥1600++以上房價入住實在有保留，因為住客實在太多會影響度假氣氛，但若然有機會可以合適價錢、平日入住當然就另作别論。

深圳大梅沙京基喜來登度假酒店

酒店宅男 - 阿迪哥 - 酒店及航空常客交流

2019年7月19日星期五