Hotel Review：JW Marriott Hotel Macau (澳門JW萬豪酒店)

位於澳門銀河綜合渡假城的JW Marriott Macau相信不用多作介紹，阿迪哥真係非常幸運在七一長週末竟然訂到積分房，要知道呢家酒店即使一般週末房價很貴、積分房亦不一定開放，所以今次真係非常超值。

【預訂、房費及積分】

今次阿迪哥以積分入住，酒店屬於Marriott Bonvoy的Category 5，即每晚35,000積分，當今年較後時間若果淡、旺季兌換表實施後Category 5淡季將會每晚30,000分；旺季40,000分。

👉 按此進入酒店官網查詢房價及訂房

【酒店位置】

酒店位於澳門路氹城塡海地段，澳門銀河綜合渡假城内，除JW Marriott外、銀河渡假城分别由The Ritz-Carlton、Banyan Tree、Hotel Okura、銀河酒店及澳門百老匯另外五家酒店所組成的休閒娛樂度假城。

澳門銀河

【辦理入住】

酒店大堂華麗堂皇，大堂中央的一盞巨型吊燈非常顯眼，由於入住當日是七一長假嘅週末下午，前台竟然辦理入住的人不多、完全無需等待，阿迪哥感覺有點驚訝，既然check-in唔需要等，咁阿迪哥就直接响Marriott Bonvoy專櫃辦理入住，職員通知被免費升級到Executive Suite (行政套房)，其實入住前幾日响App已經見到升級、由於是長週末、房間很滿，萬豪仍然盡最大努力升套去滿足會員，阿迪哥深存感恩。

酒店大堂

大堂中央的一盞巨型吊燈非常顯眼

辦理入住手續很快，之後另有一名屬於Guest Relationship的職員跟阿迪哥說入住期間會特別照顧高級會員、及講解整個銀河渡假城的情況、酒店設施等，並主動給與一份銀河渡假城地圖，並且將鈦金會員歡迎禮給阿迪哥選擇，阿迪哥選擇咗1,000積分。

銀河渡假城地圖

銀河渡假城內的六家酒店

會員歡迎禮選項

【房間】

今次阿迪哥用積分訂普通房Deluxe Room, City View被免費升級至Executive Suite, 1 Bedroom，房間位於走廊最後一間房，一進門係客廁所，進入起居室是長梳化加另外兩張單人椅，最特別係起居室mini bar上面有一個洗手盤、傍邊係咖啡機及四支礦泉水，整間套房無論起居室、睡房、浴室都放了礦泉水，很讚的安排。

Executive Suite, 1 Bedroom - 客廁

Executive Suite - 起居室

Executive Suite - 起居室書桌

起居室mini bar上面有一個洗手盤

Executive Suite - 咖啡機

Executive Suite - mini bar

入住時鈦金歡迎禮無揀小食、選咗1,000分，但仍然送果盤、一支750ml evian、一支750ml Badoit有氣礦泉水及總經理歡迎信，酒店對萬豪會員確實非常厚度。

歡迎禮

Executive Suite沒有衣帽間，在睡房有一個只能放一件大行李的行李架，睡房其中一邊嘅鬧鐘上設有兩個USB充電插頭，床尾有長椅、另有一張單人梳化，但阿迪哥認為將單人梳化改為貴妃椅會更好。

Executive Suite - 睡房

很喜歡JW睡拖的質感

浴室部份包含一列衣櫃，浴缸不算大、但有阿迪哥喜歡嘅雙洗手盆，沐浴備品係JW Marriott常用嘅Aromatherapy，但就係提供80ml的大枝裝，阿迪哥入住前响Marriott Bonvoy App問過酒店有否提供漱口水，可能因為係咁樣，所以酒店特別提供多三支漱口水，呢啲details位就係分辦一間酒店嘅水平。

Executive Suite - 浴室衣櫃

Executive Suite - 浴室

Executive Suite - 浴室電動日式馬桶

Executive Suite - 浴室

Executive Suite - Aromatherapy沐浴備品

Executive Suite - 浴室備品

Executive Suite - 浴室

Executive Suite - 浴缸備品

浴室備品放置了一個浴室電視遙控器，但阿迪哥就一直找尋不到浴室内有電視機...？

【會員待遇】

阿迪哥今次以Titanium Elite級別入住所獲得嘅待遇：

● 基本房型Deluxe Room, City View升等到Executive Suite, 1 Bedroom
● 萬豪行政會所待遇 (早餐06:30-11:00、下午茶14:30-16:30、happy hour熱食17:30-19:30；含酒精類酒水提供17:30至21:30)
● 早餐可選擇在一樓主餐廳Urban Kitchen或萬豪行政會所用餐
● 延遲退房至下午16:00
● 白金以上會員歡迎禮1,000積分

金以上會員行政酒廊待遇

行政會所happy hour食物質素高之餘仲很重量，選擇性完全合符一個正常晚餐要求，壽司、熱食、芝士、甜品，仲有現煮意大利粉，職員都親切友善。

JW萬豪行政會所

JW萬豪行政會所 - Happy Hour

免費早餐可選在一樓主餐廳Urban Kitchen或萬豪行政會所用餐，咁就不如一次過介紹，Urban Kitchen除咗食物很多選擇之外(呢方面就一定啦！)，而且食物非常配合香港人口味，印象最深刻抄蛋配料有罐頭咸牛肉可選，炒出來嘅蛋我夠膽講絶對有澳洲牛奶公司水準，但唯獨煮麵阿姐非常黑面、全程臭臉，為了要自己好心情，還是不要驚動佢，所以無試過現煮麵檔。

Urban Kitchen

Urban Kitchen - 早、午、晚自助餐價格

Urban Kitchen - 早餐

咸牛肉炒蛋好食到阿迪哥要encore

行政會所早餐食品選擇性還可以，但週末用餐會員不少，還是建議响Urban Kitchen用餐。

JW萬豪行政會所 - 早餐

【酒店設施及Wi-Fi】

酒店所有康體設施都在三樓，包括健身室、兒童樂園及泳池，泳池充滿度假氣氛、非常好hea，JW泳池包括主泳池、兒童池及按摩池，另外泳池可以連接到銀河渡假城知名的水上樂園「天浪淘園」，天浪淘園面積廣達75,000平方米，銀河幾間酒店住客均可免費使用，園內設有全球最長575米空中激流、全球最大的空中衝浪池、150米白沙灘、波濤和瀑布、滑水天梯、兒童水上遊戲專區及兒童游泳池。