因為沙田萬怡酒店佢哋推出咗一個包兩餐buffet嘅住宿package，所以今個週末返新界屋企食午市buffet，不過利申先，阿迪哥雖然講嘢中肯，但係並非食家，所以食評方面大家入腦時宜有所保留，更何況阿迪哥係一位長期性自助餐投資失敗者、回本能力介乎15.24%~21.30%之間，跟本試唔哂所有食物就飽哂，自助餐報告極不全面。
【冷盤】
沙律一般貨式，但某啲沙律已分好一小碗比較衛生。
壽司券物有兩種，係一般行政酒廊免費食嗰類款式，非常hea，刺身有三文魚、八爪魚、希靈魚及綢魚等，阿迪哥呢一部份無興趣接觸。
冷盤重點冰海鮮有蟹腳、蝦、海螺、青口及蜆，青口、蜆超細，不過蟹腳都幾新鮮，不過午餐冇龍蝦。
【湯品】
湯品有中、西兩款湯，西湯為海鮮蕃茄湯， 海鮮都算多嘅不過主要都係魚，而中湯係西洋菜豬骨湯，不過不失。
【熱盤】
熱盤阿迪哥只試咗椒鹽鮮魷、燒味及點心。點心係有小小驚喜嘅，因為以前早餐又係嗰啲點心、午餐又係佢哋，但而家改進咗，燒賣、蒜蓉鮮魷、豉汁排骨、牛肚及鮮竹卷都係早餐冇見過嘅款式，而且味道合格。
比較特別有茶漬飯， 師傅落飯、湯蟹柳同埋三文魚，配料自己落，唔算好食、但係叫做有創意。
麵檔其實都有改進，以前又係早餐嗰啲料、午餐又係見返佢，而家改進咗係食叻沙，配料有熟蝦、青口蜆及熟蛋。
【飲品】
飲品只有咖啡、紅茶及橙汁，阿迪哥無評價。
【甜品】
阿迪哥冇能力了，甜品只能夠食雞蛋仔，因為要留肚食雪糕，雞蛋仔是OK的，雪榚絕對係亮點回本位，因為佢哋係提供Mõvenpick，而且一共有6款選擇，阿迪哥唯一能夠回翻少少本都係靠兩杯雪糕。
總結整個自助午餐你都唔好期望佢係會食乜嘢名貴嘅食品，畢竟週末Marriott Bonvoy會員折後連服務費都只係每位$300左右，但又未至於大家所講好似Neway咁嘅質素，近排大家蜂擁嚟食都係為咗佢張半價住宿券，因為每半價住宿券最多可以連續入住3晚，半價後成本每晚平均大約$350左右連服務費，用來Status Match後跑白金啱哂，有關萬豪Status Match👉(按此)。
但係其實如果只係住一晚阿迪哥就覺得唔洗特登食一餐拎半價券咁煩，只要訂佢個$838起+10%嘅Lunch Gourmet Getaway住宿Package效果其實跟玩半價券嘅成本差不多，有關呢個package詳情👉(按此)。
👉 按此進入酒店官網預訂套票
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言