阿迪哥有一段時間冇住過JW Marriott Hong Kong，適逢年初萬豪金殿榮獲2021年米芝蓮指南一星餐廳、加上酒店又有一個超抵玩嘅Stay Well Dine Well 2021「零」房價優惠👉(按此)，因此就襯機返去食蟹蓋兼打卡！好多網友都知香港JW萬豪最出名就係食，即使行政酒廊嘅Happy Hour食物都非常精彩，隔咗一段時間冇返去住都想去睇睇質素有冇改變，入住當日HH除咗見返親切嘅炸雞翼之外，仲有一款食物阿迪哥以往响任何酒店嘅行政酒廊從未見過嘅食物，令在場在場友人及阿迪哥都感到十分驚訝，賣個關子先，內文會慢慢介紹返。
今次入住報告只屬於更新版本，因為阿迪哥之前已經寫過有關香港JW萬豪嘅完整入住報告，如果有興趣可以重溫一下👉(按此)。
行政酒廊
首先講吓行政酒廊，今次返來第一個感覺係行政酒廊服務好親切，時不時會問飲品需唔需要添飲，唔會刻意地送暖、但有需要時會提供應有服務，有種行走fine dining路線嘅服務。
 |
| 行政酒廊 |
【行政酒廊下午茶】
下午茶供應時間為15:00-16:30，供應三文治、三款蛋糕及英式鬆餅，跟以往分別不大。
 |
| 行政酒廊下午茶 |
 |
| 行政酒廊下午茶 |
 |
| 行政酒廊下午茶 |
 |
| 行政酒廊下午茶 |
 |
| 行政酒廊下午茶 |
 |
| 行政酒廊下午茶 |
 |
| 行政酒廊下午茶 |
【行政酒廊歡樂時光】
Happy Hour雞尾酒時段由17:30-20:00，好處在於周末都不用分時段、又不用排隊，食物無疑係比以往精簡咗，缺少咗中式點心，不過食物質素絕無下降、阿迪哥仲夠膽講話質素提升咗！冷盤有各式沙律、韓式泡菜、凍肉、芝士及水果，熱食方面一共有四款，包括炒米粉、炒紅蘿蔔、炸雞翼及.....西冷牛扒！！相信應該係阿迪哥首次响任何酒店嘅行政酒廊食西冷牛扒，當時在場嘅朋友都毫不感覺哇然，而且牛扒質素不錯，煮得火候啱啱好、大約7成熟、又沒有筋，加上雞翼煎得很香脆、要飽肚又有米粉，阿迪哥絕對可以當晚餐，不過當晚因為訂咗萬豪金殿，因此品嚐Happy Hour食物只係點到即止，今次酒廊嘅食物非常有驚喜。
 |
行政酒廊 - Happy Hour
|
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊 - Happy Hour |
 |
| 行政酒廊Happy Hour熱食區 |
 |
行政酒廊Happy Hour - 炒米粉
|
 |
| 行政酒廊Happy Hour - 時令蔬菜 |
 |
行政酒廊Happy Hour - 炸雞
|
 |
行政酒廊Happy Hour - 西冷牛扒，would you believe it !?
|
 |
| 行政酒廊 - Happy Hour |
 |
| 行政酒廊 - Happy Hour酒類選擇 |
 |
| 行政酒廊 - Happy Hour酒類選擇 |
 |
| 行政酒廊 - Happy Hour酒類選擇 |
 |
| 行政酒廊 - Happy Hour酒類選擇 |
【JW Café早餐】
早餐在JW Café享用，相信好多網友會認同JW Café嘅自助早餐質素全港數一數二，今次早餐食物選擇沒有大改動，因此阿迪哥就唔再重覆自助餐櫃檯嘅食物相片，食JW嘅早餐、識食梗係食中式點心。
 |
| JW Café早餐 |
游泳池預約
跟大部分香港嘅酒店目前防疫措施下情況相若，游泳必需預約，並需要辦理入住手續後方可預約，預約地點是LG層的健身中心(而非泳池)，每節1小時30分，其實去年夏季阿迪哥都入住過好幾次，但每逢周末泳池嘅沙灘椅總是被一啲識途老馬長時間佔據，由晨曦直到入黑，跟本連等位基本上都極難，所以今次入住係阿迪哥首次能夠真真正正享用泳池，預訂措施非常好、至少做到人人平等，再無椅霸出現，加上人流管制、人數設上限就不會太擠擁、兼且又安全。
 |
| 游泳池每日開放時間 |
 |
| 預約泳池需要前往LG層的健身中心 |
 |
| 游泳池 |
 |
| 游泳池 |
 |
| 游泳池 |
 |
| 阿迪哥終於可以好好享受JW泳池 |
 |
| 由於人流管制，游泳池不會擠擁 |
 |
| 防疫措施下按摩池暫時關閉 |
萬豪金殿
阿迪哥今次住嘅重頭戲就係要一嘗萬豪金殿嘅晚餐，先介紹一下萬豪金殿及行政總廚鄧家濠嘅一些背景。
要數2021年人氣本港最高嘅中菜廚師肯定係香港JW萬豪酒店中菜廳萬豪金殿嘅行政總廚鄧家濠(Jayson)。
 |
萬豪金殿行政總廚鄧家濠先生 (圖片來自酒店官方Facebook)
|
今年1月當萬豪金殿被「香港澳門米芝蓮指南2021」評為一星餐廳後，鄧家濠便立即人氣爆升，Jayson是一位非常年青的中菜行政總廚，從中華廚藝學院學成後Jayson曾於本港多家高級食府工作及學藝，當年以二十來歲之齡成為The Mira旗下米芝蓮推薦食府國金軒擔任主廚成為一時佳話。
 |
| 萬豪金殿 |
 |
| 萬豪金殿榮獲多項獎項 |
 |
| 萬豪金殿 |
2016年當時才30歲的Jayson加入並掌舵當時已經有30年歷史的香港JW萬豪酒店萬豪中菜廳擔任行政總廚一職，以一位年青人能在一間歷史悠久的五星級酒店著名食府擔當行政總廚實在是一件了不起的事件，深信除了實力外、還需要不斷努力學習及有一定運氣才做就今天的成就。
2019年「萬豪中菜廳」由Jayson帶領下進行全面裝修及改革，裝修後正式重新命名為「萬豪金殿」，在他的掌舵下以嶄新面貌及新菜式呈現，並最終於2021年被評為米芝蓮一星食府，為餐廳及鄧家濠師傅加冕。
 |
| 「香港澳門米芝蓮指南2021」萬豪金殿評為一星餐廳 |
【萬豪金殿晚餐】
阿迪哥今次品嚐嘅菜式响以下逐一介紹。
萬豪貴妃叉燒、鹵水釀墨魚
各大酒店中菜廳要贏就首要贏在叉燒，靚嘅叉燒必須有三大元素： 爽軟、無筋、肥瘦適中，萬豪金殿呢個萬豪貴妃叉燒完全符合三大要素；迷你嘅鹵水墨魚內釀入咗鹹酸菜蔥油，味道複雜到唔識形容，最簡單嘅兩個似係“好食”！
 |
| 萬豪貴妃叉燒 |
 |
| 鹵水釀墨魚 |
金影玉玲瓏
蒸蛋上放上兩件龍蝦肉，上枱後由服務人員灑上玫瑰露浸過嘅烏魚子再烘乾、然後再磨碎，賣相已經滿分。
 |
| 金影玉玲瓏 |
艇皇竹笙鮮魚湯
呢個湯嘅製作方法係師傅每日用新鮮星斑製作湯底、湯入面嘅材料除咗竹笙之外仲包括海蜆、超大虎蝦乾及素千層，魚湯湯底非常香濃，配上以上嘅食材令個湯鮮味倍增。
 |
| 艇皇竹笙鮮魚湯 |
 |
| 艇皇竹笙鮮魚湯配料含有海蜆、虎蝦乾及素千層 |
龍蝦粒蟹肉焗釀蟹蓋
每間酒店中菜廳必食焗蟹蓋，基本上呢個菜式難食極都有限，不過要跑贏大市就必須別出心裁，萬豪金殿呢個焗蟹蓋採用阿拉斯加蟹肉，肉質鮮甜、質感一絲絲，最特別係對比起其他酒店佢更加入咗龍蝦粒，配上香濃嘅忌廉汁同埋洋蔥，阿迪哥形容完後、您應該都已經感受到有幾回味吧？
 |
| 龍蝦粒蟹肉焗釀蟹蓋 |
 |
| 釀蟹蓋裡面充滿阿拉斯加蟹肉及龍蝦粒，品嚐時超滿足！ |
杏仁濃湯煎花膠
炆花膠阿迪哥就食過，但係食煎花膠就第一次，將大大塊嘅花膠煎乾佢、口感Q彈煙韌加上焦香味道，然後淋上杏仁湯，本身塊花膠已經煎得好香、配上香濃嘅杏仁湯一齊食口感滿分，整頓晚餐阿迪哥認為呢個菜式最好食。
 |
| 杏仁濃湯煎花膠 - 服務人員上枱時先至灌入香濃嘅杏仁湯 |
 |
| 杏仁濃湯煎花膠 |
鬼馬咕嚕肉
呢個咕嚕肉有幾鬼馬呢？原因係其中一件疑似咕嚕肉其實係油條包住蝦膠，而其他幾件真正嘅咕嚕肉味道發揮正常。
 |
| 鬼馬咕嚕肉 |
白玉藏珍
冬瓜入面釀咗蟹肉、菇菌及蓮子，上面鋪上火腿及蜜糖豆，而底部就鋪滿時令嘅莧菜，係當日最清新嘅一個菜式。
 |
| 白玉藏珍 |
 |
| 白玉藏冬瓜內釀入蟹肉、菇菌及蓮子 |
奶蓋開心果露、陳皮豆沙角
呢個甜品真係不得了，本身阿迪哥好鍾意食開心果，開心果露裏面有紅豆及珍珠藻，上面鋪有台灣奶蓋及開心果碎，奶蓋嘅鹹香再配上開心果露嘅甜、溝埋一齊口口感獨特，阿迪哥極喜歡呢個甜品，另外陳皮豆沙角陳皮味好濃，炸得好乾身，不過阿迪哥唔係太喜歡陳皮味搶走紅豆味，而且實在太喜歡旁邊嘅開心果露，對比之下豆沙角就有點平凡。
 |
| 奶蓋開心果露及陳皮豆沙角 |
整頓晚餐非常美味，上菜時服務人員亦逐一人簡單介菜式嘅煮法及用料，阿迪哥十分回味。
 |
| 阿迪哥於萬豪金殿留影 |
整體觀感
今次入住可能因為已經過咗去年staycation入住率嘅高峰期，感覺無論前台、行政酒廊及JW Café嘅服務人員水平都提升了不少、加上食物質素水平保持高質，阿迪哥對今次入住體驗非常滿意。
👉 按此進入酒店官網預訂住宿
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (
按此)
● Hilton - 希爾頓集團官網 (
按此)
● Accor - 雅高集團官網 (
按此)
● IHG - 洲際集團官網 (
按此)
● Hyatt - 凱悅集團官網 (
按此)
● Shangri-La - 香格里拉集團官網 (
按此)
● Radisson - 麗笙酒店集團官網 (
按此)
● Best Western - 貝斯特韋斯特國際集團 (
按此)
沒有留言:
張貼留言