襯著Sheraton Hong Kong Hotel & Towers還未重新成為檢疫酒店前作最後衝刺，阿迪哥預訂Member Rate Savour to the MAX負房價住宿套票👉(詳情按此)，使用餐飲消費額享用雲海日本料理著名鐵板燒晚餐。
雲海日本料理位於酒店3樓，分別設有6個用餐區域，包括開放式鐵板燒區、私人鐵板燒、壽司清酒吧、雅間、榻榻米區間及主用餐區，餐廳以日本竹林風格設計，主用餐區亦用以很多屏風間隔、因此亦很有私密度。
 |
| 開放式鐵板燒區 |
 |
| 壽司清酒吧 |
 |
| 主用餐區域 |
 |
| 餐廳以日本竹林風格設計 |
雲海的大阪鐵板燒午餐放題是這間餐廳最熱門的料理項目，一般預訂至少要提早一、兩個月，不過預訂住宿套票消費額就不能使用於午餐放題，因此阿迪哥就利用消費額用於鐵板燒晚市套餐。
阿迪哥今次點選咗「赤坂」鐵板燒晚市套餐，套餐項目包含：
● 頭盤
● 刺身
● 沙律
● 青龍蝦
● 澳洲鮑魚
● 美國西冷或薄燒
● 雜菜
● 炒飯，龍蝦頭麵豉湯
● 甜品
 |
| 「赤坂」鐵板燒晚市套餐 |
因為享用鐵板燒，因此阿迪哥選擇開放式鐵板燒區域用餐，大阪鐵板燒是雲海的主打項目，一邊欣賞鐵板燒廚師充滿自信、純熟及精湛的廚藝，每道菜色介紹及建議醬汁、與及跟廚師的眼神交流，加上美食體驗充滿著五感享受。
 |
| 廚師純熟地煮理鐵板燒食物 |
廚師會因應客人每道菜的享用節奏而開始烹調每一道菜式，每每當每一道菜式差不多食完、下一道菜式就準備好。
用餐開始時職員先奉上沙律及頭盤，沙律的清新和風醬汁做得很好，而頭盤分別有枝豆、芥末螢光魷魚及昆布卷，當中最好味係昆布卷、外表好似港式點心嘅芝麻卷，但其實係以昆布包住三文魚，食得一小件真係唔夠喉。
 |
| 頭盤及沙律 |
跟隨頭盤之後嘅係新鮮刺身。
 |
| 刺身 |
而主角鐵板燒項目每位套餐包半隻青龍蝦、澳洲鮑魚薄切及美國西冷，阿迪哥詞窮了，只知道龍蝦好新鮮、因為鮑魚薄切咗所以非常彈牙，美國西冷就不要期望太高，若果對牛肉有要求建議加錢升級澳洲和牛或鹿兒島和牛，廚師在泡製牛扒前會先詢問客人需要幾多成熟，阿迪哥選擇半熟，不過最終嘅製成品應該超過medium，因此建議大家唔好要求太熟。
 |
| 青龍蝦 |
 |
| 澳洲鮑魚 |
 |
| 美國西冷 |
之後來到飽肚項目，炒雜菜用來中和之前食嘅肉類，味道是可以的、但雜菜就是雜菜，不會太過驚喜，炒飯用上好多雞蛋及洋蔥，所以炒得好香、兼且火候十足，龍蝦頭麵豉湯用上之前半隻龍蝦嘅龍蝦頭，賣相雖然非常吸引、不過龍蝦頭根本就沒有跟麵豉湯溶和，喝湯時根本就沒有帶一點龍蝦味道。
 |
| 雜菜及炒飯 |
 |
| 龍蝦頭麵豉湯 |
甜品可選擇水果或雪糕，雪糕口味有很多款， 包括一般嘅雲呢拿、朱古力外，其實還有豆腐味，阿迪哥本想選擇豆腐味雪糕 ，但礙於因為拍照方面綠茶雪糕拍出來會比較吸睛，因此今次阿迪哥就選擇咗綠茶雪糕。
 |
| 綠茶雪糕 |
今次並非阿迪哥第一次响雲海用餐，若果甜品選擇水果其實都只係平平無奇的普通蜜瓜、西瓜及菠蘿之類，雪糕就只係得一球、以咁嘅價位其實甜品可以兩者兼得亦不為過。
總括嚟講阿迪哥對呢一餐食得好滿足而且很飽、很飽、很飽，食物質素普遍水準很高、再加上服務員嘅服務及廚師嘅專業令到呢個晚餐體驗提升不少。
阿迪哥提提您
响2021年6月18日或之前入住仍然可以訂到Member Rate Savour to the MAX負房價住宿優惠，要留意搜尋房價時於酒店官網👉(按此)，搜尋房價時响“Special”位置內的“Corporate/Promo/SET#”欄位輸入優惠代碼：8AP
Member Rate Savour to the MAX住宿套票價錢由$1,235起+10%，費用包含： 豪華客房一晚(Deluxe Room)、$1,300餐飲消費額、中午12:00提早辦理入住、下午14:00延遲退房及雙倍積分。
若果不輸入“8AP”優惠碼的話所顯示嘅套票價錢會貴咗幾十蚊、同埋最重要嘅係冇咗雙倍積分。
直接進入酒店專屬頁面搜尋比較容易：👉 按此進入酒店官網及訂房
阿迪哥覺得香港喜來登酒店好幾間餐廳都好高質，除咗雲海日本料理外，仲有天寶閣及蠔酒吧都好出色，大家記住訂房之後盡早聯絡酒店向訂餐廳訂枱。
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言