Hilton Honors - 希爾頓美國酒店金卡及鑽卡會員免費早餐待遇以餐飲消費額取代【實施日期：2021年7月初至12月31日】

 

本身呢件事就唔係好關我哋嘅事(除非有位處美國讀者)，不過希爾頓都係酒店界領頭羊之一，或多或少可能反映酒店會員計劃未來嘅趨勢？

希爾頓對今次嘅改動嘅回應係有會員要求之下希望早餐待遇更富彈性，即使瞓晏咗唔食早餐都可以將餐飲消費額使用於其他時段嘅餐飲之上。

以下係今次將位於美國嘅酒店金卡及鑽卡會員免費早餐待遇以餐飲消費額取代嘅詳情：

● 實施日期：2021年7月初至2021年年底
● 餐飲消費額以每位住客計、每房最多兩位
● 餐飲消費額可使用於酒店內所有餐廳、酒吧或客房送餐服務，不限時段
● 餐飲消費不可累積、不能滾存到第二天，過期作廢
● 會員所獲得的消費額不同品牌及城市均有所不同
● 跟現有會員待遇相同，金卡會員可選擇歡迎積分或餐飲消費額(2選1)、而鑽卡會員則可以兩者兼得

金卡及鑽卡會員餐飲消費額金額：

● 每位住客US$25 - Waldorf Astoria、LXR及Conrad品牌
● 每位住客US$12 (*高消費城市US$15) - Hilton、Signia、DoubleTree、Curio Collection、Tapestry Collection、Canopy及motto品牌
● 每位住客US$10 - Hilton Garden Inn品牌

*高消費城市：波士頓、芝加哥、華盛頓DC、紐約市、三藩市、洛杉磯及夏威夷

👉 按此進入相關待遇更新官方頁面

希爾頓應該係搵過精算師計過條數，以上嘅餐飲消費額若果用於食早餐相信每人只可以食一個牛角包及一杯熱啡，本身美國酒店提供嘅免費早餐都頹，今次改動可能未必係有宇宙毀滅性嘅影響，可能今次只係期間限定希爾頓以疫情保護罩之下試水溫，但若果將來有可能伸展到全球、或者其他酒店集團有樣學樣，將會係酒店會員計劃嘅噩耗。

👉 按此進入希爾頓官網預訂住宿

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)