Shangri-La - 香格里拉會員計劃宣布全新只限內部邀請帝星級會籍及2022年1月起會員計劃改革

 

香格里拉會員計劃本身只有三個會員級别，分別係白板會員Gold、中階嘅Jade及高階嘅Diamond，而集團剛剛宣佈將會再加多一個只限內部邀請提升嘅會籍級別：帝星級(Polaris)，會員福利超正！不過呢啲都係別人的會籍，冇乜事迪迪都係出番去，另外亦同時宣佈明年一月會員計劃將會改革會員福利及大規模品牌重整，並重新命名為香格里拉會(Shangri-La Circle)取代貴賓金環會(Golden Circle)。

香格里拉沒有透露Polaris會籍級別的所需要求，只描述是需經內部邀請，但金錢肯定是王道，會籍的福利如下：

● 即使非入住期間亦可享用集團酒店設施，包括行政酒廊、健身室、泳池及會議室
● 彈性辦理入住時間，最早凌晨12:00；及彈性退房時間最遲下午6時
● 私人禮賓服務
● 每年10次客房升級，包括套房
● 免費接機服務及單程機場接送至酒店(包括香港、新加坡、北京及上海)，每年上限12次
● 每次入住可享用四小時免費專車服務
● 可提名一位家庭成員獲得讚卡會籍一年
● 根據會員興趣邀請參加全球特別活動
● 邀請參加香格里拉酒店舉辦之獨家活動，包括米芝蓮星級餐飲活動

唔需要入住都可以每日去酒店Club Lounge呃飲呃食、使用泳池、凌晨12點early check-in簡直就係迪迪人生嘅終極目標，不過都係FF好喇，我不想努力了...

帝星級(Polaris)，會員福利

另外在相關網站亦透露2022年1月份香格里拉會員計劃將會進行品牌重整及推出嶄新嘅會員權益，不過暫時就未透露任何相關資料，睇落好似係驚驚，明年一月起會員計劃將會改名為香格里拉會(Shangri-La Circle)取代貴賓金環會(Golden Circle)，大家拭目以待。

會員計劃將會改名為香格里拉會(Shangri-La Circle)取代貴賓金環會(Golden Circle)

👉 按此進入香格里拉會Polaris會籍頁面

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)