阿迪哥約咗朋友銅鑼灣食晏，本身打算响柏寧酒店Park Lane Hong Kong, a Pullman Hotel地下EBB & FLOW酒吧食個簡單午餐就算，但星期日餐廳滿座(然而目見長期好多吉枱)，星期日銅鑼灣實在太多人，唔想周圍走，再問Playt自助午餐有冇死雞亦是撲空，酒店只有3家餐廳，最後的唯一選擇是位於酒店頂層27樓的Skye餐廳及露天酒吧。
當日的午餐只有節慶早午餐(Festive Brunch)一個選擇，每位價錢$580+10%，Accor Plus會員75折，叫得Brunch迪迪仲以為係假日早午自助餐，原來其實係四道菜嘅節慶早午餐。
 |
| 四道菜嘅節慶早午餐 |
 |
| 四道菜嘅節慶早午餐 |
Skye位於酒店27樓屬於現代法國餐廳，可以眺望維港及俯瞰港島附近景色，而且枱與枱之間保持一定距離，環境優雅舒適。
 |
| Skye |
 |
| Skye |
 |
| Skye餐廳外景觀 |
坐下來職員先送上熱辣辣麵包，當中嘅薯蓉麵包類似港式麵包店嘅麵包，實際上非常好食。
 |
| 餐前麵包 |
頭盤迪迪最難選擇，最終因為「綠茶」因此選擇咗綠茶煙燻三文魚，布拉塔芝士，煙三文魚上面灑上綠茶粉末，但其實完全吃不出綠茶味道、而且三文魚偏瘦、很沒有什麼油脂亦很乾，實屬一般貨色，唯布拉塔芝士不錯。
 |
| 頭盤：綠茶煙燻三文魚，布拉塔芝士 |
第二道菜選擇咗香煎鴨肝，鴨肝煎得火候剛好、上面鋪滿蘑菇、夾埋一齊食很有層次感，但食落有些油膩， 若果底下鋪一層法式多士相信會更好。
 |
| 第二道菜：香煎鴨肝 |
主菜則選擇了200日穀飼牛柳、第戎芥末醬，阿迪哥選擇半熟火候剛剛好，塊牛柳嫩滑juice，牛味亦香濃，不過實在太細塊，仲要額外加$50，CP值不高，不過配菜內嘅燻肉、嫩洋蔥、甘荀配上紅酒汁很惹味。
 |
| 主菜：日穀飼牛柳、第戎芥末醬 |
最後一道菜的甜品可以在法式甜品車隨意任選，賣相滿分，感覺很回本呢，但迪迪的朋友年紀都有番咁上下，因此甜品方面都只能點到即止，迪迪只選擇咗幾款，包括味道非常香濃嘅朱古力蛋糕，若果並非要控制甜品量否則一定食多兩件，仲有法式燉蛋cream brulee都不錯，但甜度就略為多咗少少。
 |
| 法式甜品車 |
 |
| 甜品 |
總括嚟講呢餐周末午餐阿迪哥和友人都非常享受，畢竟環境非常舒適、餐廳很有空間感、景觀開揚，Accor Plus折扣後CP值尚算OK。
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言