台中經典半天遊：彩虹眷村、宮原眼科、高美濕地

 

阿迪哥去旅行未必一定去景點，最重要可以體驗下當地人嘅生活、或者宅吓酒店最開心，不過去到一個第一次去嘅地方都總會花少少時間去一啲必去嘅旅遊景點，所以嚟到台中彩虹眷村及高美濕地就係必遊嘅打卡位。

經過研究之下去彩虹眷村最方便係搭的士，由阿迪哥入住嘅酒店Moxy Taichung (👉按此)單程的士只不過TWD200台幣左右(約HK$50)。

至於高美濕地就比較麻煩，先要坐高鐵到市政府站、然後再轉309號巴士，全程差不多都要兩個小時。

於是阿迪哥就睇睇KKday有無相關行程，最終就搵到一個對於阿迪哥真係完美嘅行程，因為只需參加半日遊就可以一次過遊覽呢兩個著名景點，價錢每位只需HK$185，對於獨行俠或小組旅行最適合。

由於已經踏入冬季時間，出發是下午14:00在高鐵台中站集合。

行程是：

    1.高鐵台中站集合
    2.彩虹眷村
    3.宮原眼科
    4.高美濕地
    5.完團可以選擇高鐵台中站或逢甲夜市下車

阿迪哥選擇逢甲夜市下車，完團後正好去夜市掃街當晚餐。

若果唔需要遊彩虹眷村的活亦可選擇下午15:30於台中火車站附近嘅宮原眼科上車，之後就直接前往高美濕地，完團事業可選擇高鐵台中站或逢甲夜市下車，呢個行程每位只需HK$147，淨係當作來往交通都抵。

冬天時間會响下午14:00高鐵台中站7號出口會面點4集合

落電梯左手邊係的士站、右手邊出先至係集合點

一樓載客區行出去

在會面點4準時集合

穿住KKday湖水藍顏色制服嘅司機導遊會迎接大家

第一站係彩虹眷村

司機導遊好親切、仲非常主動幫忙拍照

第二站係宮原眼科，建於1927年的宮原眼科是由日本眼科博士宮原武熊所興建，也是日治時代台中規模最大的眼科診所

現在宮原眼科已經由台中知名糕餅店保留原有建築物重新改裝，最知名就係雪糕

宮原眼科冰淇淋

下一站就係今次行程嘅重點高美濕地，同其他司機唔同，通常其他司機都會喺景點嘅停車場等客人，但KKday呢位導遊就一直陪同行到去濕地

司機導遊非常主動幫忙拍照

仲會教大家擺不同嘅動作

離開前回望高美濕地，的確非常美麗

最後阿迪哥選擇响逢甲夜市下車，半日行程輕鬆完成，之後在夜市掃街當晚餐

👉 按此進入KKday預訂行程

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)