Qatar Airways - 信用卡積分轉換卡塔爾航空Avios額外30%獎賞【活動日期：即日起至2023年11月10日】

 

卡塔爾航空再次推出銀行積分轉換為卡塔爾航空Privilege Club嘅Avios可獲享期間限定額外30%獎勵，卡塔爾航空里數單位自從改為Avios係，會員就可以隨時轉到自己嘅英航帳號內，但當然兩個帳戶嘅姓名要完全一致。

活動詳情

● 活動日期：即日起至2023年11月10日

👉 按此進入活動主頁

在推廣活動日期內，由銀行信用卡積分轉換為卡塔爾航空Avios可享受額外30%獎勵Avios，以香港市場為例，可以將信用卡積分轉為卡塔爾航空Avios跟行只有匯豐EveryMile(👉按此申請)信用卡及Citibank。

今次活動抵唔抵？

如果想使用Avios兌換國泰航空機票大家就需要三思，雖然換得嚟嘅卡塔爾航空Avios可以轉換到自已嘅英航Executive Club帳號之內，過去英航有短途之王稱號，但過去幾年兌換準則已經改變好幾次，現在兌換國泰短途航班已經比國泰Asia Miles所需里數為高，另外使用卡塔爾航空Avios兌換短程航班雖然比起用Asia Miles為低，但稅項會比透過Asia Miles或英航Avios為高，因此計計成本亦未必絕對抵，而且某啲航班國泰只放位畀自家會員兌換，有時想將自己手上嘅Avios用來兌換都不行。

以上結論只係適用於Avios兌換國泰，至於用嚟換其他寰宇一家航班又是另一個課題，就例如卡塔爾會留一些兌換機位給自家會員可使用雙倍Avios兌換。

如果大家真係好想透過今次活動累積多一啲 Avios的話，而又擔心手上嘅Avios又冇乜作為，阿迪哥以自己有限知識列出下情況Avios會比Asia Miles 優勝：

● 如果由香港出發，兌換國泰及日航以外嘅寰宇一家成員亞洲區內短途航班，英航Avios會比國泰Asia Miles有優勢，例如兌換日本航空單程經濟艙/商務艙Asia Miles所需里數為17,500里/37,000里、而使用英航Avios則只需14,000里/31,200里；或者兌換馬來西亞航空香港-吉隆坡之間的航班英航Avios亦較有優勢。

● 使用英航Avios兌換日本航空單程特選經濟艙Premium Economy只需21,450 Avios，而Asia Miles就直情不能兌換日航Premium Economy客艙。

● 如果由英國出發往歐洲其他城市，英航的Reward Flight Savers兌換可以將現金部分的機場稅及燃油附加費等大大減低。

● 卡塔爾航空的商務艙及頭等艙有時候比較難兌換得到，但某啲情況之下當基本里數機位被其他乘客兌換完後，卡塔爾航空會釋出一些需要比畀正常所需要里數雙倍的頭等或商務艙機位供自家Privilege Club會員兌換，雖然唔係最抵，但仍然是一個方法可以兌換到自己心儀嘅航班。

利申：阿迪哥今次就唔會換，因為以目前地標香港Asia Miles响大部分情況下都比Avios有優勢、而且仲有一定數量存貨，況且自己極少機會兌換日航航班。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)