馬爾代夫過境酒店攻略

由香港出發去馬爾代夫最常見係坐國泰或香港航空嘅直航航班、或者坐新加坡航空响新加坡轉機，三條航線都有一個共通點，就係全部都係夜晚先到步，講到呢度阿迪哥先介紹一下由馬里機場去度假島主要嘅三個交通方式先：

●【快艇】服務只限於首都附近South Male Atoll 、 North Male Atoll內的酒店、或少部份North Ari Atoll酒店亦有快艇可選。

快艇

●【水上飛機】服務South Male Atoll及North Male Atoll兩個環礁以外的酒店

水上飛機

●【內陸民航客機 + 快艇接駁】South Male Atoll及North Male Atoll兩個環礁以外的酒店通常會有這個交通選項及水上飛機(水上飛機費用比較貴)、或者一啲距離首都很遠，連水上飛機服務不到的酒店。

內陸機

由於水上飛機只會响日間航行，所以當航班晚上到達馬爾代夫就必須先住一晚過境酒店、然後到翌日早上先至可以坐水上飛機入島；而內陸客機雖然晚上都會有航班，但顧慮到坐飛機、再轉船，去到酒店都已經肯定過凌晨，咁倒不如抵步當晚先住過境酒店、到翌日早上先輕鬆入島吧！另外，可以坐快艇入島嘅酒店距離馬里機場比較近，所以絶大部份情況下24小時無論幾點鐘酒店都可以安排接送，但現今咁講求性價比嘅年代，好多朋友都會覺得夜媽媽入到島就咁就浪費咗一晚咁貴嘅酒店會好蝕，因此都會先住一晚過境酒店。

好喇，同大家上完交通課程，輪到上地理堂喇，馬爾代夫首都圈主要分為四個部份，分别係：

【一】馬里島 (Malé)：呢度係首都經濟、政府核心嘅地方；
【二】機場島 (Hulhule Island) ：整個島就係機場、包括內陸機及水上飛機升降；
【三】Hulhumale：這是一個面積很大、填海返來嘅人工島；
【四】Villingili：是首都圈最寧靜、最悠閒嘅地方，但由於只能坐渡輪由馬里前往，因此一般都不會以此作為過境一晚住宿地點，本文亦不會特别介紹此島，但阿迪哥隨後會再發表一篇專講Villingili嘅文章。

Hululmale 人工島位於機場島東北，兩島有陸路連接、馬里位於機場島西南面，兩島之間有一條由中國及馬爾代夫聯手興建的「中馬友誼大橋」連接，而馬里分別有渡輪前往另外三個島。

google map

【選擇機場島留宿】

● 優點：車程近、機場酒店屬五星級配套齊全、有酒店私人沙灘。

● 缺點：機場島只有一間酒店、沒其他選擇、酒店價錢最貴、而且較舊。

酒店選擇：

● Hulhule Island Hotel (按此進入酒店官網)

Hulhule Island Hotel官網

 

【選擇Hululmale留宿】

● 優㸃：旅館價錢最便宜、大部份旅館都在沙灘旁邊、沙灘旁有很多餐廳感覺會比馬里休閒及較有度假氣氛；區內有小型商店售賣必需品、可供入貨到度假島。

● 缺點：區內沒有真正國際標準酒店，全部都係旅館。

酒店選擇：

● Ocean Grand Maldives (按此訂房)
● Paralian Hulhumalé (按此訂房)
● White Harp Beach Inn (按此訂房)
● Pine Lodge (按此訂房)
● Airport Beach Hotel (按此訂房)
● H78  (按此訂房)
● Vista Beach Retreat (按此訂房)

Ocean Grand Maldives

  

Paralian Hulhumalé官網

Hulhumalé

Hulhumalé

Hulhumalé

【選擇馬里留宿】

● 優㸃：島上擁有首都圈內唯一一間國際性品牌酒店而且價錢比機場酒店便宜；島上有大型超市及很多紀念品店方便購物；島上亦有魚市場、伊斯蘭中心、總統府...等景點。

● 缺點：人多車多、路窄、亦有可能會塞車，除Hotel Jen以外大部份旅館房費都不包括機場接送費用。

酒店選擇：

● Hotel Jen Malé by Shangri-La (按此訂房)
● Maagiri Hotel (按此訂房)
● The Somerset Hotel Maldives (按此訂房)
● Somerset Inn (按此訂房)
● Hotel Octave Maldives (按此訂房)
● Hotel Samann Grand (按此訂房)

Hotel Jen Malé by Shangri-La

The Somerset Hotel Maldives官網

馬里

馬里

馬里

由於阿迪哥並非以上每間酒店都住過，所以不作個别評論，以上選取的都係一啲响評論一般比較正面、外觀比較簡潔，然後揀選出來，目的志在收窄範圍俾大家再詳細研究。

【上網卡】

由於鴨記沒有馬爾代夫上網卡買，如有需要可以在馬爾代夫機場購買，出接機大堂右手邊不遠有兩間連在一起嘅電訊公司ooredoo及dhiraagu，但只收美元或當地貨幣Rufiyaa現金，營業時間至晚上23:00。

ooredoo及dhiraagu

ooredoo上網卡價錢

dhiraagu上網卡價錢

營業時間