Hilton特選會員3倍積分(但部份非特選會員亦能註冊成功)【入住日期2019年6月30日前】

Hilton經常都個對某啲特選會員寄出電郵送上定向活動(Targeted offer)，特選會員通常係一啲近期少入住、或者甚至近期無入住紀錄嘅會員，死忠會員只能葡萄，但今次呢個3倍積分定向活動、即使無收到電郵嘅會員亦有成功註冊嘅個案。

阿迪哥並非特選會員，但試過用自己戶口亦能成功登記：

註冊成功後，活動亦出咗响自己帳戶“My Offers”版面之內：

但係顯示响“My Offers”裡面係呢個特選會員活動係直至到2020年3月30日，不過註冊主頁就話活動入住日期只係去到2019年6月30日前，Hilton嘅IT出名渣嘅，相信邊一版請自行判斷了。

但亦有家人嘅戶口係登記失敗嘅：

留意呢個活動係一次性，只會响註冊後嘅下一次入住有3倍積分(2019年6月30日前入住)，建議有房費比較高嘅入住情況下前先好註冊，咁樣就可以獲取較多積分，而且可以叠加Q2嘅go more, get more雙倍積分活動(按此)，識玩嘅當然同時玩埋FHR或Hotel Collection賺多$100美金飲食消費額(按此)、仲有加埋美國運通卡現金回贈(按此)！

當然所有酒店推廣活動都必須透過酒店官網或官方App預訂、而且仲可以累積埋SNP(按此)，透過OTA訂(例如：Expedia、Agoda、booking.com)係唔會合符資格架！

按此進入活動主頁及註冊

雖然有網友報告成功註冊並獲取3倍積分，但由於阿迪哥就無親身實測過，畢竟呢個活動係特選會員專享的，自古成功在嘗試、所以如果大家註冊入住完之後無收到3倍積分嘅話就隨緣吧！