Lounge Review：新曼谷國際機場 - Turkish Airlines Lounge

在新曼谷國際機場土耳其航空貴賓室剛於今年2019年3月開幕，由於位置頗為偏僻、可能好多乘客都唔知道有呢個lounge嘅存在，加上新曼谷機場可以用Priority Pass及Lounge Key嘅貴賓室有唔少選擇，所以阿迪哥使用期間人流很少、感覺非常舒適。

【位置及使用資格】

貴賓室位於Concorde D、近D8閘口。

Priority Pass及Lounge Key持卡人均可進入，當然還有Star Alliance成員嘅精英會員及商務及頭等艙乘客。

【設計及坐位】

阿迪哥進入貴賓室第一個感覺是很有空間感、而且只有幾個乘客，坐椅非常充足、感覺十分舒適，平時响新曼谷國際機場使用開國泰Lounge嘅朋友一定會感受到空間感的重要性。

【食物及飲品】

一共提供三款熱食，青咖喱雞、炒椰菜花及茄汁雞(又係雞)、還有粟米濃湯及白飯 ，食物台的另一面有三文治及沙律，另一張食物台供應薄餅及各式非酒精飲品，並且仲有土耳其咖啡及茶，另外酒吧有提供酒精飲品。

 

【設施】

男、女洗手間各有一個沖涼房，但一般情況下係鎖上的，使用前通知職員安排。

貴賓室亦有一個Business Center嘅空間

【整體觀感】

Turkish Airlines Lounge真係一個响曼谷機場嘅一片靜土，雖然食物選擇不算多，但係如果只求找一個寧靜、舒適嘅環境確係一個好選擇。