【更新】Hilton Honors - 希爾頓註冊後90日內入住4次即升金卡！

其實呢個快速升級一直都存在，不過如果目前成功升金後會籍有效期會到2022年3月。

阿迪哥對希爾頓又愛又恨，愛係佢對中階(Gold)會員對比起其他酒店集團計劃好，最基本就係保證入住集團內所有品牌都會送兩位早餐、積分又容易賺；恨佢係佢嘅績分兌換住宿係採用價格浮動dynamic pricing，有可能用幾十萬分先換到一間Deluxe Room，而另一樣對佢不滿係Elite會籍實在太容易獲得，例如若然居住响美國只要申請一張Hilton聯營信用卡、每年付$450美金年費就可以一直擁有最高級嘅Diamond會籍，對於一啲每年含住血去跑30個stays或60晚保級嘅會員實在非常洩氣！

至於住响我哋香港最容易、簡單獲得希爾頓Gold會籍嘅方法我諗好多網友都知道係申請一張$7,800年費嘅AE白金charge卡(或者搵人比張附屬卡您)，但係若果您覺得$7,800年費唔值、又或者暫時未符合申請呢張卡嘅資格、而且手上又無其他酒店合資格會籍可以向希爾頓申請會籍挑戰的話...其實阿迪哥另有方法可以响90日內入住4次(4 stays，非4晚)就可以即升希爾頓Gold，若果响2019年內住何日子完成，會籍將會有效到2022年3月！

常見問題：如果同一日check-out再check-in同一間酒店都只係計1個qualifying stay (一次入住)。

👉 按此進入活動主頁並進入註冊

【MVP Fast Track to Gold活動】

會員必需於首次入住前於活動網址註册，註册後於90天內完成4次(4 stays)入住即可晉升為金卡會籍，跟據以往經驗無論是付費入住或以積分兌換住宿，只要係响希爾頓官方渠道作預訂均是有效住宿。成為希爾頓金卡後入住可獲之待遇建議可以👉(按此)重溫一下呢篇文章。

跟據註冊條款，會員必須是運動管理員，運動員或附屬於體育實體，體育相關公司，體育團體或活動之人仕。

**此活動雖為體育界人士而設，但其實任何人皆可註冊參加。

👉 按此進希爾頓官網及預訂房間

據以往經驗，有關的活動網站會隨時關閉，因此如有此需要可考慮盡早註冊入住。

【同時間進行嘅希爾頓集團優惠活動】  

● Hilton Honors - 入住兩次可獲5,000獎勵積分【即日至2020年12月31日】(按此)

● Hilton Honors - Points Unlimited (2020年Q1)積分活動【2020年1月6日至2020年5月3日】(按此) 

● Hilton高階會籍挑戰【成功完成挑戰後會籍有效期至2021年3月】(按此)

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com