Marriott Bonvoy - 購買積分促銷(50%獎勵+全年購買上限加倍)【優惠期由即日至2020年3月25日】

萬豪終於推出今年首次購買積分促銷，而且亦係Marriott Bonvoy誕生以來成本價最低嘅一次，去年嘅每次積分促銷均以價錢折扣形式、但今次就以bonus額外奬勵形式去玩。

【活動詳情】

購買2,000分或以上可獲額外50%奬勵積分，原價每1,000分為USD12.5(=約HKD97)，例如購買10,000分係USD125(=約HKD971)、50%獎勵後共可獲取15,000分，因此今次促銷價是每1,000分=USD8.33 (=約HKD65)。

【活動條款】

● 優惠期由即日至2020年3月25日

● 每位會員曆年購買積分上限50,000分(透過今次促銷買盡50,000分、奬勵後共可獲取75,000分的價錢是USD625=約HKD4,856)，但若果响3月25日前購買，今次可將上限可增至100,000分、即係共得150,000分，如果真係要買盡佢就必需分開兩次購買。

● 新開帳號必需夠30日、並且在30日內有合資格入住紀錄方可購買積分；或開戶後夠90日則無需入住紀錄亦可購買積分。

今次係Marriott Bonvoy成立以來第四次積分促銷，而亦係成本最便宜嘅一次：

第1次：2019年4月至5月(75折) 1,000分 = USD9.38 👉(按此)
第2次：2019年9月至10月(7折) 1,000分 = USD8.75 👉(按此)
第3次：2019年11月至12月(7折) 1,000分 = USD8.75 👉(按此)
第4次：2020年2月至3月(50%奬勵) 1,000分 = USD8.33 (今次)

👉 按此進入購買積分主頁

今次促銷每1,000分價錢是USD8.33(約港幣$65)，目前阿迪哥對Marriott Bonvoy積分嘅估值係1,000份為HK$63，因此今次促銷係非常接近估值，如果你問買分抵唔抵，咁一般响以下情況都可能會抵嘅：

● 尚欠少量積分兌換酒店、補夠埋佢
● 用來換一啲淡季積分但現金入住都唔會跌好多價嘅酒店
● 用來訂連續住5晚(只收4晚積分)

黎緊响2020年3月4日萬豪嘅積分兌換酒店等級將會調整👉(按此)，若果想趕緊响呢個日子前訂定即將提升Category嘅酒店，又未有足夠積分大家亦可考慮今次積分促銷。

若果會員今年已經購買超出100,000分上限而再想購買，可以利用家人/朋友嘅帳號購買，因為萬豪可以免費將積分轉到其他會員帳號 ，有關如何將積分轉到另一位會員帳號操作方法請👉(按此)。

阿迪哥覺得買分切忌用來囤積，如果有即時需要訂一啲心宜嘅酒店、計啱數先好買，否則啲分貶值咗就陰公豬了。

【同時間進行嘅萬豪集團優惠活動】

● Marriott Bonvoy - 會員於亞太區酒店用餐高達七折【即日至2020年6月30日止】(按此) 

● Marriott - 香港酒店早餐+1,000亞洲萬里通里數package【入住日期：即日至2020年3月31日】(按此)

● Marriott - 閨密出遊注意！台北W酒店「众樂樂」三人行住房專案【入住日期：即日至2020年3月31日】(按此)

● Marriott - ANA Mileage Club會員入住萬豪於日本、韓國、關島、夏威夷酒店可獲2,000 Marriott Bonvoy積分【即日至2020年3月31日】(按此)

● Marriott - Unlock Epic Stay亞太區酒店每次入住可獲5,000獎勵積分+酒店消費額【預訂日期：即日至2020年3月31日止】(按此)  

● Marriott Bonvoy - 新會員住兩次送一晚【活動日期至2020年2月28日】(按此)

● Marriott白金會籍挑戰【2018年9月1日至2021年12月31日】(按此)

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Expedia、Agoda、Hotels.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)

特價租車網站推介：Rentalcars.com