本身阿迪哥唔特別喜歡食粥，但兩個月前入住過The St. Regis Hong Kong之後就對佢早餐那碗原隻鮑魚雞粥念念不忘，重返抵步時雖然職員帶住口罩、 但亦能感受到口罩背後嘅笑容，抑或WhatsApp嘅e-Butler都滿口Welcome back to The House of Astor，感覺就如回家一樣、亦配合酒店設計師André Fu嘅客房設計為客人帶來家嘅感覺。
第二次入住唔會再寫完整體驗報告，只係更新一吓跟上次唔同嘅體驗。
「潤」半自助早餐
上次入住嘅早餐係屬於單點形式，但今次可能因為入住率回升，因此當日就改為半自助形式，但單點嘅項目依然不變。
今次阿迪哥亦試咗帶子瑤柱粥，不過相比起鮑魚雞粥就比下去、來得比較平凡。
點心拼盤依然好味： 至尊蝦餃、金蒜龍蝦春巻、蝦肉燒賣及荷葉糯米飯：
今次亦有嚐試St Regis Egg Benedict，內含菠菜、煙三文魚及魚子醬，不過鬆餅底唔夠鬆軟，有些失望...
果醬同埋蜜糖呢個陣、 造型賣相都已經滿分...
The Drawing Room午餐
阿迪哥今次亦試咗The Drawing Room嘅午餐、都幾抵食喎！
順便可以收藏埋The Drawing Room嘅別注版口罩套：
餐前麵包分别有迷你法包、乾蕃茄麵包及迷迭香麵包，後兩者特别好味。
阿迪哥完全不喜歡食煮熟嘅魚，今次嘗試衝破心理關口挑戰一下，因為頭盤同埋主菜都係魚！😂
頭盤係三文魚椰菜花奶凍
主菜係鱸魚伴蜆肉汁及青瓜蓉青咖哩，最終兩個菜式不單止合格，而且仲非常好味！
檸檬茶嘅檸檬去埋核，阿迪哥比100個like！
The Drawing Room服務同樣出色，每道菜式上菜時都有講解，而且亦不時問候口味是否合適，因為阿迪哥早已表達不吃熟魚、但餐廳副經理仍然很有信心地推介這道菜式，因此佢亦放下心頭大石😂
客房防疫用品
歡迎禮上次送上特濃朱古力蛋糕、 今次就送上西式小點拼盤...
晚上開夜床時用酒店品牌電線收納帶將充電線扎好，很細緻...
St Regis嘅標準沐浴備品Reméde...
疫情嚴重咗、萬豪酒店集團客房內附有口罩及酒精搓手液已成為新標準，但香港瑞吉酒店就再加持專屬口罩套，口罩套控又多一個收集目標。
香港瑞吉酒店客房內配備嘅另一款别注版口罩套...
口罩套背後印上兩個QR code，一個係Marriott Bonvoy新會員登記網頁、而另一個就係e-Butler服務、方便住客聯繫管家。
阿迪哥對今次入住依然非常滿意，如果有興趣重溫首次入住嘅體驗報告請👉(按此)
👉 按此進入酒店官網及訂房
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言