嘩！今次希爾頓活動堅料！可以有雙食，除雙倍積分外、仲有雙倍合資格晚數，變相如果透過Status Match住5晚可以升Gold Elite、住9晚升Diamond Elite！另外，今年所賺取嘅保級晚數亦會自動滾存到2021年！
【活動詳情】
● 入住日期(訂退房日期)：2020年9月8日至2020年12月31日
活動期間會員入住可以獲得雙倍積分及雙倍合資格保級晚數，今年所賺取嘅合資格晚數並且會自動滾存到2021年以供保級或升級之用(詳情請👉按此)。
👉 按此進入Double Rewards Bonus常見問題(FAQ)
Milestone Bonus
本身會員若果每曆年住滿40晚就會有額外10,000分奬勵，到達50晚再有另外10,000分，再到達60晚除10,000分外再會額外多30,000分獎勵(共40,000分)，之後每累積10晚會再多10,000分獎勵，今次活動嘅雙倍晚數亦能累計Milestone Bonus之用。
Status Match
本身Hilton Honors一直有Status Match活動，成功申請後會即時獲得Gold Elite為期90天，响90天挑戰期內住滿10晚可以保持Gold Elite、住滿18晚可以升級為Diamond Elite，會籍有效期至2022年3月，因此落果透過今次Double Rewards Bonus活動嘅雙倍合資格晚數，變相住5晚就可以獲Gold、住9晚可升Diamond。
 |
| FAQ註明fast tracks都計雙倍晚數 |
不過首要條件係您本身有其他酒店集團嘅中/高階會籍先可以申請Status Match，如果您本身係環球白板，最容易及快捷獲得酒店中階會籍嘅方法係用$200美元購買InterContinental Ambassador會籍從而獲得IHG Rewards Club白金(詳情請👉按此)，不過都需要提供入住一次該集團嘅入住紀錄先可以申請。
有關希爾頓會籍Status Match詳情請👉(按此)
👉 按此進入活動主頁及註冊
Hilton Honors訂房系統搜尋最佳房價要訣 (Terry隊長轉載)
話說Hilton Honors即將推出今年Q4嘅Double Rewards Bonus積分活動再加乘雙倍合資格晚數，申請Status Match後入住9晚就可以升鑽卡，因此可能會觸發一啲朋友會去旺角希爾頓酒店平刷鑽卡，Terry隊長好有心寫咗一篇希爾頓搜尋最佳房價嘅要訣比阿迪哥轉載，希望有助大家達到最低成本升鑽嘅目標，有請Terry隊長...🎉🎉
👉 按此進入希爾頓官網及訂房
適逢Hilton推Q4，令大家對Hilton鑽挑嘅興趣升到改制以來最高(雖然依度係萬豪地盤，大家未必有興趣)，但由於鑽挑改制後特性，由計stay變左計night，大家可能有機會嚟個long stay硬刷，所以我都順便打篇野講講，Hilton嘅神級預訂系統(溫馨提示，依篇主要比新手睇，可能好多老手已經知道，吾好嫌我廢噏
)首先我攞大家最有可能硬刷嘅旺角HGI嚟做例子(應該冇人會攞Conrad硬刷吧)，如果你諗住一次過book 9晚達標，就千其吾好貪方便，1次book幾晚，因為佢依家冇做long stay優惠，而一次過book 7晚或以上，會觸發long stay計法，全部一個價錢，仲要588咁貴(未加10％，之後講嘅價錢都係)
但由於冇優惠，所以每晚反而會比6晚貴左
咁一次book 6晚係咪最好呢？並吾係，首先要知道，冇特殊推廣下，Hilton最平嘅價格係Advance Purchase，即係預付價冇得取消，第二平嘅係Honors Discount，即係會員價，依款價格係可以3日前取消，但依家由於疫情政策，所有9月底前嘅預訂，都可以24小時前免費取消(不過如果係預付價或3天內的會員價，要打去客服取消，吾可以係app攪)，而Hilton一次訂幾日時(好蠢)嘅邏輯係，全部日子都有AP價嘅，就出到AP價，如果其中一日冇AP價就全部show會員價，所以你會發現book 8,9,10號三晚就會出到AP價440
但如果痴埋11號，就會全部show會員價568
而且最弔詭嘅係11和12號嘅會員價其實分別只要450和436，但如果你一次過book 11,12號，會出每晚450(暈)，所以結論就係，如果出到AP價嘅，一次過連住book無妨，但如果出吾到嘅話，就逐日book啦
另外提一提，用網頁版search時，可以用曾經走在業界尖啄嘅Flexible Dates功能，但其實只係睇到會員價
甚至用app search時，係酒店list睇到嘅價，都係會員價嚟
要再㩒入酒店裡面先睇到AP價
👉 按此進入希爾頓官網及訂房
【同時間進行嘅希爾頓集團優惠活動】
● 香港港麗酒店 - “A Peace Of Mind”客房餐務住宿專案，房價$1,700+10%【入住日期：即日起至2020年10月11日】(按此)
● Hilton Honors - 購買積分100%額外奬勵+雙倍購買上限【即日至2020年9月20日】(按此)
● Hilton Honors - Frontline Thanks感謝醫護優惠高達75折 (按此)
● Hilton Honors - Points Unlimited 2020年積分活動再度延期【2020年1月6日至2020年9月7日】 (按此)
● 更新：Hilton高階會籍挑戰【成功完成挑戰後會籍有效期至2022年3月】 (按此)
● Hilton Honors - 希爾頓註冊後90日內入住4次即升金卡！ (按此)
● Hilton Honors - 新會員入住兩次可獲5,000獎勵積分【即日至2020年12月31日】(按此)
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Hotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言