Marriott Bonvoy - 阿迪哥萬豪旅享家終身金卡達成

 

踏入2022年响迪迪身上第一件酒店事情係踏進萬豪終身會籍第二階段，即係終身Lifetime Gold Elite達成，距離終極目標終身白金年資仲爭5年(保級4年)，所以餘下幾年只需保命(白金)便可，雖然今年比去年保級難度高咗好多，不過內文仍再一次重溫萬豪終身會籍所需要求畀大家參考，希望大家一齊努力。

有賴去年Q1活動雙倍晚數及送贈一半晚數保級，阿迪哥鈦金會員送38晚👉(按此)，加上目前已成為外傭檢疫酒店嘅沙田萬怡酒店年初嘅歷史低價，令阿迪哥响2021年一共進帳162晚，因此可以一年內達成終身銀及再進一步嘅終身金。

去年Q1每晚Happy Hour都跟不同網友偶遇吹水非常難忘

香港沙田萬怡酒店

去年Q1好多網友一齊聚首响沙田萬怡酒店跑晚數，當時有網友問到迪迪何解已保級仍然堅持繼續跑晚數，原因是為咗未來而跑，難得酒店價錢咁低、當時亦每隔7日便使用一次Citi Prestige第4晚免費嘅褔利，令成本維持平均每晚$483，即是變相每個合資格晚數低於$242，的確機會難逢，可以大大降低終身晚數嘅成本，亦今未來幾年可以跑得更輕鬆，終身金(400晚)、終身白金(600晚)，兩者相差200晚，阿迪哥保級欠4年，即是未來4年平均每年50晚，只要至少保白金便事成。

阿迪哥完成2021年Q1刷房離開香港沙田萬怡酒店

再次重溫萬豪旅享家終身會籍畀有興趣嘅朋友參考，要成為萬豪終身尊貴會籍會員必須配合累積年資及入住晚數(年資無需連續)：

● Lifetime Silver Elite：5年銀卡或以上年資及250合資格晚數
● Lifetime Gold Elite：7年金卡或以上年資及400合資格晚數
● Lifetime Platinum Elite：10年白金卡或以上年資及600合資格晚數

👉 按此進入萬豪終生會籍頁面

雖然今年保級難關重重，酒店價錢貴咗、酒店選擇少咗，大家繼續努力！

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)