1865 Privilege - 最新消息：2021年會籍無條件延期一年及已對滿足入住要求會員發出套房升等優惠券

 

更新一吓1865 Privilege最新消息，會員服務部已向1865尊貴會員發出電郵有關尊貴會籍無條件延期至2022年12月31日。另外，响2021年合資格會員應該已經收到獲贈嘅套房升級優惠券，大家可以查查電子郵件。

1865會籍無條件延期一年

所有1865尊貴會員响2021年即使未能滿足保級條件，亦會無條件將會籍延期一年至2022年12月31日，以下是各個尊貴級別原本嘅保級要求：

● Gateway：日曆年住3次或9晚可提升
● Voyager：日曆年住5次或15晚可提升
● Destiny：只限內部邀請 

整個會員計劃最正係佢個保級要求超低！Gateway會員每曆年只需入住1次、而Voyager會員每曆年只需入住2次或連續6晚就可以保級！

套房升級優惠券

所有响2021年合符入住資格嘅會員，應該已經收到寄來嘅套房升級優惠券電郵，要獲得套房券會員必須要响全年入住5次或15晚，不過睇嚟今年應該所有Voyager會員都會收到，因為迪迪去年只係住咗一次康得思都收到套房券。

因為寄來嘅電郵寄件人比較特別、並非顯示Langham，因此阿迪哥擔心大家忽略咗呢個電郵。

● 寄件人名稱：SKChase
● 電郵地址：customerservice@skchase.com 

使用套房升級優惠券注意事項

● 套房免費升級券之有效期註明在電子券上 (有效期至2023年12月31日)
● 必須透過官網或直接聯絡酒店預訂
● 每張套房升級優惠券最多可連續入住3晚
● 除非本身是預訂行政房，否則升級之套房不包括行政酒廊待遇
● 房間預訂後需直接聯絡酒店及提供升級券號碼安排房間升級

阿迪哥建議大家，若要使用套房免費升級券，宜先致電酒店或在酒店預訂系統搜尋入住當日仍有否基本套房供應方可預訂住宿、或者預訂一些可以入住前免費取消之房價。

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)