由長江實業旗下海逸國際酒店集團管理嘅歷山酒店開業於2020年12月2日，但當時只有餐廳營業，到2021年9月1日客房正式接待住客，酒店以華麗的歐洲宮廷式設計為其標誌，因此開業前聲勢一時無兩，但由於開業初期其自助餐劣評如潮，成功引來港人最喜歡的一沉百踩文化、大量根本未試過嘅人苦主上身，阿迪哥係一個若然自己未親身體會過、絕不會人云亦云去踩多一腳嘅人，所以一直等待機會以神秘住客身份自費去體驗，咁樣就可以以第一身不抹黑、不洗白，中肯地去寫一篇入住報告。
【預訂】
阿迪哥今次透過KKday較早前快閃👉(按此)預訂住宿連半自助午餐套票，限量搶咗免費升級女王套房。
【酒店位置】
酒店位於港島北角臨海地段，距離港鐵砲台山站B出口經行人天橋及扶手電梯步程只需約2分鐘。
 |
| 由城市花園道入口進入酒店 |
 |
| 如果步行進入酒店千祈唔好畀呢個指示牌呃咗，右手邊係行車入口，徒步進入酒店其實係要左轉經維港頌指示牌進入 |
 |
| 先經過呢條窄巷 |
 |
| 再沿住扶手電梯落一層 |
 |
| 就會抵達歷山餐廳 |
 |
| 歷山餐廳 |
 |
| 繞過歷山餐廳經過呢條打卡長走廊就會到達酒店大堂及前台 |
地址：香港北角城市花園道32號
【辦理入住】
阿迪哥乘的士抵達酒店，落車時禮賓部職員非常主動地幫忙處理行李，先去描述一下禮賓部職員，因為前文講過迪迪係乘的士抵達酒店，而對該區環境非常陌生，入住後就打算出外視察四周環境，因為酒店前台位置比較隱秘， 所以就問禮賓部職員如何出番大街，職員細心解釋需要繞過一條長廊、並經過歷山餐廳沿扶手電梯上地面，最終職員主動帶迪迪一直到酒店出口，並介紹好多人都响酒店長廊打卡及簡單介紹，路程其實不算短，阿迪哥對該名職員嘅親切服務態度非常欣賞。
 |
| 禮賓部 |
 |
| 酒店大堂 |
 |
| 設計金碧輝煌的酒店大堂 |
 |
| 酒店大堂 |
 |
| 電梯空間比較狹窄 |
辦理入住先要填寫健康申報表，職員話今次升級套房比迪迪，其實係KKday預訂限量搶到套房，呢方面比較好笑，不過職員相當有禮貌，而且入住後套房旁邊嘅維港頌裝修鑽牆聲音很嘈，諮詢過職員後他們說並非酒店工程、他們亦主動換房，交流間他們亦非常有誠意及有禮，整個入住過程無論係前台及禮賓部職員服務態度都令阿迪哥印象非常深刻。
 |
| 酒店前台 |
 |
| 辦理入住先要填寫健康申報表 |
 |
| 客房房卡 |
【房間】
酒店設有840間客房及套房，客房分別以啤牌的方塊、梅花、紅心、葵扇作級別分類，而套房則以女王(Queen)及國王(King)為名。
迪迪今次入住女王套房，房間跟酒店嘅公共空間有強烈對比，酒店大堂及餐廳設計金碧輝煌、但係房間設計就以非常平實嘅灰色為主調，充滿家居嘅感覺，有人嘅感覺係酒店公共空間與房間設計唔一致，但若然房間都設計成宮廷式土豪金咁迪迪都頂唔順啦，反之目前嘅設計感覺比較安逸舒適。
 |
| 女王套房 |
一進入套房是起居室，一邊是衣櫃、另一邊是一張吧枱連廚櫃及微波爐。
 |
| 女王套房 - 起居室 |
 |
| 女王套房 - 起居室 |
 |
| 女王套房 - 起居室 |
 |
| 女王套房 - 起居室 |
 |
| 免費供應的即溶咖啡及茶包，對於一間全新酒店的套房連咖啡機都沒有真係不合格，畢竟酒店定位唔係低到咁喎？ |
衣櫃那邊包括保險箱及小雪櫃，不過呢兩件用品响現今新型酒店都好少機會見到係外露，其實只要設計師肯花點心思應該可以巧妙地隱藏。
 |
| 女王套房 - 起居室 |
 |
| 女王套房 - 衣櫃、保險箱及小雪櫃 |
 |
| 女王套房 - 保險箱及雪櫃完全外露，其實有冇用心設計過？ |
 |
| 女王套房 - 衣櫃 |
 |
| 供應的睡拖是最劣質、 紙咁薄的那一種 |
起居室最大亮點應該就係一張配合房間設計顏色嘅L型灰色長梳化，坐下梳化睇電視、放空、或者看海都好想心樂事，可惜房間只擁有側海景，與及距離海港有一段距離。另外，晚上起居室燈光比較昏暗，但臥室及浴室燈光很充足。。
 |
| 女王套房 - 起居室 |
 |
| 女王套房 - 起居室 |
 |
| 女王套房 - 起居室的梳化很讚！ |
 |
| 女王套房 - 起居室 |
 |
| 女王套房 - 起居室LG大電視 |
 |
| 女王套房 - 起居室窗外側海景 |
 |
| 女王套房窗外景觀 |
套房大部分空間都送咗畀寬敞嘅起居室、因而臥室就明顯比較狹窄，大床兩邊都設有傳統三腳插蘇及USB充電插頭。
 |
| 女王套房 - 臥室 |
 |
| 女王套房 - 臥室 |
 |
| 女王套房 - 臥室 |
 |
| 女王套房 - 臥室亦有一部同款式的LG大電視 |
 |
| 女王套房 - 臥室 |
 |
| 女王套房 - 臥室傳統三腳插蘇及USB充電插頭 |
 |
| USB充電插頭整間套房一共只有兩個，略嫌不足 |
床邊有張木製寫字枱，很適合用來工作，而且係靠向窗邊，工作時候可以望向窗外景觀都幾舒服，不過因為臥室空間不大，若然寫字枱放於起居室、而臥室窗邊以一張貴妃椅取代相信空間感會更佳。
 |
| 女王套房 - 臥室寫字枱及摺疊式行李架 |
 |
| 女王套房 - 臥室寫字枱 |
 |
| 女王套房 - 臥室寫字枱可看到部分海景 |
套房只有一個浴室，附設於臥室，浴室設計簡潔，燈光充足，不過最大致命傷係沒有乾濕分離淋浴空間，阿迪哥最怕就係要企响浴缸上面沖涼。
 |
| 女王套房 - 浴室 |
 |
| 女王套房 - 浴室 |
 |
| 女王套房 - 浴室 |
 |
| 女王套房 - 浴室風筒 |
 |
| 女王套房 - 浴室 |
 |
| 以一間全新酒店嘅套房配置，沒有乾濕分離淋浴間、需要企响浴缸上沖涼，令人失望 |
浴室供應簡單備品，包括牙具套裝、浴帽衛生袋、化妝棉及棉花棒，如果需要其他用品例如鬚刨套裝可以向職員要求。
 |
| 女王套房 - 浴室衛生備品 |
 |
| 女王套房 - 浴室衛生備品 |
 |
| 有需要酒店可提供浴袍 |
沐浴備品是大支補充裝，味道一般，而且只有二合一洗髮水、沐浴液及洗手液，沒有潤膚乳、沒有護髮素，因此大家記住必須自備。
 |
| 大支補充裝沐浴備品 |
整個套房面積不算大，但尚算舒適，若然設計上可以巧妙地將起居室面積縮小一點，令到浴室可以建有乾濕分離淋浴間及浴缸感覺上就會截然不同，還有USB充電插頭嚴重不足，除咗兩邊床頭各有一個之外，起居室就連一個插孔都沒有。
【餐廳及酒吧】
酒店一共設有一間餐廳及一間酒吧：
● 歷山餐廳：全日供應早、午、晚自助或半自助餐及下午茶套餐
● 酒吧及酒廊：預計提供各式美酒佳餚及下午茶套餐，但暫時未開業
 |
| 歷山餐廳 |
 |
| 歷山餐廳 |
 |
| 歷山餐廳 |
 |
| 歷山餐廳 |
阿迪哥預訂嘅套票包含咗退房當日响歷山餐廳嘅半自助午餐，頭盤包括凍海鮮、沙律、冷盤、剌身、湯及甜品响自助餐區域無限量自取，另每人可點選一份主菜。
 |
| 歷山餐廳 - 半自助午餐 |
刺身一共有四款選擇，包括三文魚、紅鯛魚、魷魚及甜蝦，迪迪興趣不大因此冇食，凍海鮮有熟蝦、藍青口及海螺，全部都好細隻，不過都頗有鮮味，雖然沒有生蠔、但係就有芝士焗蠔更啱迪迪口味！沙律方面發揮正常，熱湯方面有南瓜忌廉湯及青紅蘿蔔粟米煲豬骨湯，中湯煲得好入味，好飲！
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
至於甜品方面選擇都幾多，迪迪最開心係見到大大粒好煙韌嘅啫喱糖、仲有芒果拿破崙都好食，蘆薈西米露本身都幾吸引不過可惜太甜。
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 歷山餐廳 - 半自助午餐 |
 |
| 半自助午餐的Häagen-Dazs雪糕需要額外收費 |
自助餐區款式不算多，不過以咁嘅價錢食物質素就算收貨了，迪迪用餐當日係星期五中午，食客少過十張枱，客人不多但補充食物速度略嫌有點慢，若果週末或假期唔知情況會否好惡劣呢？
主菜有西式及中式選擇，每位可點一份，今次分別點選咗香蒜辣椒香草欖油炒蜆肉意粉及炭燒美國西冷扒，主菜做得好出色，意粉醬汁好creamy、西冷扒叫咗五成熟火候覺得啱啱好，雖然並非什麼靚扒，但係炭烤嘅焦香味令到整塊肉味提升不少，而且塊扒完冇筋，實食冇黐牙嘅牛扒就最好味！
 |
| 主菜 - 香蒜辣椒香草欖油炒蜆肉意粉 |
 |
| 主菜 - 炭燒美國西冷扒 |
今次享用嘅半自助午餐全部並非什麼驚為天人嘅菜式，但係味道超乎預期、當然用餐前set到標準好低，尤其是主菜做得好好，甜品款式亦不少，迪迪都幾滿意。
【酒店設施及Wi-Fi】
因為政府防疫政策關係酒店健身室需要暫停開放、而本身酒店泳池亦未開始運作，因此迪迪今次入住並未使用過任何康體設施。
酒店Wi-Fi訊號很強，登入係直接輸入密碼，並非如其他酒店集團咁樣有一個登入版面輸入房間號碼及姓氏咁登入，其實咁樣直接輸入一組密碼阿迪哥覺得更加方便。
【整體觀感】
平日半自助午餐正價價錢每位$298+10%，但今次迪迪預訂套票連女王套房及兩位半自助午餐只係$847已包加一真係抵到嘔，酒店好新淨、但硬件配套一般，咁新嘅酒店連套房都冇乾濕分離淋浴間、要企响浴缸上面沖涼就真係攞命，不過畢竟住一晚啫，以價論價就始終好抵玩，而且酒店職員服務真係一致性親切有禮，食物亦合格，希望未試過嘅朋友公平點、日後可以放過佢哋一馬、唔好再將酒店開幕時嘅自助餐失準無限loop一世。
 |
| 歷山酒店 (Hotel Alexandra) |
======================================================
注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。
● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)
沒有留言:
張貼留言