Cathay Pacific - 國泰馬孛羅會及亞洲萬里通將合拼成為單一個會員計劃

 

去年國泰宣布將整合品牌一劃統稱為“國泰”、“Cathay”，發展成為一個生活品味品牌，超越過往只係單純航空業嘅範疇，並且於今年7月份將國泰馬孛羅會及亞洲萬里通拼為單一個會員計劃。

以目前所知由七月份起現有馬孛羅會會員等級將會直接過渡去新嘅會員計劃等級，而現有非馬孛羅會的亞洲萬里通會員就將會成為新計劃下嘅Cathay綠卡會員，過往馬孛羅會綠卡會員嘅$100美元會費亦將不會再收取。

馬孛羅會及亞洲萬里通合拼成為單一個會員計劃

現有馬孛羅會銀卡、金卡、鑽石卡會員權益大致上將維持不變，唯獨是綠卡會員嘅特選經濟艙櫃位辦理check-in、優先登機及國泰貴賓室獎勵兌換嘅權益將會取消，咁即係綠卡會員將成為正正式式嘅白板會員，擁有白板會員福利、即係無福利。

國泰綠卡將來不可再兌換貴賓室獎勵 (圖片來自國泰官網)

其實阿迪哥一直認為馬孛羅會本身係一個歷史問題，存在只會係令人混淆，整合成為單一個會員計劃跟本只係遲早嘅事。

延長馬可孛羅會會籍至2023年方法

另外順帶一題，疫情下若果希望將今年馬可孛羅會會籍延長至2023年12月31日，可以透過以下四個方法其中一個：

● 2022年12月31日前乘搭兩段認可航班

● 2022年10月31日前憑渣打國泰Mastercard賺取25,000里數、或其他香港以外地區發行之國泰聯營信用卡簽賬賺取15,000里數

● 2022年10月31日前透過香港的金融夥伴機構轉換信用卡積分為里數或選用銀行服務以賺取 50,000里數；或透過金融夥伴機構 (香港以外) 轉換信用卡積分為30,000里數

● 2022年10月31日前於國泰購物平台消費至少 HKD5,000或USD640

👉 詳情請按此進入國泰官網

======================================================

注意：所有阿迪哥介紹嘅酒店活動，除特別註明外一律需要透過以下酒店集團官網或App預訂，透過網上旅行社預訂(例如：Agoda、Trip.com、https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouid=https://www.trip.com/hotels/w/home?Allianceid=1258953&SID=3191552&ouiHotels.com、Booking.com...等)均不能計算在內。

● Marriott - 萬豪集團官網 (按此)
● Hilton - 希爾頓集團官網 (按此)
● Accor - 雅高集團官網 (按此)
● IHG - 洲際集團官網 (按此)
● Hyatt - 凱悅集團官網 (按此)
● Shangri-La - 香格里拉集團官網 (按此)
● Radisson - 麗笙酒店集團官網 (按此)
● Best Western - 貝斯特韋斯特國際集團 (按此)